KELECHEK

БУУнун Коопсуздук кеңешинде Думадагы химиялык чабуул талкууланды

БУУнун Коопсуздук кеңешинде Думадагы химиялык чабуул талкууланды

Никки Хейли (ортодо) Коопсуздук кеңешинин жыйынында

БУУнун Коопсуздук кеңеши өткөн ишембиде Сириянын Дума шаарындагы ыктымал химиялык курал колдонулгандыгы маселесин талкуулоо үчүн шашылыш түрдө кезексиз жыйын өткөрдү.

Кечээ АКШ, Франция жана Улуу Британия баштаган тогуз өлкө химиялык курал тууралуу маалыматтарды кароо үчүн Коопсуздук кеңештин кезексиз жыйынын өткөрүүнү талап кылышкан. Орусия дагы «эл аралык тынчтык менен коопсуздук» маселеси талкууланышы керектигин билдирип, Коопсуздук кеңешти чогултууну талап кылган.

Жыйынды ачып жатып БУУнун Сирия боюнча атайын чабарманы Стаффан де Мистура Сириянын айланасындагы абал эл аралык коопсуздукка аймактык гана эмес, глобалдык деңгээлде дагы терс таасир эте турган өнүгүүсү менен коркунучтуу экенин билдирди.

Орусиянын БУУдагы туруктуу өкүлү Василий Небензя маалымат чогултуу үчүн Думага радиологиялык, химиялык жана биологиялык коргоо боюнча орусиялык адистер жөнөтүлгөнүн билдирди. «Алар топурактын үлгүсүн алып текшеришти. Жыйынтыгында нервди шал кылуучу жана хлорлуу заттын жок экени аныкталды», — деди орусиялык дипломат.

Өз кезегинде АКШнын уюмдагы туруктуу өкүлү Никки Хейли Коопсуздук кеңеште кандай гана чечим кабыл алынбасын, химиялык чабуулга күнөөлүүлөрдү жазалоо үчүн Кошмо Штаттар өз алдынча аракеттерге бара тургандыгын билдирди. Анын айтымында, «дүйнө кантип акыйкаттык орноп жатканына күбө болушу керек».

АКШ ыктымал химиялык курал колдонулгандыгына жооп катары Асаддын режимине каршы аскердик күч пайдаланылышы мүмкүндүгүн жокко чыгарган жок.

Коопсуздук кеңештин мүчөлөрү дүйшөмбүдөгү жыйында эч кандай чечим кабыл алышкан жок. Бүгүн алар резолюция долбоорун талкуулайт деп күтүлүүдө.

Президент Дональд Трамп «маанилүү чечимдер» тууралуу бир сутканын ичинде жарыялай турганын убадалады. Химиялык куралга тыюу салуу боюнча эл аралык уюм Думада 7-апрелде ууландыруучу химиялык зат колдонулгандыгы тууралуу маалыматты текшере баштады. Медициналык булактардын кабарлашынча, өткөн ишембидеги бомбалоолордон 48ден 60ка чейинки адам курман болуп, миңдеген киши жаракат алган.

Null

Досторуң менен бөлүш


Коментарии FACEBOOK:

Тектеш жаңылыктар

Трамптын мурдагы штаб башчысы кирешелерин салыктан жашырууга...

Трамптын мурдагы штаб башчысы кирешелерин салыктан жашырууга...

АКШ президенти Дональд Трамптын шайлоо штабынын мурдагы башчысы Пол Манафорт...

ДҮЙНӨ 2018-08-01  18:09

Сочиде Сирия боюнча сүйлөшүүлөр башталды

Сочиде Сирия боюнча сүйлөшүүлөр башталды

Сочиде Орусия, Иран жана Түркия...

ДҮЙНӨ 2018-07-31  14:49

Трамп: Орусияга каршы санкциялар сакталат

Трамп: Орусияга каршы санкциялар сакталат

АКШ президенти Дональд Трамп дүйшөмбү...

ДҮЙНӨ 2018-07-31  14:55

Трамп Иран президенти менен жолугушууга даяр

Трамп Иран президенти менен жолугушууга даяр

АКШ президенти Дональд Трамп Иран президенти Хасан Роухани менен “алдын ала  шартсыз” эле...

ДҮЙНӨ 2018-07-31  16:49

Эрдоган: АКШ маанилүү өнөктөшүнөн ажырап калышы мүмкүн

Эрдоган: АКШ маанилүү өнөктөшүнөн ажырап калышы мүмкүн

Түрк президенти Режеп Тайып Эрдоган АКШ лидери Дональд Трамптын...

ДҮЙНӨ 2018-07-30  15:33

Дональд Трамп: Орусия ноябрда демократтарды колдойт

Дональд Трамп: Орусия ноябрда демократтарды колдойт

АКШ президенти Трамп ноябрда Конгресс...

ДҮЙНӨ 2018-07-26  05:07

Трамп: Путин менен эки өлкөгө пайда алып келе турган маселелер жөнүндө...

Трамп: Путин менен эки өлкөгө пайда алып келе турган маселелер жөнүндө...

АКШнын президенти Дональд Трамп Орусиянын лидери Владимир Путин менен Хелсинкидеги жабык...

ДҮЙНӨ 2018-07-24  11:51