KELECHEK

ЖАЛАЛ-АБАД: АЙМАКТАРГА МИГРАЦИЯ КЫЗМАТЫ КЕРЕК

ЖАЛАЛ-АБАД: АЙМАКТАРГА МИГРАЦИЯ КЫЗМАТЫ КЕРЕК

Эми Жалал-Абад шаарындагы бардык мекеме-ишканаларда, коомдук бирикмелерде, маалымат таркатуу кызматтарында адам сатууга каршы ар кандай расмий, коомдук иш-чаралар күчөтүлөт. Ал эми аймактарда мурда болуп келген миграция кызматтары кайрадан иштеши керек. Бул тууралуу Адамдарды сатууга каршы күрөшүү боюнча Жалал-Абад шаардык координациялык кеңешинин кезектеги отурумунда айтылды.

Координациялык кеңеште шаардагы мектептерде, жаштар жана ата-энелер арасында адам сатуу көйгөйлөрү улам күчөп баратканын жана бул көйгөй ар бир адамга, үй-бүлөгө байланыштуу болуп калышы ыктымалдыгын түшүндүрүү, жаштарды зордук-зомбулуктардан сактап калуу боюнча алдын ала чараларды чогуу жүргүзүү жагы талкууланды.

Биринчи кезекте мектептерде, атайын орто жана жогорку окуу жайларында коомчулуктун, атайын адистердин, коомдук бирикмелер менен дин уюмдарынын, маалымат таркатуу кызматтарынын өкүлдөрү менен чогуу иш алып баруу, тийиштүү маалыматтарды элге туруктуу жана кеңири жеткирүү чараларын камсыз кылуу боюнча координациялык кеңештин мүчөлөрү бир пикирге келишти.

Талкуу учурунда аймактарда мурда миграция кызматтары иштеп, эл арасында тийиштүү чараларды жүргүзүп келгени, кийин алар жоюлуп кетип, азыр бул милдетти конкреттүү бир дагы кызмат же кызмат адамы жүргүзбөй жатканы айтылды. Кала берсе, атуулдар миграция боюнча так маалыматтарды кимден, каерден  алууну билишпейт. Ошондуктан, жогорку бийлик органдарына бул кызматты аймактарда кайра иштетүү талабын берүү сунушталды.

Координациялык кеңештин мүчөлөрү быйылкы экинчи жарым жылдыкта жүргүзүлүүчү иш-чаралардын планын талкуулашып, бир катар кошумча сунуш-пикирлер менен бекитишти.

Эскерте кетсек, Жалал-Абад шаарынын мэриясынын токтому менен Адамдарды сатууга каршы күрөшүү боюнча Жалал-Абад шаардык координациялык кеңеши түзүлүп, анын жобосу жана курамы бекитилген.   

Null

Досторуң менен бөлүш


Коментарии FACEBOOK:

Тектеш жаңылыктар

Азык-түлүк жетишсиздигинен улам түркмөн жарандары өлкөдөн чыгып...

Азык-түлүк жетишсиздигинен улам түркмөн жарандары өлкөдөн чыгып...

Азык-түлүк дүкөнүнүн алдында нанга кезек күткөндөр. Ашхабад, 16-октябрь 2018-жыл

Калкты ун жана нан...

КООМ 2018-10-18  08:48

Ташкентте турмушка чыгуудан баш тарткан аял сабалды

Ташкентте турмушка чыгуудан баш тарткан аял сабалды

Ташкентте №2 ооруканада иштеген медайым Камола Абдуллаева...

КООМ 2018-10-17  06:13

Казакстанда укук коргоочунун үйүн өрттөөгө аракет кылышты

Казакстанда укук коргоочунун үйүн өрттөөгө аракет кылышты

Белгисиз адамдар казакстандык укук коргоочу Елена Семёнованын Павлодар шаарындагы...

КООМ 2018-10-12  01:09

“Ас-салам” КФу аз камсыз болгон үй-бүлөргө, майыптарга азык-түлүк...

“Ас-салам” КФу аз камсыз болгон үй-бүлөргө, майыптарга азык-түлүк...

Кечээ, 4-октябрь күнү Жалал-Абад облустук клиникалык ооруканасында Кувейттик “Ас-салам” коомдук...

КООМ 2018-10-05  17:40