Стамбул шаарынын тартип коргоо органдары 3-июлда Ататүрк эл аралык аэропортуна Украинадан учуп келген эки жаранды текшеришкен. Алардын биринен - 25 жаштагы К.В. аттуу жарандан Кыргызстандын жана Орусиянын паспорту, ал эми экинчисинен - 35 жаштагы Ф.М.И аттуу жарандан Кыргызстандын паспорту чыккан.

Бул тууралуу Түркиянын "Хурриет" гезити жазды. Басылмасын белгилешинче, алардын жанынан төрт дүрбү, үч аскер кийими, башка адамдарга таандык эки паспорт, Кыргызстандын үч ID карточкасы жана беш туулгандыгы тууралуу күбөлүк да табылган.

Түрк полициясы ал эки жаранды «Ислам мамлекети» радикал уюмунун мүчөсү деген шек менен суракка алышкан.