Жалпысынан 2016-жылдын 6 айында Жалал-Абад ОИИБнын 10-бөлүмү тарабынан, облустун аймагында баардыгы болуп 140 факты  аныкталган. Бул тууралуу ОИИБнын басма сөз кызматы билдирди.

Алынган маалыматка караганда, диний экстремизмге каршы күрөшүү багыты боюнча үстүбүздөгү жылдын 6 айында диний экстремизмге каршы күрөшүү максатында облусубуздун аймагында диний кастыкты козутуу багытында 58 факты аныкталган. Алардын ичинен 34 факты боюнча кылмыш иштери козголгон.

Ошондой эле, Жалал-Абад облусунун аймагында диний экстремизмге, улуттар аралык араздашууга каршы күрөшүү, чек-ара келишпестиктерин болтурбоо максатында жергиликтүү бийлик жана күч кызматкерлери менен биргеликте  жер-жерлерде 328 жолу семинар-кеңешмелер уюштурулуп өткөрүлгөн.

Анын натыйжасында 2015-жыл ичинде 3 атуул “Хизбут-Тахир” диний экстремисттик уюмунан өз эрки менен чыкса, быйылкы жылдын жарым жылында “Хизбут-Тахир” диний экстремисттик уюмунун активдүү 13 атуулу ”Хизбут-Тахир” ДЭУнун катарынан өз эрки менен чыгарылган жана жалпыга маалымдоо каражаттары аркылуу билдирген.