KELECHEK

Кыргызстан коңшу өлкөлөргө сууну сатууну көздөөдө

Кыргызстан коңшу өлкөлөргө сууну сатууну көздөөдө

Кыргызстан суу сактагычтарды кармоого кеткен чыгымдарды жабуу үчүн Өзбекстан менен Казакстандан акы талап кылышы мүмкүн.

Жогорку Кеңеш Суу кодексине жана "Суу жөнүндө" мыйзамга өзгөртүүлөрдү экинчи окуудан кабыл алган. Ага ылайык, жарандыгына, менчигинин түрүнө жана чарба жүргүзүү формасына карабастан сууну пайдалануу үчүн акы алынары көрсөтүлгөн.

Жогорку Кеңештин "Республика Ата-Журт" фракциясынан депутат Умбетали Кыдыралиев өкмөт эмнеге суу сактагычтарга кеткен чыгымдарды жабууну кечеңдетип, сууну топтоп бергени үчүн кошуналардан акы талап кылбай жатканына кызыкты.

- Кыргызстандагы суу сактагычтардан жылына 22 млрд. куб суу Өзбекстан менен Казакстанга кетет. Бул деген биз суу сактагычтарда чогулткан суунун 80 пайыздан ашууну мына ошол кошуналарга берилет дегенди түшүндүрөт. Аталган суу сактагычтарды кармаганга бюджеттен өтө чоң өлчөмдө каражат жыл сайын бөлүнөт. Жакында эле Токтогул суу сактагычын оңдоо үчүн 450 миллион доллар бөлүү боюнча маселени карадык. Биздин өкмөт эмне себептен мына суу сактагычтарга кеткен чыгымды төлөп берүүнү кошуналардан талап кыла албай жатат?

Айыл жана суу чарба министринин орун басары Жаныбек Керималиев Суу кодексине жана мыйзамга кирген жаңы өзгөртүүлөрдөн кийин сууну пайдаланганы үчүн кошуналардан кошумча акы талап кылууга жол ачыларын билдирди:

- Казакстан мурда Киров суу сактагычын кармаганга кеткен чыгым үчүн 75 миллион теңге төлөйт эле. Азыркы учурда 119 миллион теңге төлөйт. Мыйзамга кирген өзгөртүүлөрдү кабыл алгандан кийин кошуналар пайдаланып жаткан суунун төлөмүн дагы көтөрөбүз. Бул маселе негизи 28 жылдан бери көтөрүлбөй келип, соккунун баарын биз өзүбүзгө алып жатабыз.

2000-жылдары Жогорку Кеңештин мыйзам чыгаруу палатасынын депутаты, компартиянын мурдагы биринчи катчысы маркум Турдакун Усубалиев суу газ жана мунай сыяктуу эле жаратылыш байлыгы экенин жүйө келтирип, Кыргызстандын суу сактагычтарында топтолгон сууну кошуналар сатып алууга тийиш деген маселе көтөргөн.

Бирок Өзбекстандын ошол кездеги президенти маркум Ислам Каримов мамлекеттер аралык суу башаты каяктан экенине карабастан ал орток байлык экенин айтып, аны сатууга же бербей үзгүлтүккө учуратууга жасаган далалат чоң чатакка алып келерин эскерткен.

Суу пайдалануу шарттарын жөнгө салуу маселеси 2007-2008-жылдары да көтөрүлүп, бирок маселе кыргыз бийлигинин пайдасына чечилген эмес.

Null

Досторуң менен бөлүш


Коментарии FACEBOOK:

Тектеш жаңылыктар

Улуттук банк: Мигранттар жөнөткөн акча 19% азайды

Улуттук банк: Мигранттар жөнөткөн акча 19% азайды

Кыргызстанда чет жактан акча которуунун көлөмү азайганы байкалууда. Бул тууралуу 27-майда Улуттук...

ЭКОНОМИКА 2020-05-28  01:22

Жээнбеков ЕАЭБ ичиндеги тоскоолдуктар боюнча сотко кайрылуу...

Жээнбеков ЕАЭБ ичиндеги тоскоолдуктар боюнча сотко кайрылуу...

Мамлекет башчы Сооронбай Жээнбеков Евразия Экономикалык Биримдигинин ичиндеги (ЕАЭБ) тоскоолдуктар...

ЭКОНОМИКА 2020-05-20  15:31

ЕАЭБ президенттери беш жылдык өнүгүү стратегиясын кабыл алышкан жок

ЕАЭБ президенттери беш жылдык өнүгүү стратегиясын кабыл алышкан жок

Евразия Экономикалык Биримдигине (ЕАЭБ) мүчө өлкөлөр – Армения, Беларус, Кыргызстан, Казакстан жана...

ЭКОНОМИКА 2020-05-20  15:33

Мирзиёев өзүн иш менен камсыздаган ишкерлерди киреше салыгынан...

Мирзиёев өзүн иш менен камсыздаган ишкерлерди киреше салыгынан...

Өзбекстанда өзүн-өзү иш менен камсыздаган жарандарды киреше салыгынан бошотуу үчүн жаңы система...

ЭКОНОМИКА 2020-05-20  11:23

Камбар-Ата-2 ГЭСи боюнча келишим бекитилди

Камбар-Ата-2 ГЭСи боюнча келишим бекитилди

Жогорку Кеңештин Бюджет жана финансы боюнча комитети 18-майдагы жыйынында Камбар-Ата-2 ГЭСинин экинчи...

ЭКОНОМИКА 2020-05-18  17:02

Өкмөт аэропортторду жеке башкарууга өткөрүү тууралуу долбоор...

Өкмөт аэропортторду жеке башкарууга өткөрүү тууралуу долбоор...

Жогорку Кеңештин 13-майдагы жыйынында депутат Эмил Токтошев аэропортторду башкарууну жеке...

ЭКОНОМИКА 2020-05-14  17:53

Ишкерлерди 2022-жылга чейин текшерүүгө тыюу салуу сунушталды

Ишкерлерди 2022-жылга чейин текшерүүгө тыюу салуу сунушталды

Экономика министрлиги өлкөдөгү кырдаалга байланыштуу ишкер чөйрөнү колдоо максатында өкмөттүн...

ЭКОНОМИКА 2020-05-13  16:41