KELECHEK

ЖАЛАЛ-АБАД: “ӨЛБӨС ПОЛК” ЖҮРҮШ ЖАСАДЫ (ФОТО)

ЖАЛАЛ-АБАД: “ӨЛБӨС ПОЛК” ЖҮРҮШ ЖАСАДЫ (ФОТО)

Бүгүн, 9-майда Жалал-Абад шаарында эгемендик жылдарындагы экинчи жолку “Өлбөс полк” жүрүшү уюштурулуп, ага шаардагы менчик түрүнө карабастан мекеме-ишканалардын эмгек жамааттары, коомдук бирикмелердин өкүлдөрү, шаар тургундары, жогорку жана орто окуу жайларынын студенттери, ар кайсы улуттук диаспоралардын жамааттары баары болуп 3 миңден ашуун киши катышышты.

“Өлбөс полк” жүрүшү бул жолкусунда шаардын чыгышынан – борбордук аянттан, батыш тарабынан – “Баел” базарынан, түндүк тарабынан – Советтер Союзунун Баатыры Тукубай Тайгараевдин эстелиги жактан “Жеңиш” эс алуу багына карай болду. Шаардын борбордук аянтынан башталган жүрүшкө мекеме-ишканалардын, коомдук бирикмелердин, улуттук диаспоралардын жаматтары жүрүш жасап, аны облус жетекчиси Кыянбек Сатыбалдиев баштап жүрдү. Шаардын чыгыш тарабынан башталган жүрүшкө жогорку жана орто окуу жайларынын студенттери, түндүк тарабынан башталган жүрүшкө спорт мектептеринин тарбиялануучулары катышты.

Согушка катышкан, кайтпайт калган жана дайынсыз кеткен жоокерлердин сүрөттөрүн көтөрүшкөн атуулдар “Жеңиш” эс алуу багына барып, ал жерде Улуу Ата Мекендик согуштан кайтпай калган жоокерлердин эстелигине гүлчамбарларды коюшту. Улуу Жеңишке арналган салтанаттын расмий бөлүгүн Жалал-Абад шаарынын мэринин милдетин аткаруучу Турдалы Темирбаев алып барып, баары курман болгондорду бир мүнөт унчукпай туруу менен эскеришти.

Ок атуучу куралдардан залп берилди. Министр Жамшитбек Калилов, облус жетекчиси Кыянбек Сатыбалдиев, согуш ардагери Гаффан Сафин, облустук ардагерлер кеңешинин төрагасы Садырбек Качкынбаев, шаардык кеңештин төрагасы Мураталы Тагаев катышкандардын баарын Улуу Жеңиш майрамы менен куттукташып, жакшы каалоолорун айтышты.

Согуш ардагерлерине сый-тамак уюштурулуп, солдаттын боткосу тартылды.  Ардагерлер дасторкон үстүндө согуш маалындагы оор мезгилди, курман болгон жоокерлерди эскеришти. Ал эми эс алуу багына жыйылган калың элге облустук, шаардык маданият кызматкерлеринин күчү менен кеңири программадагы концерт тартууланды.

Эскерте кетсек, Мекенди коргоого Жалал-Абад шаарынан 10 миңден ашуун киши фронтко жөнөп кеткен, алардын 5024ү кайтып келишсе, 4976сы катпай калган. Азыркы тапта фронтто согушкан 7 согуш ардагери бар. Андан тышкары, концлагерлерде туткун болушкан 2, оорукта каармандык көрсөтүп, Жеңишке эмгеги менен салым кошушкан 8 ардагерлер катарда.

Жалал-Абад шаарынын мэриясы тарабынан быйыл 25-апрелден 25-майга чейин согуш ардагерлерине камкордук көрүүнүн бир айлык акциясы жарыяланып, буга шаардык мекеме-ишканалар активдүү катышып жатышат.  

Null

Досторуң менен бөлүш


Коментарии FACEBOOK:

Тектеш жаңылыктар

Москванын борборуна Ислам Каримовдун эстелиги тургузулду

Москванын борборуна Ислам Каримовдун эстелиги тургузулду

14-октябрдан 15-октябрга оогон түнү Москванын борборундагы...

ТАРЫХ 2018-10-18  08:29

Француз компаниясы байыркы Бухара аймагында ири туристтик долбоорду...

Француз компаниясы байыркы Бухара аймагында ири туристтик долбоорду...

Өзбекстандын Улуттук банкы Bouygues («Буиг») деп аталган Франциянын ири курулуш компаниясы...

ТАРЫХ 2018-10-12  01:40

Президенттин согушта дайынсыз жоголгон чоң атасынын мүрзөсү...

Президенттин согушта дайынсыз жоголгон чоң атасынын мүрзөсү...

Президент Сооронбай Жээнбековдун Экинчи...

ТАРЫХ 2018-08-30  19:43

Ташкенттеги көчөлөрдүн бирине Чынгыз Айтматовдун ысымы берилди

Ташкенттеги көчөлөрдүн бирине Чынгыз Айтматовдун ысымы берилди

Ташкент шаардык кеңешинин депутаттары борбордогу...

ТАРЫХ 2018-07-14  21:07

Тажикстанда имамдар музейге барууга милдеттендирилди

Тажикстанда имамдар музейге барууга милдеттендирилди

Тажикстан мечиттеринин имам-хатибдери мындан ары музейге барып турууга милдеттендирилди. Бул...

ТАРЫХ 2018-07-14  22:07

Өзбекстандын Шахрисабз шаары ЮНЕСКОнун дүйнөлүк мурастарынын...

Өзбекстандын Шахрисабз шаары ЮНЕСКОнун дүйнөлүк мурастарынын...

Дүйнөлүк мурастар боюнча комитеттин июндун...

ТАРЫХ 2018-06-26  16:39

Түштүк-Казакстан облусунун аталышы Түркестан деп өзгөртүлдү

Түштүк-Казакстан облусунун аталышы Түркестан деп өзгөртүлдү

Казакстандын президенти Нурсултан Назарбаев кол койгон жарлыкка ылайык, Шымкент республикалык...

ТАРЫХ 2018-06-20  12:57