KELECHEK

Тажикстан: өспүрүм 7 жаштагы кызды зордуктаган деп шектелүүдө

Тажикстан: өспүрүм 7 жаштагы кызды зордуктаган деп шектелүүдө

Тажикстандын Гиссар шаардык милициясы 14 жаштагы өспүрүм тарабынан 7 жаштагы кыздын ыктымал зордукталышы боюнча тергөө иштерин жүргүзүүдө. Шектүү бала кыздын ата-энеси укук коргоо коргоо органдарына арыз менен кайрылгандан он күн өткөндөн кийин суракка алынды.

Мындан тышкары кылмышты жашырууга шектелген дагы бир өспүрүм милицияда бир нече саат сурак берди. Кыздын туугандары кылмышты коңшуларынын 14 жаштагы баласы жасаганын айтышууда.

«Кызды зордуктагандан кийин ал моюнуна бычак такап, бул тууралуу башкаларга айтсаң өлтүрүп салам деп коркуткан. Ошондуктан алгачкы күндөрү кыз бул жөнүндө эч кимге айткан эмес», - деп билдиришти алар.

Туугандарынын айтымдарында, кыз эртеси ичи катуу ооруп атканын айткан. Үйдөгүлөр такып сурай баштаганда ал коңшу бала кол салганын билдирген. Бул боюнча өткөрүлгөн медициналык экспертиза зордуктоо фактысын аныктаган.

Кылмышка 14 жаштагы өспүрүм шектелүүдө. Бирок укук коргоо органдарынан кылмышты жашырууга шектелип жаткан 15 жаштагы өспүрүм кылмыш жоопкерчилигине тартылышы мүмкүндүгүн билдиришти.

Зордуктоо фактысы боюнча милицияга жергиликтүү бийлик өкүлдөрү, айыл башчысы жана мектеп директору дагы чакырылган.

Тажикстанда өспүрүмдөр 16 жаштан тарта кылмыш жоопкерчилигине тартылат. Эгер адам өлтүрүү, зордуктоо же уурулукка күнөөлүү деп табылса, 14 жаштагылар дагы соттолот. Өлкөнүн Кылмыш кодексинде зордуктоо үчүн үч жылдан жети жылга чейин эркинен ажыратуу жазасы каралган.

Null

Досторуң менен бөлүш


Коментарии FACEBOOK:

Тектеш жаңылыктар

Токмокто жергиликтүү кеңештин депутаты мушташта каза тапты

Токмокто жергиликтүү кеңештин депутаты мушташта каза тапты

Токмок шаарында Чүй районундагы жергиликтүү...

Астанада жарылуудан ураган имараттын алдынан бир аялдын сөөгү табылды

Астанада жарылуудан ураган имараттын алдынан бир аялдын сөөгү табылды

Астанада жарылуудан улам урап түшкөн «Молпродуктсервис»...

Судья Эрнис Чоткараев жүздөгөн административдик ишти атайлап жок...

Судья Эрнис Чоткараев жүздөгөн административдик ишти атайлап жок...

Иллюстрациялык сүрөт

Бишкектеги Октябрь райондук сотунун судьясы Эрнис Чоткараев...

Эфиопиядагы авиакырсыктан 157 киши өлдү

Эфиопиядагы авиакырсыктан 157 киши өлдү

"Боинг-737" 10-март күнү эртең менен...

Орусиядагы заводдо чыккан өрттөн кыргыз жарандары жабыркады

Орусиядагы заводдо чыккан өрттөн кыргыз жарандары жабыркады

Орусиянын Гороховец шаарындагы айнек идиштерди...

Бала сатуу боюнча сот: эки киши кылмышты мойнуна алды

Бала сатуу боюнча сот: эки киши кылмышты мойнуна алды

Бишкектин Биринчи май райондук соту бала сатууга байланыштуу ишти кароону улантты. Анда эки медицина...