Бачабаз дарыгердин курмандыгы болгон спортчу кыздар жарым миллиард доллар кенемте алышат
Бачабаз доктор Ларри Нассардын курмандыгы болгон бир нече америкалык гимнаст кыз компенсация боюнча дарыгердин өзү менен жана Мичиган штатынын университети менен келишим түздү.
Ага ылайык, дарыгерди ишке алган университет кыздарга жалпысынан 500 миллион доллар төлөп берет. Ларри Нассарды сотко берген аялдар (332 аял) 425 миллион долларды бөлүп алышат, ал эми 75 миллион доллар Нассардан сексуалдык ыдык көргөн башка курмандыктарга берүү үчүн атайын фондго которулат.
Акыркы он жылдан бери америкалык спортто бул дарыгерге байланышкан иш эң ири жаңжал болуп калды. Нассар жалпысынан 175 жылга түрмөгө кесилди. Ал зордуктоо, жашы жете электерге сексуалдык жактан асылуу, балдар порносун сактоо боюнча күнөөлүү деп табылган.
Сот жараяны учурунда жүздөн ашуун аял 54 жаштагы дарыгерди айыпташкан, алардын арасында олимпиадалык чемпиондор Александра (Эли) Райсман менен Жорди Вибер дагы бар. 144 аял Нассарга каршы көрсөтмө берген.
Бул чуулгандуу иштен улам Кошмо Штаттардын Спорттук гимнастика боюнча федерациясынын жетекчилиги биринен сала бири кызматтан кетишкен. Күбөлөр федерация өкүлдөрү гимнаст кыздардан түшкөн арыздарга көңүл бурбай, дарыгердин кылыктарын жаап-жашырганын айтышкан.
Нассар учурунда Кошмо Штаттарда абдан белгилүү дарыгер болгон. Ал Спорттук гимнастика федерациясы менен 1986-жылдан тарта кызматташкан.
1996-жылы мекеменин башкы дарыгери болуп дайындалган. 1996, 2000, 2008 жана 2012-жылдары өткөн Олимп оюндарында АКШнын гимнастика боюнча курамасындагы спортчулардын саламаттыгына кам көргөн.
1997-жылдан тарта Мичиган штатынын университетинде сабак берип, анын алдындагы ооруканада да эмгектенип жүргөн.
Досторуң менен бөлүш
Коментарии FACEBOOK:
Тектеш жаңылыктар
Орусияда чет элдик уюмдарга телеаудиторияны анализдөөгө тыюу салынды
Чет элдик уюмдарга орусиялык телекомпаниялардын аудиториясын...
УКУК 2016-07-05 23:25
Сейтказы Матаевдин жактоочулары тергөөнүн аракетине каршы даттанды
Казакстан Журналисттер биримдигинин төрагасы Сейтказы Матаевдин жактоочулары...
УКУК 2016-07-05 23:39
УКМК: Убактылуу өкмөт мүчөлөрүнө каршы аракет болгон эмес
Атайын кызмат Убактылуу өкмөт...
УКУК 2016-09-21 10:11
Тажикстан БУУда адам укуктары боюнча отчет берет
6-майда Женевада БУУнун адам укуктары боюнча жыйыны өтөт. Анда Тажикстандын өкмөттүк делегациясы...
УКУК 2016-05-02 11:39
Египетте оппозициялык эки журналист камалды
Египеттин полициясы башкалаа Каирдин борборундагы журналисттер ассоциациясынын имаратына кирип,...
УКУК 2016-05-02 22:10
Банк экстремизмге шектелген жарандын 17,5 миң долларын камакка алды
Кара-Суу шаарынын 33 жаштагы тургуну Ш.Бозорбоев KICB банкындагы эсебинен 17,5 миң долларын 4 айдан...
УКУК 2016-05-02 22:38
Казакстан: жарандык позиция үчүн эң ири айып пул
Ак-Төбө шаарынын соту жарандык активист Алима Абдированы митинг уюштуруп, коомдук тартипти...
УКУК 2016-05-02 22:53