KELECHEK

Чек ара чырында кармалгандарды бошотууну талап кылган пикет өттү

Чек ара чырында кармалгандарды бошотууну талап кылган пикет өттү

Жогорку Кеңештин алдында Баткенде кыргыз-тажик чек арасындагы чырга байланыштуу кармалган кыргызстандык төрт адамды чыгарууну талап кылган нааразылык акциясы өттү.

«Чек ара» коомдук бирикмеси уюштурган пикетте милиция тарабынан кармалган төрт киши «тажик жарандары уюштурган чагымга каршы турушканы үчүн кармалганы» айтылды. Аталган коомдук бирикменин мүчөсү Бекназар Айталиев эл менен жолугушуу үчүн чыккан Жогорку Кеңештин депутаты Таабалды Тиллаевге кайрылды.

- Негизги талабыбыз - төрт баланы бошотуп бергиле. Аларды камап, кысымга алуу менен Баткенде жашаган элге моралдык басым кылып жатышат, - деди Айталиев.

10-январга караган түнү кыргыз-тажик чек арасында чыр чыгып, тажик айылы тараптан кыргыз тарапка туш келди ок атылганы кабарланган. Расмий маалымат боюнча, түзүлгөн кырдаалга байланыштуу Кыргызстандын төрт жараны кармалган.

Чек арадагы чатактан улам 10-январга караган түнү Баткен районунун Көк-Таш айылынын 254 тургуну Көк-Таш айылындагы орто мектепке жайгаштырылып, абал турукташкандан кийин үйлөрүнө кетишти. Алардын көпчүлүгү жаш балдар жана аялдар болчу.

Бул чатактан соң Кыргызстан окуя үчүн тажик жарандарын айыптап, Тышкы иштер министрлиги Тажикстандын элчилигинин өкүлүн чакырып, нааразылык нотасын тапшырды.

Ал эми Тажикстандын Улуттук коопсуздук комитетинин Чек ара кызматы чатакка кыргыз жарандарынын аракети түрткү болгонун билдирген маалымат тараткан. Кыргызстандын чек арачылары ал маалыматты толугу менен четке кагууда.

Абалды жөнгө салуу боюнча эки өлкөнүн президенттери Сооронбай Жээнбеков менен Эмомали Рахмон 11-январда телефон менен сүйлөшкөн. Натыйжада Кыргызстан менен Тажикстандын өкмөт өкүлдөрү 14-январда жолугуп, маселени талкуулашат.

Null

Досторуң менен бөлүш


Коментарии FACEBOOK:

Тектеш жаңылыктар

Чек ара боюнча акцияга чыккандар бийликке алты талап коюшту

Чек ара боюнча акцияга чыккандар бийликке алты талап коюшту

Бүгүн, 15-январда Жогорку Кеңештин алдында кыргыз-тажик чек арасы боюнча маселени чечүү жана Баткенде...

КООМ 2020-01-15  23:51

Жалал-Абад:  56 балага туулгандыгы тууралуу күбөлүк алып берилди

Жалал-Абад: 56 балага туулгандыгы тууралуу күбөлүк алып берилди

Төрөлгөндөн кийин тийиштүү документтери жок балдар мамлекет тарабынан көрсөтүлүүчү социалдык жана...

КООМ 2020-01-13  22:12

«Исхак Раззаковдун туулган күнүнүн 110 жылдыгын майрамдоо жөнүндө»...

«Исхак Раззаковдун туулган күнүнүн 110 жылдыгын майрамдоо жөнүндө»...

Кыргыз Республикасынын Президенти Сооронбай Жээнбеков «Исхак Раззаковдун туулган күнүнүн 110...

КООМ 2020-01-10  14:59

Бишкекте Кыргызстандын жана Азербайжандын Достук паркы курулат

Бишкекте Кыргызстандын жана Азербайжандын Достук паркы курулат

Бишкек шаарынын түштүк жагында Кыргызстандын жана Азербайжандын Достук паркы курулат. Бул боюнча...

КООМ 2020-01-10  18:25

Жаңы-Өзөндө жашоочулар газдын баасынын кымбатташына нааразы

Жаңы-Өзөндө жашоочулар газдын баасынын кымбатташына нааразы

6-январда Жаңы-Өзөн шаарынынын айрым жашоочулары жана ишкерлер акимчиликтин алдына чогулуп,...

КООМ 2020-01-08  15:43

Издөө салабыз

Издөө салабыз

1992-жылы туулган Хажиматов Кенжебек Абдумалик угли  2019-жылдын 26-декабрь күнү саат 07:00 чамасында...

КООМ 2020-01-04  03:24

Аба ырайы: көпчүлүк аймактарда кар жаайт

Аба ырайы: көпчүлүк аймактарда кар жаайт

Бишкек.

3-январда Ош, Жалал-Абад, Баткен облустарынын көпчүлүк аймактарында жаан, кар, Чүй, Талас,...

КООМ 2020-01-02  18:07