KELECHEK

ЕККУ Өзбекстанда бир нече сайттардын кайра иштеп башташын кубаттады

ЕККУ Өзбекстанда бир нече сайттардын кайра иштеп башташын кубаттады

Европа коопсуздук жана кызматташтык уюмунун Маалымат каражаттарынын эркиндиги маселеси боюнча өкүлү Арлем Дезир Өзбекстанда бир нече маалымат сайттарынын кайта ачылышын кубаттады.

Алардын арасында «Америка Үнү», ВВС Өзбек кызматы, «Немис толкундары», Eurasianet жана Amnesty International, «Чек арасыз кабарчылар», Human Rights Watch укук коргоо уюмдарынын сайттары бар.

Дезир бул маселе боюнча өзбек бийлиги менен сүйлөшкөнүн билдирди. Ал жакын арада «Эркин Европа/ Азаттык радиосуна», анын ичинде «Азаттыктын» өзбек кызматына коюлган чектөө дагы алынарынан үмүт артты.

Өзбекстанда тыюу салынган бир нече сайттар кайрадан иштеп баштаганын Өзбекстан президентинин алдындагы маалымат жана байланыш агенттигинин директору Комил Алламжонов билдирген. Ал «чет өлкөлүк веб-ресурстардын иштөөсүнө кедерги тийгизген техникалык мүчүлүштүктөр аныкталып, аларды жоюу боюнча чаралар көрүлгөнүн» айткан.

Аткаминер кабарчыларды журналисттик этиканы сактоого, такталбаган маалыматтарды, ушак-айыңдарды таратуудан оолак болууга үндөгөн.

Маалыматтарга караганда, чет өлкөлүк көптөгөн сайттар Өзбекстанда 2005-жылы Анжиян окуясынан кийин иштебей калган. Бул окуя учурунда аскерлер тынч митинг өткөргөндөргө каршы ок чыгарган. Анын кесепетинен 187 киши өлгөн. Укук коргоо уюмдары жана күбөлөр курмандыктар алда канча көп болгон деп эсептешет. Өзбекстанда дагы ондогон сайттар бөгөттөлгөн бойдон турат.

Null

Досторуң менен бөлүш


Коментарии FACEBOOK:

Тектеш жаңылыктар

АКШда General Motors компаниясынын миңдеген жумушчулары иш таштоого чыгат

АКШда General Motors компаниясынын миңдеген жумушчулары иш таштоого чыгат

АКШда General Motors компаниясында иштеген 49 миң жумушчу...

CPJ: Түркмөнстан сөз эркиндиги чектелген өлкөлөрдүн сап башында

CPJ: Түркмөнстан сөз эркиндиги чектелген өлкөлөрдүн сап башында

Эритерия, Түндүк Корея жана Түркмөнстан сөз эркиндиги чектелген өлкөлөрдүн тизмесинин алдыңкы үч...

Сенаторлор Трампты тез арада Украинага каржылык жардам берүүгө...

Сенаторлор Трампты тез арада Украинага каржылык жардам берүүгө...

Украин аскерлери америкалык Javelin ракетасын колдонуу менен машыгуу өткөрүүдө

АКШда...

Түркмөнстанда күйүүчү май тартыштыгы уланууда

Түркмөнстанда күйүүчү май тартыштыгы уланууда

Бензин тартыштыгынан улам Түркмөнстан жолдорунда автоунаалар азайды. Сентябрь...