"Тарых жана маданият" жылына карата Базар-Коргон РИИБмү тарабынан "Мекеним менин Кыргызстан" долбоордун алкагында коомчулук арасында ынтымак, достук, улуттар аралык биримдигин чындоо жана кылмыштуулуктун алдын алуу максатында, июнь окуясында курман болгон маркум милициянын майору Мыктыбек Сулаймановдун элесине арналган спорттук мелдеш болуп өттү.

Бул иш-чарага  Базар-Коргон районунун акими Т.Долдоев, ОИИБнын орун басары И.Шатманалиев, РИИБнүн башчысы А.Өскөнбаев жана маркум Мыктыбек Сулаймановдун жакындары катышты.

Иш-чаранын негизги максаты – арабызда кызмат учурунда каза болгон инсанды эскерүү, өздүк курамды ынтымакка чакыруу,  дене-тарбия күжүрмөн даярдыктарын чыңдоо, ошондой эле улуттар арасындагы ынтымакты бекемдөө болуп саналат.

Мелдешке жалпысынан 9 команда катышып, кызуу оюн көрсөтүшүп финалдык беттешүүгө чыгышты.

Финалда 4 команда өз ара таймашып, 1-орунду Бешик-Жоон айыл өкмөтү, 2-орунду  Сейдикум айыл өкмөтү, ал эми 3-орунду Чек командасы ээледи.

Мелдештин жыйынтыгында маркумдун кесиптештери жана анын бир тууган эжеси Сулайманова Гулнара  сөз сүйлөдү. 

“Ушундай кубанычтуу күндө инимдин жоктугу өкүнүчтүү болуп турат. Бирок, анын жаркын элесин жүрөгүңөргө бек сактап, ага арнап ушундай спорттук иш-чараны жыл сайын өткөрүп келесиңер. Биз инимдин  милиция кесибин аркалап өткөн жолу, жасаган эмгеги менен сыймыктанабыз. Андыктан сиздерге жалпы туугандарыбыздын  атынан терең ыраазычылык билдиребиз”,- деди Г.Сулайманова.