Бүгүн Сузак райоунун аймагында «Хизбут-Тахрир» диний экстремисттик уюмунун активдүү мүчөлөрү жана үгүтчүлөрүнүн жашаган 2 дарегине тинтүү жүргүзүлүп, жалпысынан иш-чара учурунда “Хизбут-Тахрир” диний экстремистик уюмуна шектүү болгон 4 даана китеп, 1 даана ДВД диск жана 1 даана блокнот далил буюм катары алынган. Бул тууралуу ОИИБнын басма сөз кызматы билдирди.

Алынган маалыматка караганда, бул иш-чара Жалал-Абад ОИИБнын 10-бөлүмүнүн кызматкерлери тарабынан алынган ыкчам маалыматтын негизинде, КР УККнын Жалал-Абад облустук башкармалыгынын, облустук казыяттын, жергиликтүү бийлик органдарынын жана коомчулуктун катышуусунда облустун аймагында диний экстремизм жана терроризимдин алдын алуу максатында Жалал-Абад шаардык  сотунун тинтүү жүргүзүүгө уруксат берген токтомунун негизинде өткөрүлдү.

“Жогорудагы факты боюнча топтолгон материал Сузак РИИБнүн КККне катталып, ТБнө өткөрүлүп берилип, соттук-теологиялык экспертиза дайындалды”, - дейт Жалал-Абад ОИИБнын башчысы, милициянын поковниги Ж.Джоробеков.