KELECHEK

Ташкенте «Абу Сахий» базары текшерилип жатат

Ташкенте «Абу Сахий» базары текшерилип жатат

5-январдан бери Өзбекстандын укук коргоо органдары «Абу Сахийдин» «Ташкент соода борбору» деген ат менен расмий катталган базарын текшерип жатышат.

Маалыматты ошол эле базар жетекчилеринин бири «Азаттыктын» өзбек кызматына өзү ырастаган. Ал текшерүүлөрдү Өзбекстандын Башкы прокуратурасынын алдындагы экономикалык кылмыштарга каршы күрөш департаменти көзөмөлдөп жатат.

Ташкент шаардык прокуратурасынын атын атагысы келбеген кызматкери да элге «Абу Сахий» деген ат менен таанылган «Ташкент соода борбору» ар тараптан текшерилип жатканы тууралуу маалыматты тактаган.

«Азаттыктын» өзбек кызматынын кабарчысы «Абу Сахий» базары боюнча прокуратурага сурак берген соодагерлер менен байланыша алды. Эки соодагер тең «Абу Сахийдин» жетекчилерине мындан үч жыл мурда козголгон кылмыш иши боюнча күбө катары сурак беришкенин ырасташты.

Алардын бири - «Абу Сахий» базарында 2014-жылга чейин соода кылган Динара Латипова. Анын айтымында, прокуратура кызматкерлери андан «Абу Сахий» базарына чет өлкөнүн товарларын кантип ташып келгенин сурашкан.

– Тергөөчүлөр менин ишкер катары укугумду базар жетекчилери тепсегенин түшүндүргөнгө аракет кылышты. Аткезчилик схемасынын курмандыгы болгонумду айтышты. Бирок «Абу Сахий» карго кызматы ачылгандан кийин бизге окшогон соодагерлердин иши жеңилдеген да.

Динара Латипова Ташкент шаарынын прокурорунун орун басары А.Пулатовдун колу коюлган кагазды көрсөттү.

Кагазда «Ташкент соода борбору», «Мирабад дыйкан базары» жана башка бир нече субъектинин жетекчилерине карата «кызмат абалынан кыянат пайдаланган» деген берене боюнча кылмыш иши козголгону жазылган. Бирок бир да шектүүнүн аты аталган эмес.

Белгилей кетсек, «Абу Сахий» базары 2017-жылга чейин маркум президент Ислам Каримовдун кенже кызы Лола Каримованын күйөөсү Тимур Тилляевге караштуу болчу.

Бул тууралуу «Азаттыктын» кыргыз кызматы, «Kloop» басылмасы жана «Уюшкан кылмыштуулукту жана коррупцияны иликтөө долбоору» (OCCRP) биргелешип, 21-ноябрда жарыялаган иликтөөдө да айтылган.

2018-жылы өлкөнүн «Ахборот 24» жана «Узбекистан 24» телеканалдарында «Абу Сахий» дүң соода базарынан 53,5 миллион доллар казынага төлөнбөй чет өлкөгө чыгарылып кеткени маалымдалган. Кийинчерек бийлик базарды кайра түзгөн соң мамлекетке түшкөн төлөмдөр көбөйгөнүн кабарлашкан.

Учурда расмий документтерде «Абу Сахий» базарынын директору катары Акмал Хусаинов деген жаран катталган. Мурдараак маалымат каражаттарында базардын чыныгы кожоюну чет өлкөлүк жаран экени жазылган. Бирок анын аты, ал ээлик кылган менчиктин түрү ачылбаган бойдон калып келет.

Null

Досторуң менен бөлүш


Коментарии FACEBOOK:

Тектеш жаңылыктар

Кытайда Си Цзинпинди кызматтан кетүүгө чакырган активист кармалды

Кытайда Си Цзинпинди кызматтан кетүүгө чакырган активист кармалды

Хубэй провинциясындагы медициналык палата. 16-февраль 2020-жыл

Кытайда төрага Си Цзинпинди...

Метродо коронавирус жөнүндө тамаша кылган тажикстандык 7 жылга...

Метродо коронавирус жөнүндө тамаша кылган тажикстандык 7 жылга...

Москва метросунда коронавирус темасында оюн уюштурган тажикстандык Кароматулло Жабборовго тагылган...

Казак бийлиги Назарбаевдин небересинин билдирүүсү боюнча...

Казак бийлиги Назарбаевдин небересинин билдирүүсү боюнча...

Британиядан башпаанек сураган Айсултан Назарбаевдин билдирүүсү...

Асаддын армиясы Алеппого жакын шаарды көзөмөлүнө алды

Асаддын армиясы Алеппого жакын шаарды көзөмөлүнө алды

Сирияда президент Башар Асаддын режимин колдогон басылмалар...

«Амазондун» негиздөөчүсү климаттын өзгөрүшүнө каршы күрөшүүгө $10...

«Амазондун» негиздөөчүсү климаттын өзгөрүшүнө каршы күрөшүүгө $10...

Жефф Безос

«Амазондун» негиздөөчүсү Жефф Безос климаттын өзгөрүшүнө каршы күрөшүү боюнча...

Цукерберг: “Фейсбук” күнүгө миллион фейк аккаунтту өчүрүүдө

Цукерберг: “Фейсбук” күнүгө миллион фейк аккаунтту өчүрүүдө

“Фейсбук” социалдык түйүнүнүн негиздөөчүсү Марк Цукерберг күн сайын администраторлор...

Түркмөн президентинин кичи мекени мыкты район сынагында $1 миллион...

Түркмөн президентинин кичи мекени мыкты район сынагында $1 миллион...

Ахал облусунун Көктепе районундагы Бабарап айылы

Түркмөнстандын Көктепе району 2019-жылдагы эң...