KELECHEK

Орусиянын Сириядагы операцияларынан миңдеген адам өлдү

Орусиянын Сириядагы операцияларынан миңдеген адам өлдү

«Ак каскачандар» тобундагы сириялык куткаруучулар. Январь, 2018-жыл

Акыркы үч жыл ичинде орус аскерлеринин Сириядагы операцияларынан 18 миңден ашык киши, анын ичинде сегиз миң жай тургун, үч миңден ашык аял жана балдар мерт болду. Бул тууралуу жекшембиде Сириядагы адам укуктарынын сакталышына көз салган мониторинг борбору кабарлады.

Укук коргоочулардын маалыматына караганда, 2014-жылдан бери Орусия Сириянын президенти Башар Асадга көзөмөлүндөгү аймактарды эки эсеге кеңейтүүгө жардам берди.

Баяндаманын авторлору өз билдирүүсүндө БУУнун Коопсуздук кеңешин тез арада сириялыктардын өлүмүн токтотуп, андагы ыктымал аскердик кылмыштар боюнча сот акыйкаттыгына жетишүүгө чакырышкан.

Өз кезегинде Москва үч жыл ичинде Сириядагы операцияларда 85 миң террорчу жок кылынганын билдирүүдө. Расмий маалыматтар боюнча бул мезгил ичинде 112 орус аскери мерт болгон. Орусиянын Коргоо министрлиги 8 учагын, 7 тик учагын, ошондой эле жердеги дагы бир техникасын жоготконун мойнуна алган.

Буга чейин америкалык чиновниктер АКШ башында турган Коалициянын «Ислам мамлекетине» каршы операцияларынан 1100дөн ашык жай тургун каза болгонун билдиришкен. Бирок укук коргоочулар бул сандар алты эсе көп деп эсептешүүдө.

Орусия расмий түрдө Сириядагы жаңжалга үч жыл мурда, 2015-жылдын 30-сентябрында катыша баштаган. Москва мындай кадамга Дамаск терроризмге каршы күрөштө жардам сурагандыктан улам барганын билдирген. Бирок Сириянын оппозициясы менен батыш өлкөлөрү Кремлдин чыныгы максаты Асадга каршылык көрсөтүп жаткан тарапты басып, анын өкмөтүн сактап калуу экенин билдиришкен. Эл аралык коомчулук үч жылдан бери Орусия Сирияда аскердик кылмыштарды жасап жатышы мүмкүн деген шектенүүлөрүн бир нече жолу айтып чыккан. Мындан тышкары АКШ Москваны Асаддын ыктымал химиялык куралдарын жашырууга айыптоодо. Кремль бул айыптоолордун бардыгын четке кагып келет.

Null

Досторуң менен бөлүш


Коментарии FACEBOOK:

Тектеш жаңылыктар

Керчтеги кол салуудан өлгөндөрдүн саны 20га жетти

Керчтеги кол салуудан өлгөндөрдүн саны 20га жетти

Керч политехникалык коллежиндеги кол салуудан каза болгондордун саны 20 кишиге жетти. Бул тууралуу...

ДҮЙНӨ 2018-10-19  02:23

Ташкентте Мирзиеевдин жаңы резиденциясынын жолу үчүн үйлөр бузулууда

Ташкентте Мирзиеевдин жаңы резиденциясынын жолу үчүн үйлөр бузулууда

Бул тууралуу “Эркин Европа/Азаттык” радиосунун өзбек кызматы...

ДҮЙНӨ 2018-10-17  05:36

Түркия Идлибде деэскалация аймагы түзүлгөнүн билдирди

Түркия Идлибде деэскалация аймагы түзүлгөнүн билдирди

Сирия оппозициясынын өкүлү. 31-август, 2018-жыл

Түркия буга чейин орус жана...

ДҮЙНӨ 2018-10-12  01:03

Транс-чек ара суу агымдары боюнча Конвенция Бюросунун төрагалыгы...

Транс-чек ара суу агымдары боюнча Конвенция Бюросунун төрагалыгы...

Казакстан транс-чек ара суу агымдарын жана эл аралык...

ДҮЙНӨ 2018-10-12  01:47

Фейсбук Орусияда ондогон аккаунттарды жапты

Фейсбук Орусияда ондогон аккаунттарды жапты

Фейсбук биринчи жолу Орусияда колдонуучулардын маалыматтарын мыйзамсыз топтоп, иликтеп, андан...

ДҮЙНӨ 2018-10-12  09:26

Ооганстанда талибдердин чабуулунан кеминде 15 аскер мерт болду

Ооганстанда талибдердин чабуулунан кеминде 15 аскер мерт болду

Ооганстандын Кундуз провинциясындагы талибдердин чабуулунан өлкөнүн коопсуздук күчтөрүнүн кеминде...

ДҮЙНӨ 2018-10-12  15:03

Трамп: Хейли БУУдагы элчилик кызматтан жыл соңунда кетет

Трамп: Хейли БУУдагы элчилик кызматтан жыл соңунда кетет

Президент Дональд Трамп АКШнын Улуттар уюмундагы элчиси Никки Хейлинин кызматтан...

ДҮЙНӨ 2018-10-11  02:38