KELECHEK

Коррупцияга каршы аракеттенүү боюнча коомдук уюмдардын жетекчилери менен кезектеги жолугушуу өткөрүлдү

Коррупцияга каршы аракеттенүү боюнча коомдук уюмдардын жетекчилери менен кезектеги жолугушуу өткөрүлдү

Кыргыз Республикасынын Коопсуздук кеңешинин катчысы Дамир Сагынбаев бүгүн, 10-сентябрда, коррупцияга каршы аракеттенүү жаатында ишмердигин жүргүзүшкөн өкмөттүк эмес коомдук уюмдардын жетекчилери менен кезектеги жумушчу жолугушуусун өткөрдү.

Жолугушууда КР Коопсуздук кеңешинин сот, көзөмөл жана укук коргоо органдарындагы коррупцияга каршы аракеттенүү боюнча чечимин өлкөнүн мамлекеттик органдарында ишке ашыруу боюнча көрүлүп жаткан чаралары талкууланды.

Дамир Сагынбаев бул маселелер Кыргыз Республикасынын Президенти Сооронбай Жээнбековдун такай көзөмөлүндө экенин белгиледи.

Мамлекет башчысынын тапшырмасын аткаруу максатында декларациялоо чөйрөсүндө мыйзам чыгарууну жакшыртуу боюнча жумушчу топ түзүлгөн, ал «Кирешелерди декларациялоо чөйрөсүндө Кыргыз Республикасынын айрым мыйзам актыларына өзгөртүүлөрдү киргизүү жөнүндө» КР Мыйзамынын долбоорун иштеп чыкты.

Атап айтканда, иштелип чыккан мыйзам долбоору декларациялары текшерилүүгө тийиш болгондор үчүн «жакын туугандар» түшүнүгүн киргизет жана 2ден 7ге чейин БСДны толугу менен текшерүү үчүн негиздердин тизмесин кеңейтет.

Мамлекеттик жана муниципалдык кызматчылар 2018-жылы салык органдарына электрондук түрдө 64383 декларацияларды тапшырышты. Азыркы учурда түшкөн декларацияларды анализдөө жүрүп жатат, өз убагында декларация тапшырбаган же БСДда туура эмес маалымат бергендер аныкталууда.

Ошондой эле сот, көзөмөл жана укук коргоо органдарындагы коррупцияга каршы аракеттенүү максатында бардык укук коргоо органдарынын кызматкерлери тарабынан кызматка кирип, аны өтөөгө бирдей шарттарды караган «Кыргыз Республикасынын укук коргоо органдарында кызмат өтөө жөнүндө» КР Мыйзамы кабыл алынган.

Аталган Мыйзам укук коргоо органдарынын кызматкерлери үчүн чектөөлөрдү камтыйт, анын ичинде чет мамлекеттерде эсептерди ачуу, накталай акча менен операцияларды жүргүзүү ж. б.

Мындан тышкары КР Мамлекеттик кадр кызматы судья болбогон сот органдарынын кызматкерлери үчүн бирдиктүү чектөөлөрдү жана тыюу салууларды караган мыйзам долбоорун иштеп чыкты.

«Кыргыз Республикасынын Улуттук коопсуздук органдары жөнүндө» КР мыйзамына жана «Кыргыз Республикасынын Прокуратурасы жөнүндө» мыйзам долбооруна өзгөртүүлөр жана аналогиялык толуктоолор киргизилди. Белгилей кетсек, аталган чаралар жогоруда белгиленген мамлекеттик органдардагы коррупциянын деңгээлин азайтууга таасир этет.

«Коррупцияны алдын алуунун дагы бир механизми болуп өкмөттүк эмес уюмдар тарабынан мамлекеттик органдарын ишин баалоо жана мониторинг жүргүзүү болуп саналат. Өкмөттүк эмес уюмдардын альтернативдүү отчеттору жана Мамлекет башчысынын атына кайрылуу түрүндөгү билдирүүлөрү менен маалыматтары бийлик органдарынын ишмердүүлүгүндөгү жашыруун коррупциялык коркунучтарды ачууга мүмкүнчүлүк берет», — деп баса белгиледи Дамир Сагынбаев.

Өкмөттүк эмес уюмдардын жетекчилери мамлекеттин коррупцияга каршы саясатын натыйжалуу ишке ашыруудагы тоскоол болгон көйгөйлөр боюнча пикирлерин билдиришти. Айрым мамлекеттик органдардагы коррупциянын абалын көрсөткөн мисалдарды жана коррупциялык көрүнүштөрдүн фактылары тууралуу материалдарды көрсөтүштү. Мыйзамдардагы бир катар көйгөйлөрдү, ыйгарым укуктарды бөлүштүрүүдө, укуктук коллизиялар, бизнес коомчулугу ишмердүүлүк жүргүзүүдө туш болгон көйгөйлөр айтылды.

Null

Досторуң менен бөлүш


Коментарии FACEBOOK:

Тектеш жаңылыктар

Жалал-Абаддагы жармаңкеде карылар өздөрү өстүргөн гүлдөрдү алып...

Жалал-Абаддагы жармаңкеде карылар өздөрү өстүргөн гүлдөрдү алып...

Фестивалдын катышуучулары.

Жалал-Абад шаарындагы «Мир» кинотеатрынын алдындагы аянтта...

КООМ 2019-09-20  14:33

ЮНИСЕФ: Былтыр согуш жүрүп жаткан аймактарда 29 миллиондон ашык бала...

ЮНИСЕФ: Былтыр согуш жүрүп жаткан аймактарда 29 миллиондон ашык бала...

Былтыр Ооганстан, Сомали, Түштүк Судан, Сирия жана Йемендин согуш жүрүп жаткан аймактарында 29...

КООМ 2019-09-20  16:07

Президент Сооронбай Жээнбеков 164 кыргызстандыктарга мамлекеттик...

Президент Сооронбай Жээнбеков 164 кыргызстандыктарга мамлекеттик...

«Бакубат жашоонун, келечектин, кубаттуу өлкөнүн бир гана тиреги — эмгек!», — деп баса...

КООМ 2019-09-19  19:32

Жалал-Абад: 53 жоокер аскерге жөнөп кетти (ФОТО)

Жалал-Абад: 53 жоокер аскерге жөнөп кетти (ФОТО)

Өткөн жума соңунда Жалал-Абад шаарында жаш жоокерлерди аскерге узатуу  салтанаты өттү....

КООМ 2019-09-16  13:14

БУУ Тажикстанды калкты таза суу менен камсыздоо үндөдү

БУУ Тажикстанды калкты таза суу менен камсыздоо үндөдү

БУУнун суу жана санитардык кызматтар боюнча атайын баяндамачысы Лео Хеллер Тажикстан...

КООМ 2019-09-16  16:14

Муктар Джумалиев Кыргызстандын Люксембургдагы Элчиси жана Түндүк...

Муктар Джумалиев Кыргызстандын Люксембургдагы Элчиси жана Түндүк...

Кыргыз Республикасынын Президенти Сооронбай Жээнбеков бүгүн, 13-сентябрда кол койгон Жарлыкка ылайык,...

КООМ 2019-09-13  19:34

Эл аралык мелдештерде байгеге ээ болгондор сыйланышты (ФОТО)

Эл аралык мелдештерде байгеге ээ болгондор сыйланышты (ФОТО)

Бүгүн, 9-сентябрда Жалал-Абад ОИИБнин имаратында бир катар эл аралык мелдештерден байгелүү орундарды...

КООМ 2019-09-09  18:50