Жакында Ала-Бука районунун мамлекеттик администрациясында “Санарип Кыргызстан 2019-2023” санариптик трансформациянын концепциясынын алкагында райондук телекоммуникациялык диалог: «Санариптештирүү-өнүгүүнүн өзөгү» аттуу регионалдык диалог болуп өттү.

Аталган иш чараны Ала-Бука райондук мамлекеттик администрациясынын башчысы-аким Эмилбек Абдыкадыров алып барып, ага “КЫРГЫЗТЕЛЕКОМ” ААКнун, “Скай-Мобайл” ОООнун, “Альфа Телеком” ЖЧКнун Жалал-Абад облустук регионалдык бөлүмдөрүнүн жетекчилери, “Нур Телеком” ОООнун Аксы, Ала-Бука райондор аралык бөлүмүнүн менеджери, Телерадио релейлик станциялардын түштүктөгү бөлүмүнүн кызматкери катышып, алдыга коюлган максаттары жана чечүү жолдору боюнча талкуу болду.

Регионалдык диалогго райондук билим берүү бөлүмүнүн, райондор аралык ветеринардык  жана фитосанитардык коопсуздук боюнча башкармалыгынын мамлекеттик “Кадастр” мекемесинин, райондук социалдык фонд башкармалыгынын жана райондук социалдык өнүгүү башкармалыгынын жетекчилери жана айылдык аймактардын башчылары катышуу менен санариптештирүү боюнча аткарылган жана алдыдагы аткаруучу иштери боюнча маалымат беришип, электрондук кызмат көрсөтүүнү  күчөтүү, биргелешип иш алып баруу, бирдиктүү терезелердин ишин жандандыруу  менен элдин убарагерчилигин кыскартуу боюнча пикрир алышты.

Ошондой эле райондук жаш техниктердин эмгегин баалоо менен, келечектин техник инженерлерине дем берүү максатында “Жаш техник” аттуу окуучулар арасында райондук конкурс өткөрүлүп, “Жаш техник” сынагынын жеңүүчүлөрүнө сыйлыктар жана байгелүү орундар ыйгарылды.