KELECHEK

Орусиядагы өзбек жарандары өсүмдүк майына ууланган болушу мүмкүн

Орусиядагы өзбек жарандары өсүмдүк майына ууланган болушу мүмкүн

Орусиянын Самара облусунда иштеген 69 өзбек жараны курамында келемиштин уусу бар, үй шартында жасалган өсүмдүк майына ууланган болушу мүмкүн. Бул тууралуу орусиялык басылмалар жазды.

Маалыматка караганда, 18-августта Ульянов облусунун 11 жашоочусу үй шартында жасалган өсүмдүк майына ууланып, өзбек жарандарынын диагнозуна окшош диагноз менен ооруканага жаткырылган.

«Учурда 11 адам дарыгерлердин көзөмөлүндө жатат, дагы экөөсү буга чейин каза болгон. Булардын бардыгы термиттик жол менен тазаланып, үй шартында жасалган өсүмдүк майын колдонгону аныкталды», — деп билдирди жергиликтүү саламаттык сактоо башкармалыгынын өкүлү Гулия Заббарова.

Тергөө комитетинин Ульянов облустук башкармалыгынан билдиришкендей, аймактагы Михайловка айылынын 69 жаштагы тургуну таанышына үй шартында 200 литрден ашык өсүмдүк майын жасап берген. Тергөөчүлөр ага күн караманын уругун өзбек жарандары ууланган ишканада иштеген тууганы алып барган болушу мүмкүн деп болжолдоп жатышат. Тергөөнүн версиясы боюнча, ал уруктар атайын келемиштер менен чычкандарды ууландыруу үчүн даярдалган.

Жергиликтүү басылмалардын маалыматына караганда, тергөөнүн жүрүшүндө үй шартында жасалган 200 литр майдын 180 литри алынган. Учурда калган 20 литрдин кимге сатылганын жана ууланган күн карама уруктарын уурдаган ишкана кызматкерин аныктоо иштери жүрүп жатат.

18-июлда Орусиянын Самара облусунда Өзбекстандын 69 жараны «белгисиз затка» ууланганы кабарланган. Алар дагы Ульянов облусунун тургундарыныкындай диагноз менен ооруканага жаткырылып, 4-августта бирөөсү каза болгон.

Расмий билдирүүлөргө ылайык, ууланган 69 өзбек жаранынын 54ү дале болсо ооруканадан чыга элек. Өзбекстандын Саламаттык сактоо министрлиги 17-августта жабыркагандарга жардам берүү үчүн Самарага өзбек дарыгерлери учуп кеткенин билдирген.

Null

Досторуң менен бөлүш


Коментарии FACEBOOK:

Тектеш жаңылыктар

Президент Сооронбай Жээнбеков кыргыз-тажик чек арасындагы чырдын...

Президент Сооронбай Жээнбеков кыргыз-тажик чек арасындагы чырдын...

Кыргыз Республикасынын Президенти Сооронбай Жээнбеков бүгүн, 18-сентябрда, Бишкек шаардык №4...

ДЕН СООЛУК 2019-09-18  18:11

Кыргыз-тажик чек арасындагы чатакта эки тараптан 20дай киши жаракат...

Кыргыз-тажик чек арасындагы чатакта эки тараптан 20дай киши жаракат...

Баткендин Лейлек районунда, кыргыз-тажик чек арасындагы атыштан улам Кыргызстан жалпысынан сегиз...

ДЕН СООЛУК 2019-09-17  00:16

Казакстанда ооруканага жаткырылган төрт адамдын күйдүргү диагнозу...

Казакстанда ооруканага жаткырылган төрт адамдын күйдүргү диагнозу...

Казакстандын Жамбыл облусунда ооруканага жаткырылган төрт...

ДЕН СООЛУК 2019-09-17  17:03

Самаркандда үлпөт тойдон кийин жети адам тамакка ууланды

Самаркандда үлпөт тойдон кийин жети адам тамакка ууланды

16-сентябрда Өзбекстандын Самарканд шаарында жети адам тамак-аштан ууланып...

ДЕН СООЛУК 2019-09-17  17:10

Жалал-Абадда оорукананын жаңы имаратына капсула салынды (ФОТО)

Жалал-Абадда оорукананын жаңы имаратына капсула салынды (ФОТО)

Жалал-Абад облустук клиникалык ооруканасына кошумча имарат салынууда.  Жүз орунга ылайыкташкан...

ДЕН СООЛУК 2019-09-16  12:41

Жалал-Абад: Төрөт үйүндөгү  коррупцияга  жол берилбейт (ФОТО)

Жалал-Абад: Төрөт үйүндөгү коррупцияга жол берилбейт (ФОТО)

Жалал-Абад шаарынын мэриясы тарабынан түзүлгөн атайын комиссиялык топ облустук  клиникалык...

ДЕН СООЛУК 2019-09-11  11:07

Тажикстан төрөттүн санын азайтууну чечти

Тажикстан төрөттүн санын азайтууну чечти

Тажикстанда репродуктивдүү саламаттык боюнча мамлекеттик...

ДЕН СООЛУК 2019-09-09  13:37