Жалал-Абад облустук мусулмандар казысы Абдулазиз кары Закировдун аймактарды өнүктүрүү жылынын алкагында бекиткен район, шаар аралык көчмө жыйындын ырааттамасына ылайык кезектеги көчмө жыйын облустук мусулмандар казыятынын жыйындар залында өтүп, ага казыят кызматкерлери, район, шаардын баш имам хатибдери катышты. Бул тууралуу казыяттын басма сөз кызматы билдирди.

Жыйындын жүрүшүн облус казысынын орун басары Алибек ажы Батыралиев алып барып, ооз ачар жана эртең менен ооз жабуу мезгилде азанды өз мөөнөтүндө айтуу, хатибияттар аралык көчмө жыйындын форматын өзгөртүү жана мечиттерди мамлекеттик эсептик  каттоодон өткөрүү,  дааваттын жүргүзүлүшүн жана окуу борборлорду көзөмөлгө алуу,  диний мекемелерде өрт коопсуздугунун алдын алуу, садака кутучаларын уюштуруу боюнча маселелер талкууга алынды.

Мындан тышкары  жыйындын жүрүшүндө район, шаардын баш имам хатибдери Рамазан айында жүргүзүлүп жаткан иш чаралар, таравих намаздарды өзүнүн денгээлинде уюштурулуп жаткандыгы боюнча маалыматтарды беришти.

Жыйындын соңунда район, шаардын баш имам хатибдерине 2014-2020-жылдарга КР диний чөйрөдөгү мамлекеттик саясатынын концепциясынын багыттарын ишке ашырылышы боюнча 6 айлык отчетко даярдануу тапшырмасы берилди.