KELECHEK

Төрага Дастанбек Жумабеков Аксы районунун активи менен жолугушту (ФОТО)

Төрага Дастанбек Жумабеков Аксы районунун активи менен жолугушту (ФОТО)

Кыргыз Республикасынын Жогорку Кеӊешинин Төрагасы Дастанбек Жумабеков, депутаттар Алмазбек Эргешов жана Рада Туманбаева Жалал-Абад облусундагы иш сапардын алкагында Аксы районунун активи менен жолугушту.

Төрага Дастанбек Жумабеков алгач өлкөдө жүргүзүлүп жаткан реформалар тууралуу учкай маалымат берип, Жогорку Кеӊеш тарабынан кабыл алынып жаткан айрым мыйзамдарга токтолду.

"Мамлекет башчыбыз тарабынан коррупциялык аракеттерди азайтууга өзгөчө көӊүл бурулуп, мыйзамсыз көрүнүштөргө каршы күрөш күчөтүлүүдө. Андан тышкары, өткөн жылды улай быйыл да "Аймактарды өнүктүрүү жана санариптештирүү" жылы деп жарыяланып, алыскы райондордогу калктын жашоо-шартын жакшыртууга басым жасалууда. Биздин негизги максат элдин байлыгын элге жумшоо менен өлкөбүздү өнүктүрүү", -  деди Төрага Дастанбек Жумабеков.  

Ошондой эле, 2019-жылдын 1-январынан тартып колдонууга киргизилген жаңы кодекстер жана мыйзамдар тууралуу да кеп кылган Жогорку Кеӊеш Төрагасы, алардын кабыл алынышы сот-укуктук реформаларды ишке ашыруудагы башкы кадам болгонун белгилеп, андагы айрым кемчиликтер тез арада жоюлушу керектигин кошумчалады.

Жолугушууда жергиликтүү эл тарабынан аймактагы бир катар социалдык маселелер айтылып, мектеп, бала бакча, жол, ичүүчү жана сугат суу сыяктуу көйгөйлөр көтөрүлдү. 

Төрага Дастанбек Жумабеков быйылкы жылдагы алгачкы иш сапарын Аксы районунан баштаганын эске салып: "Башка аймактар сыяктуу эле Аксы районунун социалдык-экономикалык көйгөйлөрүн чечүү учур талабы. Айрыкча, Таш-Көмүр-Кербен унаа жолун калыбына келтирүүнү колго алышыбыз керек. Андан тышкары, кайра иштетүү ишканаларын куруу аркылуу, аймакта өстүрүлгөн кара өрүктү экспорттоо маселесин да чечүүбүз абзел", - деди.

Ошондой эле, жолугушууда айтылган ар бир маселе жоопсуз калбарын айткан Төрага, бардык олуттуу маселелер Жогорку Кеӊеште караларын кошумчалады. Муну менен катар жергиликтүү кеӊештин депутаттарын ар убак кабыл алууга даяр экендигин билдирип, ачык-айкын талкуулоо аркылуу ар бир маселени чечүүгө болоруна токтолду. Кошумчалай кетсек, Жогорку Кеӊештин Төрагасын коштоп барган Билим берүү жана илим министри Гүлмира Кудайбердиева баштаган тиешелүү Өкмөт өкүлдөрү менен жергиликтүү бийлик жетекчилери да калктын суроолорун жооп берип, көйгөйлөрдү чечүүгө багытталган пикирлери менен бөлүшүштү.

Жолугушуудан соӊ, Төрага Дастанбек Жумабеков баштаган депутаттар жана Өкмөт өкүлдөрү Аксы окуясында курман болгондорго арналып тургузулган эстеликке барып, маркумдарга арнап куран окутулду.

Жогорку Кеӊештин Басма сөз кызматы

Null

Досторуң менен бөлүш


Коментарии FACEBOOK:

Тектеш жаңылыктар

«Ноокен» үрөөнчүлүк айыл чарба кооперативи буудайдан эки эсе көп...

«Ноокен» үрөөнчүлүк айыл чарба кооперативи буудайдан эки эсе көп...

Ноокен районуна караштуу “Ноокен” үрөөнчүлүк кооперативи коңшу Өзбекстандан буудайдын...

Аймак 2019-11-15  16:22

Ноокен районунда 3 мектепте заманбап спорттук залдар курулуп,...

Ноокен районунда 3 мектепте заманбап спорттук залдар курулуп,...

Жакында Ноокен райондук өнүктүрүү фондунун каржылоосу менен үч мектепке бардык...

Аймак 2019-11-14  16:07

“Ас-Салам” кайрымдуулук фонду Ноокен районунда 80 үй-бүлөгө акысыз...

“Ас-Салам” кайрымдуулук фонду Ноокен районунда 80 үй-бүлөгө акысыз...

Ноокен районундагы Масы айыл өкмөтүнө караштуу Кызыл-Туу айылына «Ас-Салам» кайрымдуулук фонду...

Аймак 2019-11-13  17:50

Кадамжайда Абдыкадыр Орозбековдун 130 жылдыгы белгиленди

Кадамжайда Абдыкадыр Орозбековдун 130 жылдыгы белгиленди

Кыргыз Республикасынын Президенти Сооронбай Жээнбеков бүгүн, 26-октябрда, Баткен облусунун Кадамжай...

Аймак 2019-10-26  18:28

Президент Сооронбай Жээнбеков Жалал-Абад облусунун Токтогул районуна...

Президент Сооронбай Жээнбеков Жалал-Абад облусунун Токтогул районуна...

Кыргыз Республикасынын Президенти Сооронбай Жээнбеков 17-октябрда, Жалал-Абад облусундагы эки...

Аймак 2019-10-18  12:46

Президент Сооронбай Жээнбеков Токтогул районунун жашоочулары менен...

Президент Сооронбай Жээнбеков Токтогул районунун жашоочулары менен...

Кыргыз Республикасынын Президенти Сооронбай Жээнбеков бүгүн, 17-октябрда, Жалал-Абад облусуна эки...

Аймак 2019-10-18  12:53

Кызыл-Кыядан Ферганага автобустук каттам ачылды

Кызыл-Кыядан Ферганага автобустук каттам ачылды

Кызыл-Кыя – Фергана – Кызыл-Кыя эл аралык автобустук каттамы ачылып, ишин баштады. Бул тууралуу...

Аймак 2019-10-07  16:30