KELECHEK
rek

Түркия Кытайды «саясий кайра тарбиялоо» лагерлерин жабууга чакырды

Түркия Кытайды «саясий кайра тарбиялоо» лагерлерин жабууга чакырды

Расмий Анкара Кытайды уйгур азчылыгынын укуктарын сыйлоого жана алар мажбурланып кармалып турган лагерлерди жабууга чакырды. Бул тууралу Туркиянын Тышкы иштер министрлигинин (ТИМ) өкүлү Хами Аксой билдиргенин РИА Новости агенттиги жазды.

«Миллиондон ашык уйгур түрмөлөр менен концлагерлерде мажбурлап камоо, кыйноо жана идеологиялык басым көрсөтүү саясатына кабылышты. Кытайдын сыртында, анын ичинде Түркияда жашаган уйгурлар андагы туугандары тууралуу маалымат ала албай жатышат. XXI кылымда концентрациялык лагерлердин пайда болушу — бүтүндөй адамзат үчүн уят. Кытай бийлигин уйгур азчылыгынын негизги укуктарын сыйлоого жана концлагерлерди жабууга чакырабыз», — деп билдирди Аксой.

Өз билдирүүсүндө ал акыркы жылдары Кытайдагы уйгурларга жана башка мусулмандарга карата басым күчөгөнүн белгилеген. Анын айтымында, «уйгурларды толук ассимиляциялоого багытталган кезектеги кадам 2017-жылы октябрда, расмий деңгээлде диндерди «кытайлаштыруу» саясатын ишке ашыруу жарыяланганда башталган».

Аксойдун айтымында, уйгрулардын абалы тууралуу маселе Түркия тараптан Кытай менен болгон сүйлөшүүлөр маалында дайыма көтөрүлүп келет. «Эл аралык коомчулук менен БУУнун башкы катчысы гуманитардык трагедиянын алдын алуу үчүн натыйжалуу кадамдарды жасашы керек», — деп эсептейт түрк дипломаты.

Өткөн жылы августта БУУ Шиңжаңдагы «саясий кайра тарбиялоо» лагерлеринде миллионго жакын мусулман кармалып турушу мүмкүн экенин билдирген.

Өз кезегинде Кытай ал жайларда укугу чектелген адамдар кармаларын четке каккан. Пекин аларды «билим берүү борборлору» деп атап, «азчылыкты түзгөн улуттардын өкүлдөрүн интеграциялап, «экстремизм менен терроризмге каршы» күрөшүп жатканын белгилеп келет.

Null

Досторуң менен бөлүш


Коментарии FACEBOOK:

Тектеш жаңылыктар

АКШ Coursera платформасына Крымга кайтууга уруксат берди

АКШ Coursera платформасына Крымга кайтууга уруксат берди

АКШ өкмөтү санкцияларга карабастан...

Германия

Германия "G7 плюс Орусия" форматы аягына чыккандыгын билдирди

Расмий Берлиндин пикиринде,  азырынча Орусиянын алдыңкы индустриялуу өлкөлөрдүн чөйрөсүнө...

Генерал Бридлав Орусияга көбүрөөк көңүл бурууга чакырды

Генерал Бридлав Орусияга көбүрөөк көңүл бурууга чакырды

Ал америкалык "Уолл-стрит жорнал" гезитине берген маегинде Орусия туудурган коркунучтарга...

Европада качкындарды кабыл алуудан баш тарткан өлкөлөргө санкция...

Европада качкындарды кабыл алуудан баш тарткан өлкөлөргө санкция...

Financial Times гезити кабарлагандай, Еврокомиссия  ЕБга кирген кайсы бир өлкө качкындарды кабыл алуудан...

Обама: атайын операциялар-терроризмге каршы күрөштө башкы курал

Обама: атайын операциялар-терроризмге каршы күрөштө башкы курал

Атайын бөлүктөрдүн чалгындоо маалыматтарын камтыган операциялары америкалык президенттер үчүн...

Өзбекстанда Казакстандагы митингдерди чагылдырууга тыюу салынды

Өзбекстанда Казакстандагы митингдерди чагылдырууга тыюу салынды

Asiaterra интернет-басылмасы билдиргендей, Би-Би-Си орус кызматынын сайтындагы «Редактордун...

National Geographic Кыргызстанда фототур уюштурат

National Geographic Кыргызстанда фототур уюштурат

National Geographic журналы Кыргызстанда фототур уюштурат. Бул тууралуу аталган журналдын (nat-geo.ru) расмий...