KELECHEK

Кыргыз дипломаттары Кытайдын Шинжаң аймагына барып кырдаал менен таанышты

Кыргыз дипломаттары Кытайдын Шинжаң аймагына барып кырдаал менен таанышты

Кытайлык кыргыздар, Кыргызстан.

Кыргызстандын Тышкы иштер министрлиги кыргыз дипломаттары Кытайдын Шинжаң аймагына барып, кырдаал менен таанышып келгенин ырастады.

Буга чейин "Reuters" маалымат агенттигине 12 өлкөнүн дипломаттары Кытайдын тарбиялоочу лагерлерине барып келгени тууралуу кабар жарыяланган.

ТИМдин "Азаттык" радиосуна берген маалыматына ылайык 28-декабрдан 30-декабрга чейинки аралыкта Кытай тараптын чакыруусу менен 12 өлкөнүн (Кыргызстан, Казакстан, Орусия, Тажикистан, Өзбекстан, Ооганстан, Индия, Индонезия, Кувейт, Малайзия, Пакистан, Таиланд) дипломатиялык миссиялары Кытайдын Шинжаң-Уйгур автономдук аймагынын Үрүмчү, Кашкар жана Хотан шаарларына барып келишкен.

Шинжаңдагы лагерлердин бири.

Анда дипломаттар аймактын социалдык-экономикалык абалы менен таанышып, маданий жерлерине, билим берүү окуу жайларына, мечиттерине жана базарларына барышкан. Сапардын алкагында элчиликтердин өкүлдөрү мурда сөз болуп жүргөн тарбиялоочу лагерлерге да барышкан. Бирок ТИМ бул тууралуу кошумча маалымат берген жок.

Кытайда аз улуттар куугунтукка кабылып жатканы, жүз миңдеген адамдар саясий лагерлерде кармалып турганы тууралуу кабарлар дээрлик эки жылдан бери байма-бай айтылып келет.

2018-жылдын ноябрь айында Кыргызстанда жашап жаткан бир катар шинжаңдык кыргыздар да өлкө бийлигинен Кытайда кармалып турган жакындарын бошотууга көмөктөшүүнү суранышкан. 29-ноябрда Бишкекте өткөн жыйында Кыргызстанда “Кытайдагы кыргыздарды колдоо” комитети да түзүлгөнү белгилүү болгон.

Кытай бийлиги Шинжаңдын жашоочуларынын укугу бузулуп жатканы тууралуу дооматтарды четке кагып, саясий лагерлерди кадыресе билим берүүчү борборлор катары мүнөздөп келет.

Null

Досторуң менен бөлүш


Коментарии FACEBOOK:

Тектеш жаңылыктар

Гүлнара Каримованын швейцариялык адвокаты кайрадан Ташкентке келди

Гүлнара Каримованын швейцариялык адвокаты кайрадан Ташкентке келди

Өзбекстандын маркум президентинин улуу кызы Гүлнара Каримованын...

Түркмөнстан президенти уулун губернатор кылып дайындады

Түркмөнстан президенти уулун губернатор кылып дайындады

Сердар Бердымухамедов

Түркмөнстандын президенти...

Адвокат Гүлнара Каримованын абалы начар экенин билдирди

Адвокат Гүлнара Каримованын абалы начар экенин билдирди

Гүлнара Каримованын швейцариялык адвокаты Грегуар Манжа (Grégoire Mangeat) Зангиата...

Гүлнара Каримованын кызы өзбек бийлигине кайрылды

Гүлнара Каримованын кызы өзбек бийлигине кайрылды

Өзбекстандын маркум президенти Ислам Каримовдун 21 жаштагы небереси Иман Каримова...

Египеттин мурдагы президенти Мохаммед Мурси сот залында каза болду

Египеттин мурдагы президенти Мохаммед Мурси сот залында каза болду

Мухаммед Мурси сот залында. Декабрь, 2015-жыл.

Египеттин экс-президенти жана «Мусулман...

Москвада жүрүшкө чыккан 500дөн ашык киши кармалды

Москвада жүрүшкө чыккан 500дөн ашык киши кармалды

12-июнда Москвада маңзат таратууга айыпталып жаткан “Медузанын” журналисти...

Түркмөнстанда

Түркмөнстанда "Coca-Cola" компаниясы иштей элек

Түркмөнстанда "Coca-Cola" продукцияларын...