KELECHEK

HRW: Трамп менен Кимдин жолугушуусунда Түндүк Кореядагы адам укуктарына көңүл бурулган жок

HRW: Трамп менен Кимдин жолугушуусунда Түндүк Кореядагы адам укуктарына көңүл бурулган жок

Human Rights Watch укук коргоо уюму Сингапурдагы саммиттен кийин Дональд Трамп менен Ким Чен Ын тарабынан кол коюлган документте Түндүк Кореядагы адам укуктары тууралуу эч нерсе жазылбаганын белгиледи.

«Сингапурдагы саммит маалында Ким Чен Ын менен Дональд Трамп кол койгон декларациянын текстинде адам укуктарына байланышкан тынчсыздануулар тууралуу эч нерсе жазылган эмес», — деп билдирди уюмдун Азия боюнча директорунун орун басары Фил Робертсон Твиттер аркылуу.

 

«Түндүк Кореядагы адам укуктары саммиттен тыш калганы ачуулантат. Кийин Пхеньян менен мамлекеттик катчы Помпео адам укуктарын кантип талкуулашат? Же АКШ Түндүк Кореяга адамзатка каршы кылмыш жасоо эркиндигин бердиби?», — деп уланткан Робертсон.

12-июндагы саммиттин соңунда АКШ менен Түндүк Кореянын лидерлери «бардыгын камтыган» биргелешкен документке кол коюшкан. Ага ылайык, Ким Чен Ын Корей жарым аралын толугу менен өзөктүк куралдан арылтуу, ал эми Дональд Трамп Түндүк Кореянын «коопсуздугун кепилдөө» ниеттерин билдиришти.

Документте булар аткарыла турган мөөнөттөр, ошондой эле Корей жарым аралындагы адам укуктарынын сакталышы тууралуу эч нерсе жазылган эмес.

«Биз бүгүн, кечээ жана бир нече апта мурда болгон нерселерге багыт алышыбыз керек. Эң маанилүү нерселер дал ошондо башталган», — деди Трамп Түндүк Кореядагы адам укуктары тууралуу «Америка үнүнүн» суроосуна жооп берип жатып. Бирок кийинчерээк Fox News телеканалына берген маегинде президент Түндүк Кореядагы адам укуктарынын абалы жакшы жакка өзгөрөт деген үмүтүн билдирди.

Facebook API failed to initialize.

Null

Досторуң менен бөлүш


Коментарии FACEBOOK:

Тектеш жаңылыктар

Жон Маккейн тууралуу тамашалаган Трамптын кеңешчиси Ак үйдөн кетти

Жон Маккейн тууралуу тамашалаган Трамптын кеңешчиси Ак үйдөн кетти

Дональд Трамптын коомчулук менен байланышуу боюнча кеңешчиси Келли Сэдлер

АКШ президенти...

Кытай АКШ менен түзүлгөн бардык соода келишимдеринен чыгышы мүмкүн

Кытай АКШ менен түзүлгөн бардык соода келишимдеринен чыгышы мүмкүн

Эгер Вашингтон Кытай товарлары үчүн жаңы бажы...

Тажикстан калкынын саны тогуз миллионго жетти

Тажикстан калкынын саны тогуз миллионго жетти

Тажикстандын тогуз миллионунчу жашоочусу 26-майда эртең менен Душанбедеги №1...

Ашхабад: ун менен кант кезеги мушташ менен коштолууда

Ашхабад: ун менен кант кезеги мушташ менен коштолууда

Ашхабадда азык-түлүк каатчылыгынан улам...

"Журналисттерди коргоо комитети" Аскаров боюнча президентке кайрылды

Эл аралык "Журналисттерди коргоо комитети" (CPJ) экс-президент Алмазбек Атамбаевдин Zanoza.kg сайты...

Ташкентте белгилүү укук коргоочу Василя Иноятованын сөөгү жерге...

Ташкентте белгилүү укук коргоочу Василя Иноятованын сөөгү жерге...

Василя Иноятова.

19-майга караган түнү Ташкентте...