KELECHEK

Кербен аэропорту 20 жылдан кийин кайрадан өз ишин баштайт

Кербен аэропорту 20 жылдан кийин кайрадан өз ишин баштайт

"Кербен" аэропорту. Сүрөт: Жогорку Кеңештин басма сөз кызматы

Аксы районундагы «Кербен» аба майданы май айында ачылмакчы. Бир саатта 50 жүргүнчүнү тейлей алган аэропортту оңдоп-түзөө иштерине жалпы 11 млн сом сарпталаары күтүлүүдө.

Жогорку Кеңеш 2018-жылдын 1-мартында «“Кербен” аба майданынын ишин жандантуу» тууралуу мыйзам долбоорун карап чыгып токтом кабыл алган. Ага ылайык июнь айында Кербен шаарынын аэропортун оңдоп-түзөө иштери башталган. Аэропорттун ишин жандантууну «Манас» эл аралык аба майданы ишке ашырууда.

«2018-жылы аэропорттун учуп-конуу тилкеси жана авиабекети оңдоодон өткөрүлдү. Учурда авиабекеттин аянтын кеңейтүү иштери жүрүүдө», — деди «Манас» аэропортунун басма сөз катчысы Алия Курбанова.

«Кербен» аэропортунун жетекчиси Мамбеталы Исманалиев аба майдан Аксы, Ала-Бука, Чаткал райондорунун жана Таш-Көмүр шаарынын тургундарын тейлөөгө алаарын айтат.

«Кышкысын, жол жабык кезде 10-15 сааттап жол жүргөндөргө жакшы шарт түзүүдө», — деген Исманалиев аэропорт 2019-жылдын май айынан тарта иштей баштаарын кошумчалады.

Учурда аэропортто кандай каттамдар болоору белгисиз. Анткени аба майданы ишке кирээрде авиа компаниялар өздөрү сунуш берип, андан соң аны авиация жана монополияны көзөмөлдөө агенттиктери карап чыгышы керек.

«Кербен» аба майданы 1976-жылы негизделип, анда Кербен-Ош жана Кербен-Бишкек каттамдары иштеп турган. 23 жылдан соң жүргүнчүлөрдүн жоктугунан аэропорт жабылууга аргасыз болгон.

"Kloop.kg"

Null

Досторуң менен бөлүш


Коментарии FACEBOOK:

Тектеш жаңылыктар

Кыргыз-тажик чек арасынан кошумча аскер күчтөрү жана техникалары...

Кыргыз-тажик чек арасынан кошумча аскер күчтөрү жана техникалары...

Кыргыз-тажик чек арасындагы соңку кырдаалга байланыштуу...

Аймак 2019-09-20  14:52

Чек ара кызматы такталбаган аймакта курулуш токтотулганын кабарлады

Чек ара кызматы такталбаган аймакта курулуш токтотулганын кабарлады

Кыргыз-тажик чек арасындагы такталбаган аймактарда тажик жарандары курулуш иштерин токтотту. Бул...

Аймак 2019-09-19  18:58

Баткен: Максат айылынан коопсуз жайга чыккан 128 адам үйүнө кайта элек

Баткен: Максат айылынан коопсуз жайга чыккан 128 адам үйүнө кайта элек

Баткен облусундагы чек арада атышуу болгондон кийин, ал аймакка жакын Максат айылынан коопсуз жайга...

Аймак 2019-09-18  18:46

«Кулунду автоунаа жолу» көзөмөл өткөрүү жайы бир тараптуу жабылды

«Кулунду автоунаа жолу» көзөмөл өткөрүү жайы бир тараптуу жабылды

Тажикстан бир тараптуу негизде «Кулунду автоунаа жолу»...

Аймак 2019-09-17  16:57

Кыргыз жана тажик премьерлери чек араны тактоону активдештирүүнү...

Кыргыз жана тажик премьерлери чек араны тактоону активдештирүүнү...

Кыргызстандын премьер-министри Мухаммедкалый Абылгазиев менен Тажикстандын...

Аймак 2019-09-17  18:38