KELECHEK

ЖАЛАЛ-АБАД: ИЮНЬ КАРГАШАСЫНЫН КУРМАНДЫКТАРЫ ЭСКЕРИЛДИ (ФОТО)

ЖАЛАЛ-АБАД: ИЮНЬ КАРГАШАСЫНЫН  КУРМАНДЫКТАРЫ ЭСКЕРИЛДИ (ФОТО)

Бүгүн, 13-июнда Сузак районундагы Топурак-Бел участкасында июнь коогалаңында каза болгондор эскерилди.

Кыргызстанга эң биринчи тынчтык жана ынтымак-ырашкердик керек, ошондо гана карапайым калктын мүдөөлөрү ишке ашат. Бүгүн Сузак районунун Топурак-Бел участкасында июнь окуяларынын курмандыктары үчүн тургузулган эстеликтин жанында өткөн мындан сегиз жыл мурунку кандуу окуяларды, анда набыт болгондорду эскерүү иш-чарасында ушундай каалоолор айтылды.

Эскерүү иш-чарасына Жалал-Абад шаарынын, Сузак жана Базар-Коргон райондорунун, облустун мекеме-ишканаларынын, коомдук бирикмелердин өкүлдөрү, кандуу окуя маалында жабыр тарткандар менен набыт болгондордун үй-бүлө мүчөлөрү, облус, шаар жана район жетекчилери катышышты.

Иш-чаранын катышуучулары эстеликке гүлчамбарларды коюшуп, курман болгондордун элесине таазим кылышты.

Иш-чараны Сузак районунун акими ачып, андан ары сөздү Кыргыз Республикасынын Өкмөтүнүн облустагы ыйгарым укуктуу өкүлүнүн орун басары Ырысбек Ызабеков улантты. Өкүлдүн орун басары өз сөзүндө "Элибизде эч качан мындай кандуу күндөр кайталанбай, эч бир эненин көзүнөн кайгыруунун, капалыктын көз жашы акпасын. Ар дайым алакандай элибиз аман болуп, Ата-Журтубуздун бүтүндүгү бүлүнбөй, жакшылык күндөрдө, жагымдуу көз ирмемдерде жашоо кечирели" - деп ыйгарым укуктуу өкүл К.Сатыбалдиевдин атынан калабада курман болгондордун жакындарына көңүл айтты.

“Санпа шейиттери” коомдук бирикмесинин өкүлдөрү мындай кандуу окуялар мамлекеттин жана элдин кызыкчылыгынан жеке кызыкчылыгын жогору койгон кишилердин терс аракеттери менен башталганын, бирок окуяга катышкандар жазасын алып, чыныгы уюштуруучулар дале сыртта аман-соо жүрүшкөнүн айтышты. Кандуу окуяларды уюштургандар кайсы мамлекетте болбосун, алар жазасын алышы керек, ал эми карапайым калктын бул иште күнөөсү жок дешти.

Ал эми Жалал-Абад шаарынын мэри Мураталы Тагаевдин пикиринде, шаар көп жабыр тарткан аймактарга кирет. Бирок, шаар бийликтеринин, шаар коомчулугунун жакшы аракеттери менен Жалал-Абад азыр таптакыр башка турпатка өтүп, кооз болуп баратат. Элдин ынтымагы бекем, ошондуктан да ийгиликтүү аракеттер өз натыйжасын берип жатат.

Иш-аранын аягында каргашалуу окуялардын курмандыктарына арналып Куран окулду. 

Эскерте кетсек, 2010-жылдын июнь айындагы кандуу окуяларда жалпысынан 500гө жакын киши курман болуп, 2 миңге жакын киши жабыркаган. Ал эми Жалал-Абад шаарында 31 киши курман болсо, 72 киши жабыр тартышып, дагы бир киши дайынсыз.   

 

Null

Досторуң менен бөлүш


Коментарии FACEBOOK:

Тектеш жаңылыктар

Таш-Көмүрдө жугуштуу илдетке байланыштуу түшүндүрүү иштери...

Таш-Көмүрдө жугуштуу илдетке байланыштуу түшүндүрүү иштери...

Таш-Көмүр шаарынын мэри Рахман Асаналиев, ШИИБдин начальниги, милициянын подполковниги Азенбек...

Аймак 2020-05-21  17:25

Ноокен базарында түшүндүрүү иштери жүргүзүлүп, суу бойлоруна...

Ноокен базарында түшүндүрүү иштери жүргүзүлүп, суу бойлоруна...

Ноокен РИИБдин кызматкерлери жергиликтүү бийлик өкүлдөрү менен биргеликте коронавирус илдетинин...

Аймак 2020-05-21  17:36

Чек арада өрттөлгөн үй үчүн Кыргызстан төлөйт

Чек арада өрттөлгөн үй үчүн Кыргызстан төлөйт

8-май күнү кыргыз-тажик чек арасындагы кагылышууда өрттөлгөн үйдүн чыгымы эсептелип бүтө элек. Эки...

Аймак 2020-05-12  14:02

Кыргызстан Тажикстан менен чек арасындагы бир постту жабууну пландап...

Кыргызстан Тажикстан менен чек арасындагы бир постту жабууну пландап...

Кыргызстан Тажикстан менен чек арасындагы бир өткөрмө бекетин жабуу маселесин караштырып жатат. Бул...

Аймак 2020-05-12  14:08

Ала-Букада эки согуш ардагерине автоунаа белекке берилди

Ала-Букада эки согуш ардагерине автоунаа белекке берилди

Ала-Бука району. 9-май 2020-жыл.

Район борборундагы жеңиш монументинде өткөн чакан салтанатта...

Аймак 2020-05-09  17:15

Милиция: Чаткалда медкызматкерди муунтуп, баш ийбегендердин окуясы...

Милиция: Чаткалда медкызматкерди муунтуп, баш ийбегендердин окуясы...

Чаткал району.

Райондук ички иштер бөлүмү дарыгерлердин талабына баш ийбей, кол көтөргөндөрдүн...

Аймак 2020-05-07  13:05

Баткен жана Жалал-Абад облустарында селдин кесепетин жоюу иши...

Баткен жана Жалал-Абад облустарында селдин кесепетин жоюу иши...

Аксы району. 3-апрель, 2020-жыл.

Баткен жана Жалал-Абад облустарында 2-3-майдагы селдин кесепеттерин...

Аймак 2020-05-04  12:28