KELECHEK

Июнь айында Кыргызстанда ШКУга мүчө мамлекеттердин Саммити өткөрүлөт

Июнь айында Кыргызстанда ШКУга мүчө мамлекеттердин Саммити өткөрүлөт

Кыргыз Республикасынын Президенти Сооронбай Жээнбеков Кыргызстанда 2019-жылдын июнь айында өтө турган Шанхай Кызматташтык Уюмуна (ШКУ) мүчө мамлекеттердин Кеңешин уюштуруу маселеси боюнча жыйын өткөрдү..

Ал 2018-жылдын июнь айында Кытай Эл Республикасынын Циндао шаарында ШКУга мүчө мамлекет башчыларынын кезектеги саммитинде Уюмга төрагалык кылуу Кыргызстанга өткөнүн эске салды.

«Биз ШКУну өз ара ишенимге негизделген кызматташууну өркүндөтүүчү аянтча катары көрөбүз. ШКУнун кадыр-баркы жыл өткөн сайын бекемделүүдө. Ага мүчө мамлекеттердин ынтымагы, ишенимдүү өнөктөштүгү жана бири-бирине болгон сый-урматы — бул Уюмдун негизи», — деп белгиледи Сооронбай Жээнбеков.

Саммитти өткөрүү максатында жасалган иштер, пландалып жаткан чаралар боюнча Уюштуруу комитетинин төрагасы, КР Президентинин Аппаратынын жетекчиси Досалы Эсеналиев, тышкы иштер министри Чынгыз Айдарбеков, маданият, маалымат жана туризм министри Азамат Жаманкулов, Коопсуздук кеңешинин катчысы Дамир Сагынбаев маалымат беришти.

Бүгүнкү күндө тиешелүү министрликтерде жана ведомстволордо бир катар иш-чаралар өткөрүлдү, атап айтсак, ШКУга мүчө мамлекеттердин юстиция министрликтеринин, айыл чарба министрликтердин, Эсеп палаталарынын, Регионалдык террорго каршы кызматташтык Кеңештин, Чек ара кызмат башчылардын кеңешинин отурумдары болду.

Алдыда дагы Коопсуздук кеңештин катчыларынын, тышкы иштер жана коргоо министрлеринин кезектеги отурумдары, ШКУ медиа-саммити, көркөм көргөзмөсү, Эл аралык марафон, ШКУ Бизнес-форуму сыяктуу маанилүү иш-чараларды өткөрүү милдети турат.

Башкы иш-чара — ШКУга мүчө мамлекеттердин башчыларынын Кеңешин 2019-жылдын 14-15-июнь күндөрү өткөрүү пландалып жатат.

Президент Сооронбай Жээнбеков 2019-жыл ШКУнун эгидасы алдында өтөөрүн жана ШКУ Саммитинин алкагында пландалып жаткан иш-чаралардын бардыгы Кыргызстан үчүн маанилүү окуя экенин белгилеп, каралчу маселелерди мазмундуу, жогорку деңгээлде даярдоону тапшырды.

Ал ШКУнун мындан аркы беделинин бекемделишине жана эл аралык аренада кадыр-баркынын өсүшүнө салым кошуу, терроризм, экстремизм, баңги заттарды мыйзамсыз айландырууга каршы күрөшүү боюнча кызматташтыкты күчөтүү, саясий, соода-экономикалык, маданий-гуманитардык, инвестициялык кызматташууну андан ары тереңдетүүгө өзгөчө көңүл бурулушу керектигин белгиледи.

Null

Досторуң менен бөлүш


Коментарии FACEBOOK:

Тектеш жаңылыктар

Президент Сооронбай Жээнбеков: Байыркы мезгилде негизделген достук...

Президент Сооронбай Жээнбеков: Байыркы мезгилде негизделген достук...

Кыргыз Республикасынын Президенти Сооронбай Жээнбеков бүгүн, 13-июнда Кытай Эл Республикасынын...

CАЯСАТ 2019-06-13  17:50

Президент Сооронбай Жээнбеков Өзбекстандын Президенти Шавкат...

Президент Сооронбай Жээнбеков Өзбекстандын Президенти Шавкат...

Кыргыз Республикасынын Президенти Сооронбай Жээнбеков бүгүн, 13- июнда, Кыргызстанга Шанхай...

CАЯСАТ 2019-06-13  18:23

Жээнбеков: Улуттук азчылыктар боюнча маселе - Кытайдын ички иши

Жээнбеков: Улуттук азчылыктар боюнча маселе - Кытайдын ички иши

Бул тууралуу Кыргызстандын президенти Сооронбай Жээнбеков Кытайдын төрагасы Си...

CАЯСАТ 2019-06-13  18:41

Президент Сооронбай Жээнбеков Казакстан Президенти Касым-Жомарт...

Президент Сооронбай Жээнбеков Казакстан Президенти Касым-Жомарт...

Кыргыз Республикасынын Президенти Сооронбай Жээнбеков бүгүн, 13- июнда Шанхай кызматташтык уюмуна...

CАЯСАТ 2019-06-13  18:57

Россия Президенти Владимир Путин Кыргызстанга келди

Россия Президенти Владимир Путин Кыргызстанга келди

Россия Федерациясынын Президенти Владимир Путин бүгүн, 13-июнда Шанхай кызматташтык уюмуна...

CАЯСАТ 2019-06-13  19:59

Халтмаагийн Баттулга Сооронбай Жээнбековду Монголияга расмий визит...

Халтмаагийн Баттулга Сооронбай Жээнбековду Монголияга расмий визит...

Монголия Президенти Халтмаагийн Баттулга бүгүн, 12-июнда, кеңири курамдагы эки тараптуу жолугушуунун...

CАЯСАТ 2019-06-12  18:14

Президент Сооронбай Жээнбеков Касым-Жомарт Токаевди Казакстандын...

Президент Сооронбай Жээнбеков Касым-Жомарт Токаевди Казакстандын...

2019-жылдын 10-июнунда Кыргыз Республикасынын Президенти Сооронбай Жээнбеков Казакстан Республикасынын...

CАЯСАТ 2019-06-10  15:29