KELECHEK

Ноокен районунда гибрид жүгөрүсүн өстүрүү технологиясы боюнча талаа күнү өткөрүлдү

Ноокен районунда гибрид жүгөрүсүн өстүрүү технологиясы боюнча талаа күнү өткөрүлдү

Ноокен районунун Бүргөндү айыл аймагынын Жеңиш айылында гибрид жүгөрүсүн өстүрүүнүн технологиясы боюнча облустун Сузак, Базар-Коргон, Ноокен райондорунун фермерлеринин катышуусунда “Агро Горизонт – Жүгөрүнүн кошумча нарк чынжырчасын өнүктүрүү долбоорунун” алкагында талаа күнү өткөрүлдү.

Жалал-Абад айылдык консультациялык кызматынын директору Сыргабек Жойболотовдун берген маалыматына караганда, талаа күнүн өткөрүүнүн негизги максаты – катышуучулар жүгөрүдөн жогорку түшүм алуунун жаңы технологияларын үйрөнүшөт, аны практика жүзүндө көрүшөт.

“Быйыл Агро Горизонт долбоору аркылуу 3 райондо 600 гектар жерге 1200 фермер жүгөрү эгишти. Бул биринчиден сапаттуу үрөн, экинчиден жогорку түшүм алышат. Техника жагынан жардам бердик. Кантип отоо чөптөргө каршы күрөшүү боюнча дары-дармектер берилди. Кыскасы, азыркы күндөгү жүгөрүдөн түшүм алуунун акыркы технологиясын дыйкандарга сунуш кылып жатабыз. Уюштуруу өтө кыйын болду. Себеби, биздин жерлер өтө эле майдаланып кеткен. Бир техника келсе, ал талаага кире албай кыйналат. Ошол себептен, ар бир айылда кеминде 10 гектардан кем эмес жер, 20дан дыйкан болсун деп тандаганбыз. Тандоо да өтө кыйын болду. Ошого карабастан, аракет кылып 1200 фермердин жүгөрүсү жакшы өсүп жатат. Фермерлерге үрөн, дары-дармектен 75 пайыздык жеңилдик берилген. Жүгөрүнүн түшүмүн сатып берүү жагы да каралууда. Кийинки жылы да долбоорду алып кетүү боюнча сүйлөшүүлөр жүрүүдө”, - дейт С.Жойболотов.

Талаа күнүнө келген 150 фермер-дыйкандар алгач каттоодон өтүшүп, андан кийин “Агро Горизонт – Жүгөрүнүн кошумча нарк чынжырчасын өнүктүрүү долбоорунун” координаторлору жана жергиликтүү бийлик өкүлдөрүнүн катышуусунда долбоордун жүргүзүп жаткан иштери боюнча кеңири маалымат берилди.

Жогоруда аталган долбоордун менеджери Каныкей Турсунбаеванын айтымында, “Жалал-Абад облусунда жүгөрүнүн кошумча нарк чынжырчасын өнүктүрүү долбоорунун” алкагында 600 гектарга жүгөрү эгилди. Ноокен районунда 400 дыйкан 200 гектарга, Базар-Коргондо 340 дыйкан 170 гектарга, Сузак районунда 460 фермер 230 гектар жерге гибрид жүгөрүсүн эгишкен.

- Бул жерде 1200 фермер камтылган. Ар бир фермер 50 сотых жерге жүгөрү эккен. Бул долбоордун негизги эле максаты – сыртка экспортко чыгуу болуп саналат. Экспортко чыгуу үчүн тонна болуш керек. Сырттан кардарлар тонналап сурайт. Ошого фермерлерге бир сорттогу урук берилип, бирдей технологияда эгилди. Талаадан баштап, айдоо, уругу, жер семирткич баары бир чынжырчага байланып, баары жакшы иштесе, натыйжасы жакшы болот. Ошолордун баарын бир жипке байлоо болгон. Анализдеп көрсөк, бир гектардан 13-15 тоннадан түшүм алууну көздөп жатабыз. Мурун дыйкандар 3-5 тоннадан түшүм алып келишкен. Кол күчүн азайтууну да максат кылганбыз. Быйыл биринчи жолу жүгөрүдөн баштадык, кийинки жылы башка культурага өтөбүз деген максатыбыз бар, - дейт К.Турсунбаева.

Талаа күнүнө келгендер 5 топко бөлүнүп алышып, адистердин катышуусунда практикалык окуулардан өтүштү.

Анархан Жаңыбаева, "kogart.kg"

Досторуң менен бөлүш


Коментарии FACEBOOK:

Тектеш жаңылыктар

Таш-Көмүрдө жугуштуу илдетке байланыштуу түшүндүрүү иштери...

Таш-Көмүрдө жугуштуу илдетке байланыштуу түшүндүрүү иштери...

Таш-Көмүр шаарынын мэри Рахман Асаналиев, ШИИБдин начальниги, милициянын подполковниги Азенбек...

Аймак 2020-05-21  17:25

Ноокен базарында түшүндүрүү иштери жүргүзүлүп, суу бойлоруна...

Ноокен базарында түшүндүрүү иштери жүргүзүлүп, суу бойлоруна...

Ноокен РИИБдин кызматкерлери жергиликтүү бийлик өкүлдөрү менен биргеликте коронавирус илдетинин...

Аймак 2020-05-21  17:36

Чек арада өрттөлгөн үй үчүн Кыргызстан төлөйт

Чек арада өрттөлгөн үй үчүн Кыргызстан төлөйт

8-май күнү кыргыз-тажик чек арасындагы кагылышууда өрттөлгөн үйдүн чыгымы эсептелип бүтө элек. Эки...

Аймак 2020-05-12  14:02

Кыргызстан Тажикстан менен чек арасындагы бир постту жабууну пландап...

Кыргызстан Тажикстан менен чек арасындагы бир постту жабууну пландап...

Кыргызстан Тажикстан менен чек арасындагы бир өткөрмө бекетин жабуу маселесин караштырып жатат. Бул...

Аймак 2020-05-12  14:08

Ала-Букада эки согуш ардагерине автоунаа белекке берилди

Ала-Букада эки согуш ардагерине автоунаа белекке берилди

Ала-Бука району. 9-май 2020-жыл.

Район борборундагы жеңиш монументинде өткөн чакан салтанатта...

Аймак 2020-05-09  17:15

Милиция: Чаткалда медкызматкерди муунтуп, баш ийбегендердин окуясы...

Милиция: Чаткалда медкызматкерди муунтуп, баш ийбегендердин окуясы...

Чаткал району.

Райондук ички иштер бөлүмү дарыгерлердин талабына баш ийбей, кол көтөргөндөрдүн...

Аймак 2020-05-07  13:05

Баткен жана Жалал-Абад облустарында селдин кесепетин жоюу иши...

Баткен жана Жалал-Абад облустарында селдин кесепетин жоюу иши...

Аксы району. 3-апрель, 2020-жыл.

Баткен жана Жалал-Абад облустарында 2-3-майдагы селдин кесепеттерин...

Аймак 2020-05-04  12:28