KELECHEK

Ашхабадда күрүч жана шекер үчүн кезек күткөндөр көбөйдү

Ашхабадда күрүч жана шекер үчүн кезек күткөндөр көбөйдү

Ашхабад шаарындагы мамлекеттик дүкөндөрдүн алдында шекер, күрүч жана өсүмдүк майын сатып алууну каалаган адамдардын узун кезектери пайда болду. Бул тууралуу «Азаттык» радиосунун түркмөн кызматы кабарлады.

«Кезек күткөндөрдүн саны 100гө чейин жетип кетүүдө. Алардын арасында жаш баласын жетелеген аялдарды, кары-картаңдарды, өспүрүмдөрдү көрүүгө болот. Алар кезекке таң эртеден эле туруп жатышат. Шекер, күрүч жана өсүмдүк майы дүкөндөрдүн арткы эшиктери аркылуу сатылып жатат», - деп билдирди радионун кабарчысы.

Маалыматка караганда, учурда мамлекеттик дүкөндөрдө күрүч ар бир адамга үч, шекер бир гана килограммдан сатылууда. «Шекердин килограммы сегиз манат (2,5 доллар), күрүчтүкү жети манат (2 долларга жакын). Ошол эле маалда жеке дүкөндөрдө күрүч 20 манаттан (алты долларга жакын), шекер 12 манаттан (үч жарым доллар) сатылууда», — деп билдирди кабарчы.

Расмий бийлик өкүлдөрү эмне себептен азык-түлүккө чектөө киргизилгенин түшүндүрө элек.

Түркмөнстанда акыркы эки жылдан бери күнүмдүк керектелчү негизги азык-түлүк товарларынын тартыштыгы байкалууда. Буга чейин бир нече жолу шекер, жумуртка, өсүмдүк майы, ун менен нан тартыш болуп, мамлекеттик дүкөндөрдүн алдына кезектер пайда болгон.

Null

Досторуң менен бөлүш


Коментарии FACEBOOK:

Тектеш жаңылыктар

АКШда General Motors компаниясынын миңдеген жумушчулары иш таштоого чыгат

АКШда General Motors компаниясынын миңдеген жумушчулары иш таштоого чыгат

АКШда General Motors компаниясында иштеген 49 миң жумушчу...

CPJ: Түркмөнстан сөз эркиндиги чектелген өлкөлөрдүн сап башында

CPJ: Түркмөнстан сөз эркиндиги чектелген өлкөлөрдүн сап башында

Эритерия, Түндүк Корея жана Түркмөнстан сөз эркиндиги чектелген өлкөлөрдүн тизмесинин алдыңкы үч...

Сенаторлор Трампты тез арада Украинага каржылык жардам берүүгө...

Сенаторлор Трампты тез арада Украинага каржылык жардам берүүгө...

Украин аскерлери америкалык Javelin ракетасын колдонуу менен машыгуу өткөрүүдө

АКШда...

Түркмөнстанда күйүүчү май тартыштыгы уланууда

Түркмөнстанда күйүүчү май тартыштыгы уланууда

Бензин тартыштыгынан улам Түркмөнстан жолдорунда автоунаалар азайды. Сентябрь...