KELECHEK

Тажик ТИМи: Баткен тууралуу тажик генералынын билдирүүсү - анын жеке пикири

Тажик ТИМи: Баткен тууралуу тажик генералынын билдирүүсү - анын жеке пикири

Абдулло Навджувонов

18-февралда Тажикстандын тышкы иштер министри Сироджиддин Мухриддин басма сөз жыйынын өткөрүп, Баткен облусу тууралуу сүйлөгөн тажик генералы Абдулло Навжувоновдун сөзүнө түшүндүрмө берди.

Министр «Баткен тууралуу сөз - анын жеке пикири. Анын сөзү өлкөнүн расмий пикири деп эсептелбейт» деп билдирди.

«Генерал бул сөздү расмий иш-чарада айткан жок. Ошондуктан анын сөзү өлкөнүн расмий позициясы болуп эсептелбейт. Генералдын сөзүнө тарыхчылар гана баа бере алат», - деди министр.

Абдулло Навжувонов - Тажикстандын ИИМинин Согди облусу боюнча башкармалыгынын башчысы. Ал 12-февралда Хожентте өткөн басма сөз жыйынында кыргыз-тажик чек арасындагы чыр-чатактар тууралуу суроого «Баткен эч качан Кыргызстандын жери болгон эмес» деп жооп берген.

Кыргыз тарап буга дароо жооп кайтарып, өкмөттүн Баткен облусундагы ыйгарым укуктуу өкүлчүлүгү генералдын сөзү чек арада жашаган эки элдин ортосундагы тынчтыкка доо кетирерин эскерткен.

Кыргыз тараптын билдирүүсүндө: «Басма сөз жыйынында чагым кыла турган билдирүүлөр жасалды. Өкмөттүн Баткен облусундагы ыйгарым укуктуу өкүлчүлүгү чек арада жашаган эки элдин ортосундагы ынтымакка доо кетирет. Бул билдирүү атайын чагым кылуу максатында жасалды», - деп айтылган.

Кыргызстандын Тышкы иштер министрлиги 14-февралда Тажикстандын Кыргызстандагы элчиси Назирмада Ализоданы чакырып, кыргыз тарап расмий Душанбеден татыктуу реакция жасалышын күтөрүн жана мындан кийин буга окшогон фактылар кайталанбайт деп ишенерин билдирген.

Ага чейин Кыргызстандын Куралдуу күчтөрүнүн башкы штабынын башчысы Абдикарим Алимбаев «Баткен эч качан Тажикстандыкы болгон эмес жана болбойт. Бул Кыргызстандын жери» деген билдирүү тараткан.

Кыргыз-тажик чек арасы 976 чакырымдан ашык. Анын ичинен 450 чакырымы эмгиче аныктала элек.

Null

Досторуң менен бөлүш


Коментарии FACEBOOK:

Тектеш жаңылыктар

Жалал-Абад шаары жана Сузак районунда коменданттык саатты бузган 8...

Жалал-Абад шаары жана Сузак районунда коменданттык саатты бузган 8...

Жалал-Абад шаары жана Сузак районунда коменданттык саатты бузган 8 жаран кармалды. Бул тууралуу...

КООМ 2020-04-07  05:18

Жалал-Абад: Өкмөт тарабынан берилген жардам муктаждарга жеткирилүүдө...

Жалал-Абад: Өкмөт тарабынан берилген жардам муктаждарга жеткирилүүдө...

Жалал-Абад шаарындагы 662 үй-бүлөгө өкмөт тарабынан бир мүшөктөн ун берилди.

КООМ 2020-04-06  16:34

Жалал-Абад шаарында муктаж үй-бүлөлөр азык-түлүк менен камсыздалууда...

Жалал-Абад шаарында муктаж үй-бүлөлөр азык-түлүк менен камсыздалууда...

Жалал-Абад шаарынын мэриясы калаадагы аз камсыз болгон, мүмкүнчүлүгү чектелген жана багар көрөөрү жок...

КООМ 2020-04-06  17:08

Өкмөт башчы Ошко аскердик учак менен барды

Өкмөт башчы Ошко аскердик учак менен барды

Премьер-министр Мухаммедкалый Абылгазиев Ош шаарына барды. Бул тууралуу өкмөт башчынын маалымат...

КООМ 2020-04-04  19:41

Новосибирск: Алты кыргызстандык транзиттик зонада камалып калды

Новосибирск: Алты кыргызстандык транзиттик зонада камалып калды

Новосибирсктин аэропортундагы кыргыз жараны. 31.03.2020

Кыргызстандын алты жараны Орусиянын...

КООМ 2020-04-03  19:37

ИИМ: Сойку ташыган милиционер тууралуу маалымат жалган

ИИМ: Сойку ташыган милиционер тууралуу маалымат жалган

Ички иштер министрлиги Бишкекте милиция кызматкери түнчүндө өзүнүн жеке машинасы менен сойкуларды...

КООМ 2020-04-02  17:05

Өзбекстанда Экинчи дүйнөлүк согуштун катышуучуларына 1000 доллардан...

Өзбекстанда Экинчи дүйнөлүк согуштун катышуучуларына 1000 доллардан...

Өзбекстанда Экинчи дүйнөлүк согуштун катышуучуларына жана майыптарына 10 миллион сум ($ 1000) өлчөмүндө...

КООМ 2020-04-02  18:35