КР Өкмөтүнүн Жалал-Абад облусундагы ыйгарым укуктуу өкүлү Кыянбек Сатыбалдиевдин тапшырмасы менен 1-орун басар Мамасалы Акматов Сузак районуна караштуу Акчалуу айылындагы жер көчкү түшүп, Ачы сайын бөгөп калган жерди көрүп келди.

М. Акматов Сузак райондук мамлекеттик администрация башчысы-аким Э.Омошевге, ӨКМнин Жалал-Абад облусу боюнча башкармалыгынын башчысы А.Закировго, Жалал-Абад-Балыкчы автожол башкармалыгынын башчысы К.Абдыкалыковго тиешелүү тапшырмаларды берип, аталган аймакта жүргүзүлүп жаткан жумуштарды жеринде көзөмөлдөөнү тапшырды.

Эскерте кетсек, 72 миң куб метр болуп түшкөн көчкүдөн улам Ачы сайында 16 миң куб суу топтолгон. Учурда суу акырындан өз нугунда агып чыгып жатат. Жергиликтүү жашоочуларга коркунуч жаратпайт, алар 2,2 км болуп, жаңы салынган автожол менен каттап жатышат.