KELECHEK

Президент Сооронбай Жээнбеков кыргызстандыктарды Жеңиш күнү менен куттуктады (ФОТО)

Президент Сооронбай Жээнбеков кыргызстандыктарды Жеңиш күнү менен куттуктады (ФОТО)

Кыргыз Республикасынын Президенти Сооронбай Жээнбеков бүгүн, 9-майда Бишкек шаарынын Жеңиш аянтында өткөн Улуу Ата Мекендик согуштагы Жеңиштин 74 жылдыгына арналган эскерүү митингине катышты жана кыргызстандыктарды Жеңиш күнү менен куттуктады.

Мамлекет башчысынын куттуктоосу толугу менен берилет:

«Кымбаттуу Улуу Ата Мекендик согуштун жана ооруктун ардагерлери!

Жолдош жоокерлер, сержанттар жана прапорщиктер, офицерлер жана генералдар!

Урматтуу мекендештерим!

Сиздерди Улуу Ата Мекендик согуштагы Жеңиш күнү менен куттуктайм.

Бүгүн — совет жоокеринин рухунун бекемдигин, чыныгы патриоттуулукту жана элдердин биримдигин даӊазалаган улуу майрам. 

9-май — элдин сыймыгы жана көз жаш менен келген кубанычы.

Өткөн согуштун алааматы тарыхтын энчисине өтүп, ошол жылдарда калды. 

Ал эми аталарыбыздын чыныгы эрдиги, нукура каармандыгы биздин жүрөгүбүздө жашап келет жана сезимибизде түбөлүк сакталат.

Аталардын эрдиги менен сыймыктануу, алардын элесине таазим этип, урмат көрсөтүү — муундан муунга өтөт, урпактарга жетет. 

Жеңиш күнүн белгилөө менен биз чындык менен акыйкаттык дайыма кыянаттыктан күчтүү болоорун даӊазалайбыз.

Жеңиш күнү — 21-кылымда согушту эӊсегендерге, бир  улуттун же расанын башкалардан өйдө болушун  көздөгөндөргө эскертүү болуп саналат.

Урматтуу мекендештерим!

Согуш майданында биздин аталар жана чоң аталар ыйык максат үчүн — биздин ачык асман алдында, тынчтыкта, ынтымакта жашообуз үчүн курман болушкан.

Алардын эрдигинин артында бир нече муундар жарык дүйнөгө келишип, тынчтыкта жашап жатышат.

Улуу курактагы көптөгөн ардагерлер дале биздин катарда.

Көкүрөгү орден жана медалга толгон ардагерлер — бизге ушул жашоону тартуу кылуу үчүн  канын, жанын аябай, өлүмгө тик карашкан.

Согуш тозогун баштан өткөргөн баатыр жоокерлердин мисалында жаш муунду эр жүрөктүүлүккө жана мекенчилдикке тарбиялайбыз.

Ардагерлер жарандардын ынтымагын, коомдун биримдигин көздүн карегиндей сактоону бизге эстетип турган жандуу эстелик.

Алардын катары суюлуп бартканына жүрөк ооруйт, сезим зыркырайт.

Биздин милдет — аларга ар дайым сый-урмат көрсөтүү жана жалпыбыз менен көңүл буруп, камкордук көрүү.

Урматтуу мекендештерим!

Намысты, абийирди, Мекенге болгон сүйүүнү бекем туткан аталарыбыздын жолу — биздин улуу мурасыбыз, муундан муунга сыймыктануу менен айтылчу тарыхыбыз.

Улуу Манастан бери келаткан даӊазалуу жолдун уландысы.

Аталардын  даӊктуу жолун улантуу, жан аябай Мекенди коргоо —  биздин милдетибиз.

Бүгүнкү Жеӊиш күнү ар бир адамга, жалпы адамзатка дагы бир жолу согуштун кыяматын эскертип, дүйнөдө тынчтыктан өткөн дөөлөт жок экенин далилдеп турат.

Жер шарында согуш болбой, тынчтык  орношуна салым кошолу.

