KELECHEK
rek

Президент Сооронбай Жээнбеков басма сөз үчүн билдирүү жасады

Президент Сооронбай Жээнбеков  басма сөз үчүн билдирүү жасады

Кыргыз Республикасынын Президенти Сооронбай Жээнбеков бүгүн, 16-апрелде Берлин шаарында, Германия Федеративдик Республикасынын Канцлери Ангела Меркель менен жолугушуусунун алкагында басма сөз үчүн билдирүү жасады.

Мамлекет башчы Германияга расмий визит менен келүүгө чакыргандыгы үчүн Ангела Меркелге ыраазычылыгын билдирди.

«Бүгүн биз эки өлкөнүн ортосундагы кызматташтыктын актуалдуу маселелерин талкуулайбыз жана келечектин пландарын белгилейбиз. Акыркы жылдарда жогорку жана эң жогорку деңгээлдеги саясий байланыштар бир топ активдешти.  Буга 2016-жылы Федералдык Канцлер Ангела Меркелдин Кыргыз Республикасына расмий сапары менен келиши өбөлгө түздү», — деди Сооронбай Жээнбеков.

Ал белгилегендей, бүгүн Федералдык Президент Франк-Вальтер Штайнмайер мырза жана Бундестагдын Президенти Вольфганг Шойбле мырза менен маанилүү саясий жолугушуулар болуп өттү жана мазмундуу жана жемиштүү сүйлөшүүлөр жүргүзүлдү.

«Алар эки тараптуу карым-катнаштын бардык тармактарын ичине камтып, өз-ара ишеним жана түшүнүү маанайында болуп  өттү. Кечээ Мюнхен шаарында Бавариянын жетекчилиги  жолугушууларды өткөрдүм.  Ханс Зайдел атындагы Фонддо чыгып сүйлөдүм. Кыргызстандын өнүгүүсү тууралуу кенен айтып бердим. Биз эки өлкөнүн бизнес чөйрөсүнүн өкүлдөрү катышкан кыргыз-герман ишкерлер-форумун өткөрдүк.  Экономикалык кызматташтыкты активдештирүүгө багытталган байланыштар  түзүлдү.  Эки өлкөнүн өкмөттөрү жана мекемелеринин ортосунда 10дон ашуун маанилүү документке кол коюлду. Ишкерлердин ортосунда да бир катар келишимдерге жана меморандумдарга кол коюлду. Алардын жыйынтыгы 1 миллиарддан ашык евро түзөт», — деп баса белгиледи Сооронбай Жээнбеков.

Ал белгилегендей, Кыргызстан менен Германиянын ортосундагы кызматташтыктын келечектүү багыттарына — соода-экономикалык, өнөр-жай  тармагы, гидроэнергетика, жашыл экономиканы өнүктүрүү, айыл чарба жана туризм  кирет. Кыргызстан үчүн Германиялык инвестицияларды тартуу, чакан жана орто ишкердикти түзүү жана айыл чарбада кызматташуу актуалдуу болуп эсептелет.

«Кыргыз Республикасы бүгүн коомдук-саясий жана социалдык-экономикалык жактан активдүү түрдө жаңылануу жолунда баратат. Биздин негизги максат — экономикасы өнүккөн, парламенттик демократиялуу укуктук мамлекетти түзүү болуп саналат. Жалпысынан, биз кыргыз-герман карым-катнаштарынын өнүгүү деңгээлине канаттануубузду билдиребиз. Германия Федеративдүү Республикасы менен соода-экономикалык байланыштарды кеңейтүүгө басым жасоо менен азыркы темпти улантуу маанилүү деп эсептейбиз», — деди Мамлекет башчы.

Ал баса белгилегендей, кыргыз-герман парламенттер аралык кызматташууну активдештирүү биз үчүн маанилүү. Маданий-гуманитардык жаатта, билим берүү жана илим тармагында мындан ары да тыгыз кызматташабыз деген үмүттөбүз.

«Бул багыт Кыргызстандын келечеги үчүн жакшы инвестиция болот деп ишенем. Албетте, Кыргызстандын Европа Биримдиги менен кызматташуу маселеси да күн тартибинде турат. 2019-жылы Европа Биримдигинин Борбор Азия боюнча жаңы Стратегиясын кабыл алуусу күтүлөт. Кыргызстан менен Европа Биримдигинин кеңейтилген өнөктөштүк жана кызматташтык боюнча жаңы Келишимге кол коюусу пландалып жатат. Германия тарапка бизге көрсөткөн меймандостугу үчүн ыраазычылык билдирем. Кыргыз Республикасы менен Германия Федеративдүү Республикасынын тыгыз кызматташтыгы мындан ары бекемделет жана өнүгөт деп ишенем», — деп сөзүн жыйынтыктады Президент Сооронбай Жээнбеков.

Null

Досторуң менен бөлүш


Коментарии FACEBOOK:

Тектеш жаңылыктар

Жарандык коом ТИМдин ишин сындады

Жарандык коом ТИМдин ишин сындады

Жарандык коом Кыргызстандын Тышкы иштер министрлиги АКШнын дүйнө өлкөлөрүндөгү адам укугунун абалы...

КООМ 2016-04-27  10:01

Ажылыкка даярдангандар эмдөөдөн өтүп жатат

Ажылыкка даярдангандар эмдөөдөн өтүп жатат

Кыргызстанда ажылыкка аттангандар эмдөөдөн...

КООМ 2016-07-15  18:08

Сузактагы табигый кырсыктан жапа чеккен жарандарга Жалал-Абад...

Сузактагы табигый кырсыктан жапа чеккен жарандарга Жалал-Абад...

Жалал-Абад ОИИБнын өздүк курамынын протоколдук чечиминин негизинде, Сузак районунун Алмалуу-Бак айылында...

КООМ 2016-05-02  23:28

Жалал-Абад облустук журналисттер союзунун төрагасы болуп Руслан...

Жалал-Абад облустук журналисттер союзунун төрагасы болуп Руслан...

Үстүбүздөгү жылдын  30-майында Жалал-Абад облустук журналисттер союзунун кайра шайлоо чогулушу болуп,...

КООМ 2016-05-03  00:53

«Элим-Жерим бир» КБси Жогорку Сотто А. Аскаровдун ишин кайрадан...

«Элим-Жерим бир» КБси Жогорку Сотто А. Аскаровдун ишин кайрадан...

«Элим-Жерим бир» коомдук бирикмесинин мүчөлөрү 2010-жылдагы июнь окуясына күнөөлү деп сот органдары...

КООМ 2016-05-03  01:52

Тажикстанда дин эркиндиги катуу кысымга алынууда

Тажикстанда дин эркиндиги катуу кысымга алынууда

Тажикстан АКШнын Дүйнө өлкөлөрүндөгү дин эркиндиги боюнча комиссиясынын (USCIRF) сынына кабылган 17...

КООМ 2016-05-04  16:00

Казакстан: митингдер адабиятчыларды кабатыр кылууда

Казакстан: митингдер адабиятчыларды кабатыр кылууда

Бир катар акын-жазуучулар Алматыдагы Казакстан Жазуучулар кошуунунун имаратынын алдында жерге...

КООМ 2016-05-04  16:13