Облустук  кан борборунун кызматкерлери жана КР Улуттук Кызыл Ай Коому, ИИМдин Жалал-Абаддагы медицина кызматы менен биргеликте Жалал-Абад ОИИБнын өздүк курамына барып жолугушуп, жеринде ыктыярдуу донорлордон кан алууда. Бул тууралуу ОИИБнын басма сөз кызматы билдирди.

“Биз жыл сайын келебиз, милиция кызматкерлери менен жолугушуп кан тапшыруунун маанисин жана натыйжалуулугу боюнча медициналык кеңештерди берүү менен жылдан-жылга кан берүүчүлөрдүн саны арбып баратат. Арасынан туруктуу ар эки ай сайын кан борборуна келип тапшыргандар да бар.  

Учурда жеринде анализ жасап зарыл болгон кандын 1-2-группадагы түрүн гана алуудабыз, алардын саны 20дан ашты.  Бүгүн да тартип сакчылары өздөрүнүн гумандуулугун, боорукердигин,  оорулууу муктаж адамдардын өмүрүн сактап калууга чоң салымын кошушту”,–дейт Жалал-Абад облустук  кан борборунун кан даярдоо бөлүмүнүн башчысы Айчүрөк Капарова.