KELECHEK

Президент Сооронбай Жээнбеков Швейцариянын ири бизнес өкүлдөрү менен жолугушту

Президент Сооронбай Жээнбеков Швейцариянын ири бизнес өкүлдөрү менен жолугушту

Кыргыз Республикасынын Президенти Сооронбай Жээнбеков Швейцария Конфедерациясына расмий визитинин алкагында 10-июлда Берн шаарында Швейцариянын ири бизнес өкүлдөрү менен жолугушту.

Мамлекет башчысы Швейцария менен эки тараптуу мамилелер Кыргызстан үчүн тышкы саясатта эле эмес, экономиканы ийгиликтүү өнүктүрүүдө да артыкчылыктуу экенин белгиледи. Швейцария парламенттик демократияны курууда, жарандык коом институттарын бекемдөөдө, улуттук өнүгүү программаларын ишке ашырууда Кыргызстанга омоктуу колдоо көрсөтүүдө.

Президент өлкөдө инвестициялык климатты жакшыртуу жана ишкерлик менен алектенүү үчүн, өзгөчө чакан жана орто бизнес үчүн ыңгайлуу шарттарды түзүү боюнча көрүлүп жаткан чаралар тууралуу кенен айтып берди.

Сооронбай Жээнбеков Кыргызстанда региондогу эң либералдуу фискалдык режим түзүлгөнүн кошумчалады.

«Кошумча нарк салыгы — 12 пайызды, пайдага салыгы — 10 пайызды,  ал эми киреше салыгы да 10 пайызды түзөт. Регионалдык өнөр жай долбоорлорун ишке ашырган инвесторлор үчүн абдан сезилерлик салык жеңилдиктери берилген», — деп баса белгиледи Мамлекет башчысы.

Ал Кыргызстанда экономиканын бардык секторлору инвесторлор үчүн ачык экенин өзгөчө белгиледи.

«Мамлекеттик-жеке менчик өнөктөштүгү активдүү илгерилетүүдө. Кымбат эмес ресурстарга, анын ичинде арзан электр кубаттуулугуна жеткиликтүүлүк биргелешкен ишканаларды түзүүдө салыштырмалуу артыкчылыктарды берет. Электр кубаттуулугунун баасы КМШ өлкөлөрү ичинде эң төмөнкү чекте. Кыргызстандын ЕврАзЭБге мүчөлүгү 180-миллиондук рынокко мүмкүнчүлүк берет», — деп белгиледи Президент Сооронбай Жээнбеков.

Швейцариянын ишкерлер чөйрөсүнүн өкүлдөрү ар кандай инвестициялык долбоорлорду ишке ашыруу боюнча биргелешкен кызматташууга даяр экендиктерин билдиришти. Алар санариптештирүү, сертификациялоо, финансы, энергетика, туризм, мунай кайра иштетүү, сүт азыктарын өндүрүү чөйрөлөрүндө өз ара аракеттешүү мүмкүнчүлүктөрү тууралуу айтышты.

КМШ өлкөлөрүндө долбоорлорду ишке ашырууда швейцариялык ишкер чөйрөлөрүнө көмөктөшүп келаткан инвестициялык компаниялар жакында Кыргызстанга келишерин билдиришти.

Мамлекет башчысы менен жолугушууга «Herculis Partners», «ABB Schweiz», «Tatneft Europe», «OBVIAM Investing for Impact», «Blue Orchard Finance», «Integral Petroleum», «SICPA», «Switzerland Tourism» сыяктуу ири компаниялардын, ошондой эле Швейцариянын Бириккен соода палатасынын, Швейцариянын Экономикалык иштер боюнча мамлекеттик катчылыгынын (SECO) жетекчилери, өкүлдөрү жана башкалар катышты.

Null

Досторуң менен бөлүш


Коментарии FACEBOOK:

Тектеш жаңылыктар

Президент Сооронбай Жээнбеков аймактар менен санарип диалог...

Президент Сооронбай Жээнбеков аймактар менен санарип диалог...

Кыргыз Республикасынын Президенти Сооронбай Жээнбеков бүгүн, 4-июнда, өлкө аймактарынын жетекчилери,...

CАЯСАТ 2020-06-04  11:21

Боронов: Өзбекстан чек ара боюнча үч маселе койду

Боронов: Өзбекстан чек ара боюнча үч маселе койду

Кубатбек Боронов.

Кыргыз-өзбек чек арасындагы акыркы чатактан кийинки эки тараптуу жолугушууда...

CАЯСАТ 2020-06-04  17:35

Президент Сооронбай Жээнбеков Өзбекстандын Президенти Шавкат...

Президент Сооронбай Жээнбеков Өзбекстандын Президенти Шавкат...

1-июнда, Кыргыз Республикасынын Президенти Сооронбай Жээнбеков Өзбекстан Республикасынын Президенти...

CАЯСАТ 2020-06-02  12:28

Боронов менен Арипов чек арада сүйлөшүү өткөрүштү

Боронов менен Арипов чек арада сүйлөшүү өткөрүштү

Кыргыз-өзбек сүйлөшүүсү. 1-июнь, 2020-жыл.

Кыргызстан менен Өзбекстандын өкмөтү чек арадагы соңку...

CАЯСАТ 2020-06-01  17:39

Президент Сооронбай Жээнбеков: Орозо күндөрү ниет кылган аруу...

Президент Сооронбай Жээнбеков: Орозо күндөрү ниет кылган аруу...

Кыргыз Республикасынын Президенти Сооронбай Жээнбеков кыргызстандыктарды Орозо айт майрамы менен...

CАЯСАТ 2020-05-23  21:22

Президент Сооронбай Жээнбеков Кыргыз Республикасынын Судьялар...

Президент Сооронбай Жээнбеков Кыргыз Республикасынын Судьялар...

Кыргыз Республикасынын Президенти Сооронбай Жээнбеков бүгүн, 21-майда, Кыргыз Республикасынын...

CАЯСАТ 2020-05-21  17:48

Президент Сооронбай Жээнбеков Коопсуздук кеңешинин катчысы Дамир...

Президент Сооронбай Жээнбеков Коопсуздук кеңешинин катчысы Дамир...

Кыргыз Республикасынын Президенти Сооронбай Жээнбеков Кыргыз Республикасынын Коопсуздук кеңешинин...

CАЯСАТ 2020-05-20  15:55