KELECHEK

Өкмөт мындан ары кен иштетүүдөгү лицензияны көзөмөлсүз берүүгө жол бербейт

Өкмөт мындан ары кен иштетүүдөгү лицензияны көзөмөлсүз берүүгө жол бербейт

Өкмөт башчы Мухаммедкалый Абылгазиев Жалал-Абад облусунун Чаткал районуна жасаган жумуш сапарынын алкагында Терек, Тереккан жана Перевальное кендеринде иш алып барган тоо кен ишканасы менен таанышты.

Ишкананын кубаттуулугу: жылына 100 миң тонна кен өндүрөт. Учурда алтын жана күмүштөн турган флотациянын концентратын чыгарууда.

«Эти Бакыр Терексай» ишканасында 350 адам иштейт. Анын 96% жергиликтүү эл түзөт.

Компаниянын жетекчилигинин маалыматына караганда, ушул жылдын ноябрь айында алтын казган фабриканы куруу иштери башталат. Ишканадан 7 млрд сом салык түшөт. Анын 2 млрд сому жергиликтүү бюджетке которулат. Фабриканы куруу үчүн 850, ал эми өндүрүштү ишке киргизүүдө 600дөн ашык иш оруну түзүлөт. Компаниянын жетекчилиги иш процесстеги айрым маселелерди чечүүгө жардам берүүнү өтүндү. Бул экспертизалык иш процессин тездетүү, аны жыйынтыктоо, энергия менен камсыздоо, жол куруудагы жердин башын ачуу сындуу маселелер.

Премьер-министр Мухаммедкалый Абылгазиев жаңы фабриканы курууга жер бөлүп берүү маселеси чечилгенин белгиледи.

«Компания 100 млн доллар инвестиция салууну жана 700 жумуш орунун түзүүнү, анын 90 пайызын жергиликтүү элден түзүүнү пландоодо. Мен жергиликтүү эл техникалык багыттагы адистикти өздөштүрүп, окуу керектигин белгилегим келет. Жаңы фабрика иштеп баштаганда дагы 350 жумуш оруну түзүлөт», – деди Мухаммедкалый Абылгазиев.

Премьер-министр – Өкмөт инвесторлорго айлана-чөйрөнү коргоо талабын коюуда, – деп белгиледи.

«Кыргызстанда ишмердүүлүк жүргүзүүдөгү негизги шарт: биздин мөңгүлөрдү сактоо, жаратылышка аяр мамиле кылуу, бардык экологиялык талаптарды сактоо», –  деп белгиледи Мухаммедкалый Абылгазиев.

Кен иштетүүгө лицензия берүүнүн натыйжасы тууралуу жергиликтүү элдин берген суроолоруна Премьер-министр жооп берип жатып, учурда Өкмөт уруксатты баш аламан берген системаны толугу менен четке чыгарып, башка принцип менен иш алып барууда, -деди.

«Биз, тилекке каршы, лицензия берүүдөгү буга чейин түзүлүп калган шарттарды аргасыздан аткарып келгенбиз. Эми мындан ары көзөмөлсүз берүүгө жол берилбейт. Буга чейин компаниянын тарыхына анализ жасалбай, алардын иш планын билбей туруп, уруксат кагазы берилип келген.  Мамлекеттик органдар жергиликтүү эл менен иштешүү маселесин инвесторлорго оодарып, өздөрү четте калчу. Ал эми жергиликтүү өз алдынча башкаруу органдары формалдуу иштер менен гана алектенип келген. Бул келишпестикке жана түшүнбөөчүлүккө алып келчү. Эми биз бул иштерди тийиштүү деңгээлге гана чыгарбастан, мамлекеттин кен иштеткен компаниялардагы милдеттүү үлүшүн бекитип бердик. Бул эффективдүү кызматташтыкты, жергиликтүү эл менен туруктуу мамиле түзүүнү шарттайт жана бардык техникалык, экологиялык талаптарды сактоодогу көзөмөлдү күчөтөт. Мындай жол биздин жаратылыш байлыктарыбызды экономиканын жана элдин кызыкчылыгы үчүн рационалдуу пайдаланууга мүмкүнчүлүк түзөт», – деп белгиледи Мухаммедкалый Абылгазиев.

Маалымдама: «Эти Бакыр Терексай» ЖЧКсы биргелешкен ишкана. Анда «Кыргызалтын» ААКнын 25 пайыз, Түркиянын «Эти Бакыр» компаниясынын 25% үлүшү бар.

Терексай кени – өлкөдөгү тоо кен тармагында мурдатан иштеген ишканалардын бири. Ал Жалал-Абад облусунун Чаткал районундагы Терексай кыштагында жайгашкан. 

Null

Досторуң менен бөлүш


Коментарии FACEBOOK:

Тектеш жаңылыктар

МЧК: Өзбек чек арачылары кармаган 13 жаран боюнча сүйлөшүү жүрүп жатат

МЧК: Өзбек чек арачылары кармаган 13 жаран боюнча сүйлөшүү жүрүп жатат

Кадамжай районунун Өзбекстан менен чектеш Чекелик айылынын чек арага жакын жеринен Кыргызстандын 13...

Аймак 2020-02-19  16:24

Ат-Башыда логистикалык борборго байланыштуу митинг өттү

Ат-Башыда логистикалык борборго байланыштуу митинг өттү

Нарын облусуна караштуу Ат-Башы районунда 28-январда тынчтык митинги өттү. Бул тууралуу “Азаттык”...

Аймак 2020-01-28  12:11

Кербен шаарында суу менен жабдуу жана канализация системасын...

Кербен шаарында суу менен жабдуу жана канализация системасын...

Кыргыз Республикасынын Президенти Сооронбай Жээнбеков «2019-жылдын 13-сентябрында Бишкек шаарында...

Аймак 2020-01-24  01:06

Баткенде чек арадагы кырдаал боюнча кеңешме жыйынтыкталды

Баткенде чек арадагы кырдаал боюнча кеңешме жыйынтыкталды

Координациялык кеңешмеде Баткен облус жетекчисинин орун басарлары Кеңеш Салихов менен Чынара...

Аймак 2020-01-16  21:04

Кыргыз-тажик чек арасы боюнча сүйлөшүү аяктады

Кыргыз-тажик чек арасы боюнча сүйлөшүү аяктады

Жеңиш Разаков менен Азим Иброхим.

Баткен районунун Кызыл-Бел айылына чектеш Тажикстандын...

Аймак 2020-01-15  23:31

Баткен милициясы чек арадагы элди коопсуз аймакка чыгарды

Баткен милициясы чек арадагы элди коопсуз аймакка чыгарды

Баткен милициясы кыргыз-тажик чек арасында жашаган элди коопсуз аймакка чыгарды. Бул тууралуу...

Аймак 2020-01-10  15:09

Өкмөт башчы чек араны кайтарууну күчөтүүнү тапшырды

Өкмөт башчы чек араны кайтарууну күчөтүүнү тапшырды

Мухаммедкалый Абылгазиев

Премьер-министр Мухаммедкалый Абылгазиев Баткендеги кыргыз-тажик чек...

Аймак 2020-01-10  15:26