KELECHEK

Масалиев Атамбаевди кол тийбестиктен ажыратууну сунуш кылды

Масалиев Атамбаевди кол тийбестиктен ажыратууну сунуш кылды

Жогорку Кеңештеги "Өнүгүү-Прогресс" фракциясынын депутаты Исхак Масалиев кечээ сессияда Бишкек Жылуулук электр борборун (ЖЭБ) модернизациялоого байланыштуу экс-президент Алмазбек Атамбаевден кол тийбестик макамды алууну сунуш кылды. Анын айтымында, ЖЭБди модернизациялаш үчүн Кытайдан насыя алууга Атамбаевдин түздөн-түз тиешеси бар.

- Акыркы күндөрү бизге маалымат жетти. 2013-жылдын май айында модернизация боюнча президенттик аппараттын эки бөлүмүнүн башчылары Сапар Исаков менен Айсулуу Ахмедова (чынында Нурсулу Ахметова - ред.) президенттин атына кызматтык кат жөнөткөн. "390 миллион доллар насыя алыш керек" деп. Президент түзмө-түз финансы жана энергетика министрлерине аны аткаруу тууралуу тапшырма берип жатат. Бул чоң ката. Кыргызстанда жаш баладан тартып улгайгандарга чейин ушунча көлөмдөгү насыя президентсиз чечилбей турганын билишет. Бирок Конституцияда президенттин андай укугу жок. Министрлерге буйрук бере турган укугу болгон эмес. Бул жерде президент өз укугунан ашып түшкөн. Президент өзү буйрук берип атса, кайсы министр каршы пикир айта алат? Кантип талкуулайт? Баарыбыз билебиз, эч ким сөз да айта албайт. Айрыкча бул "эл аралык мамилеге таасир этет, Кытай менен достук бузулат" дегенден кийин баарыбыздын тилибиз кыска болуп калат. Буга президенттин аралашканынан, буйрук бергенинен кылмыштын белгиси көрүнүп турат. "Узурпация" деген сөз бар. Өзүнүн кызматына ылайыктуу эмес укуктарды өзүнө алып алуу деп эсептелет. Ошол боюнча тиешелүү органдар карап чыкса, кызык нерселер табылышы мүмкүн. Корутундуда бир топ аттар жазылып турат. Мамлекеттик кызматкерлердин, депутаттардын фамилиялары жүрөт. Мен мурдагы президент Атамбаев Алмаз Шаршеновичтен кол тийбестикти алуу тууралуу сунуш киргизем. Ал киши "мыйзам алдында баары тең" деп бир топ жолу айткан. Керек болсо "мен да жооп берем" деген. Биз укук коргоо органдарына мүмкүнчүлүк беришибиз керек. Ак болсо ак, кара болсо жоопко тартылышы керек. Башатын тапсак, төрдө отурган премьер-министрлердин баары "бизге буйрук берген эле, унчукпай койгонбуз" деп айтышат. Алты жылда жети премьер болсо, алардын кайсынысынан сурайбыз? Негизи туура эмес кадам менен кетип баратабыз. Менин сунушум - мурунку президенттин кол тийбестигин алыш керек.

Жыйында мурдагы премьер-министр Сапар Исаков экс-президент Алмазбек Атамбаев Бишкек ЖЭБин модернизациялоо боюнча түз тапшырма бербегенин айтты.

- Алмазбек Атамбаев түз тапшырма берген эмес, "карап көргүлө" деп жатат. Ошондуктан Масалиев алдабасын, жалаа жаппасын. Экинчиден, биз президентке бардык компаниялар туурасында маалымат берип, кат жибергенбиз. Биз тигил же бул компанияны "лобби" кылган жокпуз. Элдин башын айлантпагыла.

Жогорку Кеңеш ушу тапта ЖЭБдеги кырсыктын себебин жана аны модернизациялоого Кытай берген 386 миллион доллардын чоо-жайын иликтеген депутаттык комиссиянын корутундусун угуп жатат.​

Null

Досторуң менен бөлүш


Коментарии FACEBOOK:

Тектеш жаңылыктар

УКМК Кубанычбек Кулматовго айып такты

УКМК Кубанычбек Кулматовго айып такты

Кубанычбек Кулматов

Улуттук коопсуздук боюнча мамлекеттик комитети Башкы прокуратура...

УКУК 2018-05-21  10:17

Ашхабадда карылар үйүнүн жашоочулары ачкалыктан жапа чегүүдө

УКУК 2018-05-21  10:35

Прокуратура ЖЭБ боюнча тергөө объективдүү жүрүп жатат

Прокуратура ЖЭБ боюнча тергөө объективдүү жүрүп жатат

Бишкектин Жылуулук электр борборуна (ЖЭБ) байланыштуу төрт кылмыш иши козголгон,...

УКУК 2018-05-17  18:42

Бачабаз дарыгердин курмандыгы болгон спортчу кыздар жарым миллиард...

Бачабаз дарыгердин курмандыгы болгон спортчу кыздар жарым миллиард...

Бачабаз доктор Ларри Нассардын курмандыгы болгон бир нече америкалык гимнаст кыз компенсация боюнча...

УКУК 2018-05-17  18:58

Шыкмаматов: энергомафия өкүлдөрү ЖЭБди модернизациялоодо 100 млн...

Шыкмаматов: энергомафия өкүлдөрү ЖЭБди модернизациялоодо 100 млн...

“Бишкек жылуулук борборун модернизациялоонун баасы 2-3 эсеге жогорулатылган. Энергомафиянын...

УКУК 2018-05-17  19:18

Туруктуу элдик кеңеш Баш мыйзамга өзгөртүү киргизүүнү талап кылууда

Туруктуу элдик кеңеш Баш мыйзамга өзгөртүү киргизүүнү талап кылууда

Туруктуу элдик кеңеш 14-майда Бишкекте жыйын...

УКУК 2018-05-16  03:14

Баткенде чек арадагы чыр үчүн тажик тарап кечирим сурады

Баткенде чек арадагы чыр үчүн тажик тарап кечирим сурады

Баткен облусунда Тажикстандын аскер кызматкерлери менен кыргыз жарандарынын ортосунда чыр чыкты....

УКУК 2018-05-14  12:18