KELECHEK

ИМ тобу Тажикстанда туристтерге кол салган тарапташтарынын видеосун жарыялады

ИМ тобу Тажикстанда туристтерге кол салган тарапташтарынын видеосун жарыялады

"Ислам мамлекети" экстремисттик тобу Тажикстандагы кол салууга жоопкерчилик алып, аны "халифаттын жоокерлери" уюштурганын билдирди. Бул тууралуу экстремисттер менен байланышы бар "Амак" сайты кабарлады.

29-июлда өлкөнү велосипед менен жүргөн чет өлкөлүк туристтердин тобун Дангара районунун аймагында машине тебелетип кеткен. Андан Нидерланд менен Швейцариянын бирден жана АКШнын эки жараны мерт болуп, дагы үч чет өлкөлүк жабыркаган.

31-июлда “Амак” сайты Тажикстандагы чабуулду ишке ашырды делген беш эркек кишинин алдын ала жаздырылган видеосун жарыялады. Басымдуу бөлүгү орус тилинде жаздырылган бул видеодогу беш адамдын кеминде бирөө өздөрүн "Ислам мамлекети" экстремисттик тобунун лидери Абу Бакр ал-Багдадинин тарапкери экенин айткан.

Видеодогулардын кеминде үчөө тажик бийлиги жарыялаган сүрөттөрдөгү шектүү адамдарга түспөлдөшүп кетет.

Тажикстан Башкы прокуратурасы чет элдик туристтерге жасалган чабуул боюнча кылмыш ишин козгоду. Көзөмөл орган алты киши кол салганын, алар велосипедчендерди автоунаа менен сүзүп кеткен соң, машинадан түшүп тирүү калгандарга бычак сайып, балта менен чабышканын билдирди.

Буга чейин ИИМ кол салуучулардын төртөө жок кылынып, төртөө кармалганын кабарлаган. Министрлик кандуу окуя артында "Ислам кайра жаралуу партиясы" турат деп эсептейт. Прокуратура дагы кол салуу диний уюмдун активисттеринин бири Кори Носирдин буйругу менен жасалганын айтууда. Божомолдор боюнча чабуулдун максаты – Тажикстандагы коомдук-саясий абалды туруксуздаштыруу болгон.

“Ислам кайра жаралуу партиясы” бул айыптоолорду четке кагып, кол салууну айыптай турганын билдирди.

Null

Досторуң менен бөлүш


Коментарии FACEBOOK:

Тектеш жаңылыктар

Ферганада студенттер окутуучуну уруп-согууга айыптоодо

Ферганада студенттер окутуучуну уруп-согууга айыптоодо

Фергана университетинин аскердик билим берүү факультетинин студенттери окутуучу...

Орусияда аялы менен баласын бычактаган тажик жараны 20 жылга соттолду

Орусияда аялы менен баласын бычактаган тажик жараны 20 жылга соттолду

360tv.ru сайтынын сүрөтү

Иркутск облустук соту аялы менен бир жарым жаштагы баласын бычактап...

Орусияда киши өлтүрүүгө айыпталган өзбек мигранты 23 жылга кесилди

Орусияда киши өлтүрүүгө айыпталган өзбек мигранты 23 жылга кесилди

Ленинград облусунун Ломоносов райондук соту өзбекстандык 25 жаштагы Зухриддин...

Өзбекстанда прокурордун орун басары жол жээгинде бараткан келинди...

Өзбекстанда прокурордун орун басары жол жээгинде бараткан келинди...

Иллюстрациялык сүрөт

16-сентябрда Өзбекстандагы Арнасай районунун...

Орусияда беш жашар кызды өлтүргөн киши психиатриалык экспертизага...

Орусияда беш жашар кызды өлтүргөн киши психиатриалык экспертизага...

Хувайда Тиллозода

Серпухов шаарында беш жашар тажик кызын...

ИИМ: Бала сатуу фактысынын артында атайын топтор болушу мүмкүн

ИИМ: Бала сатуу фактысынын артында атайын топтор болушу мүмкүн

Бишкекте бала сатууга шектүү катары кармалгандардын баарында...