KELECHEK

Кыргыз-тажик чек арасынан кошумча аскер күчтөрү жана техникалары чыгарылды

Кыргыз-тажик чек арасынан кошумча аскер күчтөрү жана техникалары чыгарылды

Кыргыз-тажик чек арасындагы соңку кырдаалга байланыштуу сүйлөшүүлөрдүн жыйынтыгы менен тараптар чек арадан аскердик техникаларын алып чыгып кетти.

Тажикстандын Гафур районунун Овчи Калача калктуу конушунун башчысынын орун басары Абдухамид Одинаев «Азаттыктын» тажик кызматына сүйлөшүүлөр 19-сентябрь күнү кечке жуук аяктаганын билдирди. Мындан кийин тараптар чек арадагы аскердик техникаларын жана кошумча аскердик күчтөрүн алып чыгып кетишкен. Одинаев жаңжал болгон аймакта абал тынч экенин, жергиликтүү тургундар үйлөрүнө кайтканын кошумчалады.

Кыргызстандын чек ара кызматынын өкүлдөрү дагы «Настоящее время» телеканалына чек ара линиясынан аскердик күчтөр чыгарылганын маалымдады.

Бул 17-18-сентябрда эки өлкөнүн премьер-министрлеринин деңгээлинде өткөн сүйлөшүүнүн негизги шарттарынын бири болгон. Мындан тышкары кыргыз тарап байкоо салган мунараны алууну, тажик тарап курулуш ишин токтотууну макулдашкан. Бул тууралуу 18-сентябрда Согди облусунун администрациясынын басма сөз катчысы Музаффар Юнусов билдирген.

19-сентябрда Жогорку Кеңеш Баткендеги кыргыз-тажик чек арасындагы соңку кырдаал, андан кийинки эки тараптуу сүйлөшүүлөр боюнча өкмөттүн маалыматын жабык талкуулаган. Кийинчерээк Мамлекеттик чек ара кызматынын төрагасы Уларбек Шаршеев журналисттерге интервью берип, чек арадагы кырдаалды жөнгө салуу боюнча кыргыз-тажик сүйлөшүүсү оңой болбогонун айтты:

- Ар бир тарап өзүнүн дооматтарын, талаптарын койду. Талаштар көп болду. Бирок бул маселе чечилди деп айтсак болот. Негизги максат - абалды жөнгө салуу болуп, 14-сентябрга чейинки абалга кайтуу боюнча эки тараптуу чечимге келдик. Талаш болуп жаткан жерде бизде Максат айылында, тажик тараптан Овчи-Калачада биргелешип күзөт жүргүзүү, кимден күнөө кетсе чара көрүү макулдашылды.

Шаршеевдин айтымында, эки тарап ынтымакты бекемдөө боюнча массалык спорттук, маданий иш-чараларды өткөрүү боюнча токтомго кол коюшту.

16-сентябрда кечке маал Баткен облусунун Лейлек районундагы Максат айылына жакын жерде Кыргызстан менен Тажикстандын чек арачыларынын ортосунда атышуу болгон. Анын кесепетинен кыргызстандык чек арачы Равшан Муминов курман болуп, 13 адам жаракат алган.

Ал эми Тажикстан тарап кыргыз-тажик чек арасындагы атышуудан үч чек арачысы каза болгонун кабарлады.

Кыргыз тарап чырга 14-сентябрда Тажикстандын жарандары Лейлек районунун Максат айылы менен чектешкен Баткен районунун Жака-Өрүк (Төрт-Көчө) участогуна, тактала элек аймакта курулуш ишин баштаганы себеп болгонун билдирген.

Тажикстан болсо кыргыз тараптын аракеттерине нааразылыгын билдирип, «такталбаган чек ара тилкесинде объектилерди сала баштады» деп айыптап жатат.

Null

Досторуң менен бөлүш


Коментарии FACEBOOK:

Тектеш жаңылыктар

Баткенде чек арадагы кырдаал боюнча кеңешме жыйынтыкталды

Баткенде чек арадагы кырдаал боюнча кеңешме жыйынтыкталды

Координациялык кеңешмеде Баткен облус жетекчисинин орун басарлары Кеңеш Салихов менен Чынара...

Аймак 2020-01-16  21:04

Кыргыз-тажик чек арасы боюнча сүйлөшүү аяктады

Кыргыз-тажик чек арасы боюнча сүйлөшүү аяктады

Жеңиш Разаков менен Азим Иброхим.

Баткен районунун Кызыл-Бел айылына чектеш Тажикстандын...

Аймак 2020-01-15  23:31

Баткен милициясы чек арадагы элди коопсуз аймакка чыгарды

Баткен милициясы чек арадагы элди коопсуз аймакка чыгарды

Баткен милициясы кыргыз-тажик чек арасында жашаган элди коопсуз аймакка чыгарды. Бул тууралуу...

Аймак 2020-01-10  15:09

Өкмөт башчы чек араны кайтарууну күчөтүүнү тапшырды

Өкмөт башчы чек араны кайтарууну күчөтүүнү тапшырды

Мухаммедкалый Абылгазиев

Премьер-министр Мухаммедкалый Абылгазиев Баткендеги кыргыз-тажик чек...

Аймак 2020-01-10  15:26

Өзбек чек арачылары кыргызстандыктардын мал-жандыктарын кайтарып...

Өзбек чек арачылары кыргызстандыктардын мал-жандыктарын кайтарып...

Өзбекстандык чек арачылар кыргыз жарандарынын 520 баш майда жандыгын кайтарып берди. Кыргызстандын...

Аймак 2020-01-06  15:06

Милиция тарабынан окуучуларга жана мүмкүнчүлүгү чектелгендерге...

Милиция тарабынан окуучуларга жана мүмкүнчүлүгү чектелгендерге...

Ала-Бука РИИБнин демилгеси менен район аймагында жайгашкан 39 мектепте, лицей-колледждерде жаштар...

Аймак 2019-12-17  04:21

Ала-Букада «Санариптештирүү - өнүгүүнүн өзөгү» аттуу регионалдык...

Ала-Букада «Санариптештирүү - өнүгүүнүн өзөгү» аттуу регионалдык...

Жакында Ала-Бука районунун мамлекеттик администрациясында “Санарип Кыргызстан 2019-2023”...

Аймак 2019-12-17  04:34