KELECHEK

Тажикстан Өзбекстанга электр энергиясын сата баштады

Тажикстан Өзбекстанга электр энергиясын сата баштады

9 жылдык тыныгуудан кийин Тажикстан кайрадан Өзбекстанга электр энергиясын сата баштады. Расмий маалыматтар боюнча, тажик тарап жай мезгилинде аймактагы өлкөлөргө 5 миллиард киловатт/саат электр кубатын экспорттой алат.

Тажикстандын «Барки точик» энергохолдингинин төрага орун басары Махмадумар Асозоданын айтымында, 3-апрелде өзбек тарап тиешелүү линиялардагы иштерди аяктагандан кийин, коңшу өлкөнүн бардык подстанцияларына электр энергиясын берүү калыбына келтирилди. Ал Тажикстан Өзбекстандын аймагы аркылуу өткөн Борбор Азия электр шакекчесине киргендиктен, өлкө ичиндеги жогорку чыңалуудагы бир катар электр линияларында дагы оңдоп-түзөө иштери жүргүзүлгөнүн белгиледи. Эми Тажикстан жыл сайын жай мезгилинде Өзбекстанга 1,5 миллиард киловатт/саат электр энергиясын экспорттоп турат. Анын 1 киловаттынын баасы 2 центти түзөт.

Буга чейин «Өзбекэнерго» компаниясы Тажикстандын Энергетика жана суу чарба министрлиги менен 2018-жылдын жай мезгилинде 1,5 миллиард киловатт/саат электр энергиясын жеткирүү боюнча макулдашууга кол коюлганын кабарлаган. Мекемеден 2018-2019-жылдын кыш мезгилинде Тажикстандан электр кубатын алуу боюнча кошумча сүйлөшүүлөр болорун белгилешкен.

Өзбекстанга электр энергиясын сатуунун калыбына келиши менен «Барки точик» компаниясы өз продукциясын Казакстанга дагы экспорттой алат. Энергохолдингдин маалыматы боюнча Тажикстан жай мезгилинде аймактагы өлкөлөргө 5 миллиард киловатт/саат электр жеткире алат.

Null

Досторуң менен бөлүш


Коментарии FACEBOOK:

Тектеш жаңылыктар

Тажикстанда беш кабаттан төмөн турак-жай курууга тыюу салынды

Тажикстанда беш кабаттан төмөн турак-жай курууга тыюу салынды

Тажикстан бийлиги калктуу конуштарда, ошондой эле шаарлар менен райондордун административдик...

ЭКОНОМИКА 2018-08-01  17:55

Түркмөн президенти айыл чарбасындагы абалды сынга алды

Түркмөн президенти айыл чарбасындагы абалды сынга алды

30-июлда Түркмөнстандын президенти Гурбангулы Бердымухамедов...

ЭКОНОМИКА 2018-08-01  18:00

Ош шаарынын мэри тигүү фабрикасынын ишмердүүлүгү менен таанышты (ФОТО)

Ош шаарынын мэри тигүү фабрикасынын ишмердүүлүгү менен таанышты (ФОТО)

Кечээ, 31-июлда Ош шаарынын мэри Таалайбек Сарыбашов “Мурас” тигүү фабрикасынын ишмердүүлүгү...

ЭКОНОМИКА 2018-08-01  21:26

Казакстан Орусиянын айрым аймактарынан куш өнүмдөрүн ташууга чектөө...

Казакстан Орусиянын айрым аймактарынан куш өнүмдөрүн ташууга чектөө...

Казакстан Айыл чарба министрлиги 26-июлда Орлов, Ростов жана Нижегород облустарынан куш...

ЭКОНОМИКА 2018-07-27  18:31

Чек арадан чөнтөк телефон алып өткөндөрдөн 100 сомдон алуу сунушталууда

ЭКОНОМИКА 2018-07-26  11:04

ЖАЛАЛ-АБАД: ТЫШКЫ ИНВЕСТИЦИЯНЫН КӨЛӨМҮ ОН ЭСЕ ӨСТҮ

ЖАЛАЛ-АБАД: ТЫШКЫ ИНВЕСТИЦИЯНЫН КӨЛӨМҮ ОН ЭСЕ ӨСТҮ

Жарым жылда Жалал-Абад шаарынын экономикасынын ар түрдүү тармактарына 1 миллиард 648,6 миллион сомдук...

ЭКОНОМИКА 2018-07-26  12:22