Бүгүн, 7-май күнү Жалал-Абад шаарынын Барпы театрынын алдында КР Улуттук Кызыл Ай коомунун облустагы өкүлчүлүгү тарабынан мектеп окуучуларанын арасында “Мээримдүүлүк түбөлүккө жашасын!” – деген аталыштагы асфалтка сүрөт тартуу сынагы уюштурулду.

Аталган сынакка облустук көркөм-сүрөт жатак мектеп-интернатынын окуучулары да катышты. Шаардагы 1,3,4,7,19-мектептерден келген окуучулар өздөрүнүн чыгармачылык чеберчиликтерин көрсөтүшүп, мэрримдүүлүк бул – ата-эне, бала жана үй-бүлө бактысы экендигин, дүйнөдө тынчтык болсо, ар бир баланын күлкүсү жаңырып турарын сүрөттөрүндө чагылдырып беришти.

Жыйынтыгында, сынакта 1-орунду шаардагы №19-орто мектептин окуучулары тарткан сүрөт алып, аларга баалуу белек тапшырылды. Калган мектеп окуучулары да байгелүү орундарга ээ болушуп, КР Улуттук Кызыл Ай коомунун облустагы өүлчүлүгү тарабынан баалуу белектер менен сыйланышты.