KELECHEK

ИИМ: Атамбаевдин адвокаттары иш менен таанышууну создуктурууда

ИИМ: Атамбаевдин адвокаттары иш менен таанышууну создуктурууда

Ички иштер министрлиги (ИИМ) мурдагы президент Алмазбек Атамбаевге байланыштуу сотко чейинки тергөө аяктаганын адвокаттар Сергей Слесарев менен Замир Жоошевге 30-августта эле билдирген. Бул тууралуу мекеменин басма сөз кызматы кабарлады.

Маалыматка караганда, 2-3-сентябрда адвокаттар ар кайсы шылтоону айтып, кылмыш иштин материалдары менен таанышуу үчүн келишкен эмес.

«4-сентябрда Атамбаев жана анын жактоочусу тергөө бүткөнү тууралуу документке кол коюудан баш тартты. Ушул эле күнү адвокаттар Сергей Слесарев менен Замир Жоошевге иштин материалдары менен таанышууга чакырган маалымкат берилген. 5-сентябрда экөө бир жана эки саат убакытта материал менен таанышты. 6-сентябрдан 11ине чейин иштин материалдары менен таанышуу мөөнөтүн бекитүү тууралуу токтом чыкты», - деп жазылган ИИМ тараткан маалыматта.

Адвокат Замир Жоошев 28 томдон турган иштин материалдары менен таанышууга кыска убакыт берилип жатканын «Азаттыкка» билдирди. Анын айтымында, Атамбаев буга чейинки документтердин бирине дагы кол койгон эмес. Ал эми адвокаттар тергөө бүткөнү тууралуу токтомго жана кылмыш ишине байланыштуу эксперттердин корутундусуна кол коюп берген.

«Бизге 4-сентябрь күнү тергөөнүн аяктаганы жөнүндө жарыялашты. Биз ошол тууралуу бизге маалымдалган деген токтомго кол коюп бердик, Алмазбек Атамбаев эч кайсыл документтерге башынан эле кол койбойт, суроолорго дагы жооп бербейт. Бул анын позициясы. 5-сентябрдан тартып бизди иш менен тааныштырышып, эртеси эле график коюп коюшту. Албетте бул убакыт жетишсиз. Иш менен таанышууга деп 7-8-сентябрь, дем алыш күндөрдү да кошуп коюшкан. 28 томду биз жөн эле окуп койбойбуз. Бул роман же көркөм чыгарма эмес. Биз ар бир томду окуп, ичинде эмне жазылган кимдер кандай көрсөтмө берген, кандай документтер бар экенин түшүнүп алышыбыз керек. Жазык-процессуалдык кодексинин 244-берене, 4-бөлүгүндө иштин материалы менен таанышууга убакыт чектелбеши керектиги жазылган. Эгер алар атайылап создуктуруп жатса анда конкреттүү график түзсө болот», — деди Жоошев.

Адвокат тергөөчүнүн өтүнүчү менен тергөөнүн мөөнөтү 26-октябрга чейин узартылганын, иштин материалдары менен таанышууга дагы жетиштүү убакыт бар экенин белгилеп жатат.

Алмазбек Атамбаев 8-августта ИИМдин атайын операциясынан соң кармалып, УКМКнын тергөө абагына камалган. Ал Биринчи май райондук сотунун чечими менен 26-октябрга чейин камалган.

Башкы прокуратура Атамбаев бир катар оор жана өзгөчө оор кылмыштар боюнча шектелип жатканын билдирген.

Null

Досторуң менен бөлүш


Коментарии FACEBOOK:

Тектеш жаңылыктар

Нур-Султан: көп балалуу энелер кайрадан нааразылык акциясын...

Нур-Султан: көп балалуу энелер кайрадан нааразылык акциясын...

19-сентябрда Казакстандын баш калаасы Нур-Султанда ондогон көп...

УКУК 2019-09-20  14:47

«Жарандык демилгелер коалициясы» Казакстанда 50дөй активист...

«Жарандык демилгелер коалициясы» Казакстанда 50дөй активист...

Казакстандагы «Жарандык демилгелер коалициясы» жума башынан бери өлкөдө 50дөй активист...

УКУК 2019-09-20  16:14

Өзбекстандын мурдагы прокурору үй камагынан абакка которулду

Өзбекстандын мурдагы прокурору үй камагынан абакка которулду

Үй камагындагы Өзбекстандын мурдагы башкы прокурору Отабек Муродов 18-сентябрда атайын кызматтын...

УКУК 2019-09-20  16:45

Иман Каримова өзбек өкмөтүнүн коррупциялык иштерин ашкерелей...

Иман Каримова өзбек өкмөтүнүн коррупциялык иштерин ашкерелей...

16-сентябрда Гүлнара Каримованын кызы Иман...

УКУК 2019-09-19  18:56

CPJ украин журналисти Георгий Гонгадзени өлтүргөн генералдын жазасын...

CPJ украин журналисти Георгий Гонгадзени өлтүргөн генералдын жазасын...

Эл аралык журналисттерди коргоо комитети (Committee to Protect Journalists, CPJ) украин бийлигин журналист Георгий...

УКУК 2019-09-17  17:01

Түркмөнстандын кызматтан алынган соода министри коррупция айыбы...

Түркмөнстандын кызматтан алынган соода министри коррупция айыбы...

Түркмөнстандын жакында эле кызматтан алынган мурдагы соода жана...

УКУК 2019-09-17  17:05

Өкмөт Иракта жүргөн 70ке жакын кыргызстандык баланы алып келет

Өкмөт Иракта жүргөн 70ке жакын кыргызстандык баланы алып келет

Өкмөт Иракта жүргөн 70ке жакын кыргызстандык баланы өлкөгө алып келгени жатат. Бул маалыматты Тышкы...

УКУК 2019-09-11  10:24