KELECHEK
rek

Bloomberg: Кремль Путин президенттиктен кеткенден кийин аны бийликте калтырууну көздөйт

Bloomberg: Кремль Путин президенттиктен кеткенден кийин аны бийликте калтырууну көздөйт

Владимир Путин

Орусия президентинин администрациясы Владимир Путинди бийликте болушунча узак мөөнөткө калтыруунун жолдорун караштырып жатат. Бул тууралуу Bloomberg Кремль менен жакындыгы бар өз булагына шилтеме берүү менен билдирди.

Агенттиктин өз булагынын маалымдашынча, Беларус менен биригүү аркылуу жаңы мамлекет түзүү ыктымалдуулугу каралууда. Жаңы мамлекетти Путин башкарышы мүмкүн. Мындай жол менен ал президенттик мөөнөтүнө байланыштуу чектөөлөрдү айланып өтүүгө мүмкүнчүлүк алат.

Беларус менен Орусиянын биригиши тууралуу айың кептерди орусиялык басылмалар менен телеграм-каналдар былтыр күздөн тарта жайылта башташкан. Беларус президенти Александр Лукашенко өткөн жылы республиканын эгемендүүлүктөн ажырап калуу коркунучу тууралуу бир нече жолу эскерткен. Бирок ал Орусиянын өлкөнү кошуп алууга ниети жок экенин маалымдаган.

Президент администрациясынын мурдагы кызматкери Андрей Колядин Bloomberg менен болгон маекте Кремль Казакстан тандаган жолду да караштырганын айткан. Жума башында Президент Нурсултан Назарбаев бийликте 30 жыл тургандан кийин кызматын тапшырып берген. Ошол эле маалда ал Казакстан Коопсуздук кеңешинин, башкаруучу партиянын башчысы жана Конституциялык кеңештин мүчөсү болуп калган.

Былтыр мартта Путин Орусиядагы президенттик шайлоодо жеңишке жеткен. Ага шайлоочулардын 77 пайызы добуш берген. Путиндин президенттик мөөнөтү 2024-жылы аяктайт. Bloomberg агенттигинин өз булагы Путин президенттин негизги ыйгарым укуктарын Коопсуздук кеңешине же азыр өзү башкарып жаткан Мамлекеттик кеңешке өткөрүп бериши ыктымал экенин айтты. Орусия президенти кызматтан кеткенден кийин бул куралдары менен өлкөнү башкаруу мүмкүнчүлүгүн сактап калат.

Кремлдин басма сөз катчысы Дмитрий Песковдун айтымында, Bloomberg жазган маалыматтар менен президенттин акимчилиги талкуулаган маселелердин бири-бирине эч кандай байланышы жок. Путиндин өкүлү агенттиктин материалын “эркин чыгармага” теңеди.

Null

Досторуң менен бөлүш


Коментарии FACEBOOK:

Тектеш жаңылыктар

АКШ Coursera платформасына Крымга кайтууга уруксат берди

АКШ Coursera платформасына Крымга кайтууга уруксат берди

АКШ өкмөтү санкцияларга карабастан...

Германия

Германия "G7 плюс Орусия" форматы аягына чыккандыгын билдирди

Расмий Берлиндин пикиринде,  азырынча Орусиянын алдыңкы индустриялуу өлкөлөрдүн чөйрөсүнө...

Генерал Бридлав Орусияга көбүрөөк көңүл бурууга чакырды

Генерал Бридлав Орусияга көбүрөөк көңүл бурууга чакырды

Ал америкалык "Уолл-стрит жорнал" гезитине берген маегинде Орусия туудурган коркунучтарга...

Европада качкындарды кабыл алуудан баш тарткан өлкөлөргө санкция...

Европада качкындарды кабыл алуудан баш тарткан өлкөлөргө санкция...

Financial Times гезити кабарлагандай, Еврокомиссия  ЕБга кирген кайсы бир өлкө качкындарды кабыл алуудан...

Обама: атайын операциялар-терроризмге каршы күрөштө башкы курал

Обама: атайын операциялар-терроризмге каршы күрөштө башкы курал

Атайын бөлүктөрдүн чалгындоо маалыматтарын камтыган операциялары америкалык президенттер үчүн...

Өзбекстанда Казакстандагы митингдерди чагылдырууга тыюу салынды

Өзбекстанда Казакстандагы митингдерди чагылдырууга тыюу салынды

Asiaterra интернет-басылмасы билдиргендей, Би-Би-Си орус кызматынын сайтындагы «Редактордун...

National Geographic Кыргызстанда фототур уюштурат

National Geographic Кыргызстанда фототур уюштурат

National Geographic журналы Кыргызстанда фототур уюштурат. Бул тууралуу аталган журналдын (nat-geo.ru) расмий...