KELECHEK
rek

Өзбекстанда укук коргоочулар камактагылар менен жолугушууга уруксат алышты

Өзбекстанда укук коргоочулар камактагылар менен жолугушууга уруксат алышты

Өзбекстан бийлиги «Эзгулик» укук коргоо коомуна түрмөдө жаткан он укук коргоочу жана журналистке келип, абалы менен таанышып кетүүгө уруксат берди. Бирок коомдун активисттери саясий туткундарга баруу үчүн материалдык шарты туура келбегенин айтышууда.

11-июнда Парижде жайгашкан «Алоолонгон жүрөктөр клубу» укук коргоо уюму өз сайтында «Саясий тутукундар менен жолугушууга өз жардамыңарды аябагыла!» деген аталыштагы кайрылуу жарыялады. Ал Өзбекстандын жарандарына жана четте жашаган өзбектерге багышталган. Кайрылууда Өзбекстандын турмөлөрүндө камакта отурган укук коргоочулар жана журналисттерге барып келүү үчүн «Эзгулик» коомуна акча чогултуп берүүгө жардамдашуу өтүнүчү айтылат.

Сайттагы кайрылууда жазылгандай, Ташкентте 23-24-июнда өткөн Шанхай кызматташтык уюмунун саммитинин алдында «Эзгулик» өкмөткө кайрылып, «саясий туткундарды бошотуп, мыйзам чегинде алар менен жолугууга уруксат берүүгө жана алардын абалы боюнча маалымат алууга жол ачууга» чакырган. ШКУ саммити өткөндөн кийин ИИМдин Жазаларды аткаруу башкы башкармалыгы «Эзгуликке» расмий жооп берип, коомдун активисттери камактагы укук коргоочулар менен журналисттерге келип кетсе болот деп билдирген.

«Бул адамдар көп жылдан бери Өзбекстандын ар кайсы облустарындагы абактарда камалып отурат. Кээ бирлеринин камак мөөнөтүн ар кыл шылтоо менен узартып коюшкан. Айрымдарынын тагдыры бизге азыркыга чейин белгисиз. «Эзгулик» укук коргоо коомунун өкүлдөрү 10 саясий туткунга барууга уруксат алганын угуп, абдан кубанышты. Бирок алардын кубанычы көпкө созулган жок. Анткени укук коргоочулар абактарга барып келүү үчүн каражат табуу мынчалык оор экенин элестеткен жок эле», - деп айтылат кайрылууда.

Билдирүүдө Өзбекстандын түрмөлөрүндөгү туткундарга быйылкы жылдын 25-июлуна чейин гана барып келүүгө уруксат берилгени белгиленген. 15 күндөн кийин убакыт бүтөт. Укук коргоочулар 16-17-июлда жолго чыгышы керек болот. Антпесе, алар абактактарды бардык 10 саясий туткун менен жолугушууга үлгүрбөй калат.

 

Досторуң менен бөлүш


Коментарии FACEBOOK:

Тектеш жаңылыктар

Орусияда чет элдик уюмдарга телеаудиторияны анализдөөгө тыюу салынды

Орусияда чет элдик уюмдарга телеаудиторияны анализдөөгө тыюу салынды

Чет элдик уюмдарга орусиялык телекомпаниялардын аудиториясын...

УКУК 2016-07-05  23:25

Сейтказы Матаевдин жактоочулары тергөөнүн аракетине каршы даттанды

Сейтказы Матаевдин жактоочулары тергөөнүн аракетине каршы даттанды

Казакстан Журналисттер биримдигинин төрагасы Сейтказы Матаевдин жактоочулары...

УКУК 2016-07-05  23:39

УКМК: Убактылуу өкмөт мүчөлөрүнө каршы аракет болгон эмес

УКУК 2016-09-21  10:11

Тажикстан БУУда адам укуктары боюнча отчет берет

Тажикстан БУУда адам укуктары боюнча отчет берет

6-майда Женевада БУУнун адам укуктары боюнча жыйыны өтөт. Анда Тажикстандын өкмөттүк делегациясы...

УКУК 2016-05-02  11:39

Египетте оппозициялык эки журналист камалды

Египетте оппозициялык эки журналист камалды

Египеттин полициясы башкалаа Каирдин борборундагы журналисттер ассоциациясынын имаратына кирип,...

УКУК 2016-05-02  22:10

Банк экстремизмге шектелген жарандын 17,5 миң долларын камакка алды

Банк экстремизмге шектелген жарандын 17,5 миң долларын камакка алды

Кара-Суу шаарынын 33 жаштагы тургуну Ш.Бозорбоев KICB банкындагы  эсебинен 17,5 миң  долларын 4 айдан...

УКУК 2016-05-02  22:38

Казакстан: жарандык позиция үчүн эң ири айып пул

Казакстан: жарандык позиция үчүн эң ири айып пул

Ак-Төбө шаарынын соту жарандык активист Алима Абдированы митинг уюштуруп, коомдук тартипти...

УКУК 2016-05-02  22:53