Дүйнөлүк коомчулук  менен бирге эл аралык террорго, улуттук жана диний экстремизмге каршы туралы.

Биз коомдун ынтымагын бекемдөөгө жана мамлекеттүүлүктү сактоого милдеттүүбүз.

Биримдигибизди, тынчтыкты көзүбүздүн карегиндей сактайлы!

Бул урпактардын алдындагы биздин зор жоопкерчилигибиз.

Бул Улуу Ата Мекендик согуштун баатырлары — аталарыбыздын элесинин алдындагы биздин милдетибиз!

Кымбаттуу согуштун жана ооруктун ардагерлери!

Тынчтыкта жашап жана өнүгүп жаткан Кыргызстан үчүн жасаган зор эмгегиӊерди ыраазылык менен эстейбиз.

Эрдигиңиздер урпактардын эсинде түбөлүк сакталат.

Эч ким, эч качан унутулбайт!

Сиздерди дагы бир ирет Улуу Жеңиш майрамы менен куттуктайм!

Ден соолукта, бакубат жашоодо бар болуңуздар!

Дайыма элибизде аманчылык, жергебизде тынчтык болсун!

Сүйүктүү Кыргызстаныбызды Кудайым өзү колдосун!».

Null

Досторуң менен бөлүш


Коментарии FACEBOOK:

Тектеш жаңылыктар

Президент Сооронбай Жээнбеков Кытайдын тышкы иштер министри Ван Ини...

Президент Сооронбай Жээнбеков Кытайдын тышкы иштер министри Ван Ини...

Кыргыз Республикасынын Президенти Сооронбай Жээнбеков бүгүн, 21-майда, Кытай Эл Республикасынын...

CАЯСАТ 2019-05-22  17:21

Президент Сооронбай Жээнбеков Энелер күнүнө карата көп балалуу...

Президент Сооронбай Жээнбеков Энелер күнүнө карата көп балалуу...

Кыргыз Республикасынын Президенти Сооронбай Жээнбеков 18-майда Энелер күнүнө карата өлкөнүн бардык...

CАЯСАТ 2019-05-19  10:01

Кыргызстан менен Өзбекстан чек ара боюнча сүйлөштү

Кыргызстан менен Өзбекстан чек ара боюнча сүйлөштү

Бишкекте Кыргызстан менен Өзбекстандын мамлекеттик чек араны делимитациялоо боюнча жумушчу...

CАЯСАТ 2019-05-17  09:18

Президент Сооронбай Жээнбеков Россиянын Коопсуздук кеңешинин...

Президент Сооронбай Жээнбеков Россиянын Коопсуздук кеңешинин...

Кыргыз Республикасынын Президенти Сооронбай Жээнбеков кечээ, 14-майда, Кыргызстанга ШКУ мүчө...

CАЯСАТ 2019-05-15  05:48

Түркия ТИМи элчи катышкан ооз ачардагы окуяга жооп берди

Түркия ТИМи элчи катышкан ооз ачардагы окуяга жооп берди

Түркиянын Кыргызстандагы элчилиги муфтият уюштурган ооз ачарга мурдагы...

CАЯСАТ 2019-05-15  05:59

Президент Сооронбай Жээнбеков УКМК төрагасы Идрис Кадыркуловду...

Президент Сооронбай Жээнбеков УКМК төрагасы Идрис Кадыркуловду...

Кыргыз Республикасынын Президенти Сооронбай Жээнбековдун Жарлыгына ылайык, Кыргыз Республикасынын...

CАЯСАТ 2019-05-15  11:19

Президент Сооронбай Жээнбеков ШКУга мүчө мамлекеттердин Коопсуздук...

Президент Сооронбай Жээнбеков ШКУга мүчө мамлекеттердин Коопсуздук...

Кыргыз Республикасынын Президенти Сооронбай Жээнбеков 15-майда Бишкекке ШКУга мүчө мамлекеттердин...

CАЯСАТ 2019-05-15  13:05