KELECHEK

Президент Сооронбай Жээнбеков “Манас” жана Чыңгыз Айтматов улуттук Академиясын түзүү жөнүндө Жарлыкка кол койду

Президент Сооронбай Жээнбеков “Манас” жана Чыңгыз Айтматов улуттук Академиясын түзүү жөнүндө Жарлыкка кол койду

Президент Сооронбай Жээнбеков 31-январда “Манас” жана Чыңгыз Айтматов улуттук Академиясын түзүү жөнүндө Жарлыкка кол койду.

“Манас” эпосун, жалпысынан кыргыздардын эпикалык маданиятын, Чыңгыз Айтматовдун дүйнөлүк мааниге ээ болгон көркөм, гуманисттик, философиялык-этикалык мурасын сактоо жана жайылтуу, ар тараптан терең изилдөө Жарлыктын максаты болуп саналат.

Жарлыктын текстинде белгиленгендей, кыргыз тили, байыркы жана соңку тарыхтын бай маданий мурасы азыркы учурда жана келечекте кыргыз улуттук мамлекеттүүлүгүнүн руханий негизин түзүп, өсүп келе жаткан муундарды тарбиялоо ишинде адеп-ахлактын өзөгү жана карманган жолу болушу керек, ал эми кыргыздардын “Манас” эпосу БУУнун Башкы Ассамблеясынын Резолюциясына ылайык Кыргызстан элинин гана эмес, бүткүл адамзаттын да руханий жана тарыхый-маданий дөөлөтүнүн бир бөлүгү болуп таанылды.

Мындан тышкары, “Манас. Семетей. Сейтек” эпикалык үчилтиги ЮНЕСКОнун Адамзаттын материалдык эмес маданий мурасынын репрезентативдүү тизмесине кирди, ошондой эле 2018-жылдагы Ысык-Көл эл аралык форумунун катышуучуларынын дүйнөлүк лидерлерге, мамлекет башчыларына, коомдук ишмерлерге, илим, маданият жана искусство ишмерлерине кайрылуусу эске алынды.

Академиянын ишинде “Манас” эпосунда, кыргыз элдик эпикалык маданиятында, Чыңгыз Айтматовдун чыгармачыл мурасында камтылган көөнөрбөс руханий, адеп-ахлактык жана этикалык баалуулуктарды жайылтууга жана популярдаштырууга, илимий, техникалык жана искусство таануучулук изилдөөлөргө көмөк көрсөтүү, илимий-практикалык, илимий-техникалык конференцияларды, долбоорлорду, конкурстарды, симпозиумдарды жана башка иш-чараларды, анын ичинде эл аралык иш-чараларды уюштуруу, өткөрүү жана аларга катышуу, илимий-изилдөө, илимий-популярдуу эмгектерди, мезгилдүү жана сериялык тематикалуу басылмаларды чыгаруу, аудио-визуалдык, окутуучу-агартуучу, таанып билүүчү материалдарды даярдоо сунушталды.

Ошондой эле Улуттук академия эл аралык гуманитардык комплекстүү программаларды ишке ашырууга багытталган сунуштарды талкуулоо жана иштеп чыгуу максатында дүйнөлүк маданияттын ишмерлеринин диалогдору жана жолугушуулары өтүүчү аянтча катары Ысык-Көл эл аралык форумунун ишин камсыз кылат. Улуттук жана дүйнөлүк адабияттын казынасынын ажырагыс бөлүгү катары “Манас” эпосун, кыргыз элинин башка эпикалык жана руханий мурасын, ошондой эле Чыңгыз Айтматовдун чыгармаларын жергиликтүү, улуттук жана эл аралык деңгээлдерде жайылтуу боюнча чыгармачыл бирликтердин, жарандык коомдун башка уюмдарынын жана жалпыга маалымдоо каражаттарынын демилгелерин колдоп, иш-чаралардын комплекстүү тематикалык планын илимий-изилдөө, агартуу, маалыматтык-коммуникациялык иштин негизинде иштеп чыгат жана анын ишке ашырылышын камсыз кылат.

Эске салсак, Кыргыз Республикасынын Президенти Сооронбай Жээнбеков Манас жана Айтматов академиясын түзүү чечими кабыл алынганы жөнүндө 2018-жылдын 12-декабрында Бишкек шаарында жазуучу Чыңгыз Айтматовдун 90 жылдык мааракесине арналган салтанаттуу жыйында билдирген.

Null

Досторуң менен бөлүш


Коментарии FACEBOOK:

Тектеш жаңылыктар

Түрк киноактёру Ташкенттин бай аялдары менен тамактангандыгы үчүн 379...

Түрк киноактёру Ташкенттин бай аялдары менен тамактангандыгы үчүн 379...

Белгилүү түрк киноактёру Бурак Озчивит Ташкентте олигархтардын...

МАДАНИЯТ 2019-02-22  05:05

Кыргызстандыктар «Ак шоола» сериалынын сюжетине нааразы болушууда

МАДАНИЯТ 2019-02-11  12:46

Третьяков галереясынан Куинжинин чыгармасы уурдалды

Третьяков галереясынан Куинжинин чыгармасы уурдалды

"Ай-Петри. Крым" картинасы

Москвадагы Третьяков галереясынан Архип Куинжинин "Ай-Петри....

МАДАНИЯТ 2019-01-28  10:50

Тажикстанда тасмалардагы уяттуу көрүнүштөргө тыюу салынды

Тажикстанда тасмалардагы уяттуу көрүнүштөргө тыюу салынды

Мындан ары Тажикстандын мамлекеттик телеканалдары көркөм...

МАДАНИЯТ 2019-01-21  11:29

Голливудда «Алтын глобус» кино сыйлыгынын мыктылары аталды

Голливудда «Алтын глобус» кино сыйлыгынын мыктылары аталды

Леди Гага «Алтын глобус» менен (архив сүрөт)

Лос-Анжелесте «Алтын глобус» кино...

МАДАНИЯТ 2019-01-07  02:43

Кыргызстан Silk Visa долбооруна кошулууга даяр

Кыргызстан Silk Visa долбооруна кошулууга даяр

Өзбекстандын Туризм боюнча мамлекеттик комитетинин төрагасынын орун...

МАДАНИЯТ 2018-12-25  06:06

Ош шаары 2019-жылдагы “Түрк дүйнөсүнүн маданий борбору” деп жарыялады

Ош шаары 2019-жылдагы “Түрк дүйнөсүнүн маданий борбору” деп жарыялады

Мындай чечим 18-декабрь күнү Түркиянын Кастамону шаарында өткөн ТҮРКСОЙгө мүчө өлкөлөрдүн Туруктуу...

МАДАНИЯТ 2018-12-21  06:09