Өзбекстан: милиция тарабынан сойкуканада тартылган видео талаш жаратты
Өзбекстандын Анжиян облусунда жеке үйдөгү рейд маалында тартылып, кийин интернетке жайылып кеткен видеотасманын негизинде сойкукана уюштуруу беренеси менен кылмыш иши козголду.
Анжиян облусундагы Алтынкөл райондук милициясынын кызматкери ал үйдө сойкукана уюштургандарды жана анын кардарларын видеого тартып, аны интернетке жарыялаган.
13-июлда Алтынкөл райондук соту үй ээсин сойкукана уюштурууга жана сойкулук менен алектенүүгө күнөөлүү деп таап, бир айлык төмөнкү маяна өлчөмүндө айып пул салган.
Бирок үйдүн ээлери милиция кызматкерин «адамдын абийирин тепселөөгө» айыптап, бул факты боюнча укук коргоо органдарынын тиешелүү чара көрүшүн өтүнүп жатышат. Алардын айтымдарында, 26-апрелде Надыр Маматкулов аттуу участкалык милиция кызматкери рейд өткөрүп, кийин анда тартылган видеолорду Telegram мессенжери аркылуу тараткан.
2 мүнөттүк видеодон эки бөлмөдө төшөктө жаткан жуптар бар экени, кийин алар суракка алынып, бир канча жолу сокку жегенин көрүүгө болот.
Ташкенттик адвокаттардын бири бул сыяктуу рейд учурунда видеого тартуу «өтө кычыктуу юридикалык маселе» экенин билдирди. Анын айтымында, мындай аракеттер Өзбекстан тарабынан ратификацияланган Адам укуктарынын жалпы декларациясынын 12-беренесине каршы келет. Аталган беренеде жеке жана үй-бүлөлүк жашоого кийлигишүүгө, адамдын турак-жайынын кол тийбестигин бузууга, ошондой эле абийири менен кадыр-баркын кемсинтүүгө жол берилбей тургандыгы жазылган.
Досторуң менен бөлүш
Коментарии FACEBOOK:
Тектеш жаңылыктар
Орусияда чет элдик уюмдарга телеаудиторияны анализдөөгө тыюу салынды
Чет элдик уюмдарга орусиялык телекомпаниялардын аудиториясын...
УКУК 2016-07-05 23:25
Сейтказы Матаевдин жактоочулары тергөөнүн аракетине каршы даттанды
Казакстан Журналисттер биримдигинин төрагасы Сейтказы Матаевдин жактоочулары...
УКУК 2016-07-05 23:39
УКМК: Убактылуу өкмөт мүчөлөрүнө каршы аракет болгон эмес
Атайын кызмат Убактылуу өкмөт...
УКУК 2016-09-21 10:11
Тажикстан БУУда адам укуктары боюнча отчет берет
6-майда Женевада БУУнун адам укуктары боюнча жыйыны өтөт. Анда Тажикстандын өкмөттүк делегациясы...
УКУК 2016-05-02 11:39
Египетте оппозициялык эки журналист камалды
Египеттин полициясы башкалаа Каирдин борборундагы журналисттер ассоциациясынын имаратына кирип,...
УКУК 2016-05-02 22:10
Банк экстремизмге шектелген жарандын 17,5 миң долларын камакка алды
Кара-Суу шаарынын 33 жаштагы тургуну Ш.Бозорбоев KICB банкындагы эсебинен 17,5 миң долларын 4 айдан...
УКУК 2016-05-02 22:38
Казакстан: жарандык позиция үчүн эң ири айып пул
Ак-Төбө шаарынын соту жарандык активист Алима Абдированы митинг уюштуруп, коомдук тартипти...
УКУК 2016-05-02 22:53