Делегация США в Хельсинки

АКШ менен Орусиянын мамилеси эч качан азыркыдай начар болгон эмес. Мындай пикирин Дональд Трамп Орусия президенти Владимир Путин менен Хельсинкидеги жолугушуусуна бир нече саат калганда «Твиттерге» жазды.

Тарыхта биринчи жолу дүйнөдөгү эң ири өзөктүк державалардын лидерлеринин мындай жогорку деңгээлдеги сүйлөшүүсүнүн ачык жарыяланган күн тартиби жок. Трамп менен Путин Украина чыгышындагы жана Орусия тарабынан аннексияланган Крымдагы абалды талкуулайт деп күтүлүүдө. Андан тышкары Сириядагы кырдаал жана Иран көйгөйү козголушу мүмкүн. Трамп Орусиянын шайлоого кийлигишүү ыктымалдыгы маселесин көтөрө турганын ырастады.