KELECHEK

Өзбекстанда 57 жаштагы адам 15 жашар кызды зордуктаган деп шектелүүдө

Өзбекстанда 57 жаштагы адам 15 жашар кызды зордуктаган деп шектелүүдө

Өзбекстандын Сырдарыя облусундагы Ширин шаарынын 57 жаштагы тургуну коңшусунун 15 жашар кызын зордуктаган деп шектелүүдө.

Шаардык милиция бөлүмүнөн билдиришкендей, учурда бул факты боюнча тергөөгө чейинки териштирүү иштери жүрүүдө.

«Кылмышка шектүү катары 1962-жылы туулган жаран кармалды. Ал буга чейин соттолгон эмес. Азырынча анын бөгөт чарасы карала элек. Окуя болгондон кийин кыз беш күн дарыгерлердин көзөмөлүндө болду», — деди мекеменин өкүлү.

Күбөлөрдүн айтымында, шектүү кыздын жалгыз экенин билип, коңшусунун үйүнө дубалдан секирип өткөн.

«Кызды зордуктап жатканда анын апасы келип калган. Шектүү аны сабап, колу-бутун байлап башка бөлмөгө камап койгон. Ошол маалда кыйкырыктарды уккан коңшулар келип, милиция чакырышты», — деди күбөлөрдүн бири.

Адвокат Шерали Набиев жабырлануучу менен анын апасынын көрсөтмөлөрүнө карабастан, укук коргоо органдары бул кылмышты «бейбаштык» беренеси менен кароого аракет кылып жатышканын билдирди.

«Ал дубалдан секирип өтүп, кызды сабап, андан кийин зордуктаган. Бул жөнүндө кыз көрсөтмөсүндө жазган. Апасы үйгө кирип жылаңач турган коңшусун жана жерде эс-учун жоготуп жаткан кызын көргөнүн билдирди. Бирок шектүү ажы экендиги менен пайдаланып, жазадан кутулуу максатында дарыгерлер менен милицияга басым жасап жатат. Мындан улам кыздын туугандары Башкы прокуратурага кайрылды. Биз жергиликтүү аткаминерлер ишти жабууга аракет кылып жатат деп эсептейбиз», — деди адвокат.

Өлкөнүн Акыйкатчы институтунун аймактагы өкүлү Гули Умаралиева бул окуя алардын көзөмөлүндө экенин жана шектүүнүн күнөөсү далилденсе жоопко тартыла турганын билдирди.

Null

Досторуң менен бөлүш


Коментарии FACEBOOK:

Тектеш жаңылыктар

Өзбекстан: аткаминер Анжиян окуясында элге бийлик да ок атканын айтты

Өзбекстан: аткаминер Анжиян окуясында элге бийлик да ок атканын айтты

Өзбекстандын башкы прокурорунун орунбасары Светлана Артыкова 2005-жылдын 13-майында Анжиянда өкмөттүн...

Кыргызстанда маңзат ташыган топ кармалды

Кыргызстанда маңзат ташыган топ кармалды

Кыргызстандын Ички иштер министрлиги (ИИМ) ооган маңзатын ташыган топ колго түшкөнүн...

Чарчап калган 1 жашар Ясина сабалганы аныкталды

Чарчап калган 1 жашар Ясина сабалганы аныкталды

Бул тууралуу «Азаттыкка» Ак-Суу райондук ички иштер бөлүмүнүн башчысы Улан Канаев...

Өзбекстанда үч бала иске уланып мерт болду

Өзбекстанда үч бала иске уланып мерт болду

Өзбекстандын Жизак облусунда бир үйдөн 8, 12 жана 14 жаштагы үч бир тууган газга ууланып кайтыш болду....

Орусияда өрттөн мерт болгон он өзбекстандыктын сөөгү мекенине...

Орусияда өрттөн мерт болгон он өзбекстандыктын сөөгү мекенине...

Орусиянын Томск облусундагы жыгач үйлөрдүн биринде өрттөнүп кеткен өзбекстандык 10 мигранттын сөөгү...

Анжиянда үйүн конфискациялоого каршы чыккан киши өзүнө өрт койду

Анжиянда үйүн конфискациялоого каршы чыккан киши өзүнө өрт койду

Анжиян облусунда 31 жаштагы жергиликтүү тургун үйүн конфискациялоого келген Мажбурлап аткартуу...

Сузакта келин эки баласы менен иске ууланып каза болду

Сузакта келин эки баласы менен иске ууланып каза болду

Сузак районунун Кызыл-Сеңир айылында 33 жаштагы келин эки баласы менен иске ууланды. Бул тууралуу...