KELECHEK

«Достук» бекетинде 1,5 миңдей адам тыгында турат

«Достук» бекетинде 1,5 миңдей адам тыгында турат

Ош облусундагы кыргыз-өзбек «Достук» өткөрмө бекетинде ушу тапта Өзбекстан тарапка өтүү үчүн 1,5 миңдей адам кезек күтүп турат.

«Азаттык» радиосунун кабарчылары жеринен маалымдаганына караганда, тыгындын айынан айрымдар тосмодон өтүүгө аракет кылууда. Кээ бирлеринин кан басымы көтөрүлүп, өзүн жаман сезип кыйналгандар да бар, бирок аларга медициналык жардам көрсөткөндөр жок болууда.

Чек арачылар чыңалууга жол бербеш үчүн кары-картаңдарды, майыптарды жана кош бойлууларды кезексиз өткөрүп жатышат.

Жаздын келиши менен соода-сатык кылып каттагандар көбөйгөндүктөн «Достук» бекетинде мындай тыгын бир нече күндөн бери пайда болууда. Кечээ бул жерде 500дөй адам топтолгон учур катталган.

Кыргызстандын Чек ара кызматы абалды комментарийлеп анын «эки тарабында тең кезек күткөн жарандардын саны көбөйгөнүнө байланыштуу учурда кошумча кабиналарды орнотуу иштери жүрүп жатканын» билдирген.

Кыргызстан менен Өзбекстандын чек арасы 2005-жылы март жана Анжиян окуяларынан кийин жабылып, ары-бери өтүү кыйындаган. 2010-жылкы июнь коогасынан кийин чек арадан өтүү үчүн телеграмма, чакыруу сыяктуу кошумча документтер талап кылына баштаган.

2017-жылдын сентябрь айында кыргыз-өзбек «Достук» чек ара бекетинде эки тарапка өтүүнүн жол-жобосу жеңилдеген. Эки тарапка каттагандардын саны көбөйгөн. Мамлекеттик чек ара кызматы муну эки өлкөнүн ортосундагы сооданын жанданышы менен байланыштырууда.

Null

Досторуң менен бөлүш


Коментарии FACEBOOK:

Тектеш жаңылыктар

Кыргыз-казак чек арасында жаңы чек ара бекеттери ачылды

Кыргыз-казак чек арасында жаңы чек ара бекеттери ачылды

Казакстандын Жамбыл облусундагы Кордай районунда эки жаңы чек ара бекети ачылды....

КООМ 2018-12-18  15:46

Душанбе борборунда 18 метрлик куранттуу мунара салынууда

Душанбе борборунда 18 метрлик куранттуу мунара салынууда

Душанбенин борборунда жайгашкан Дусти аянтында 18 метрлик куранттуу мунаранын курулушу башталды. Бул...

КООМ 2018-12-18  16:00

Кыргыз-өзбек өкмөт башчылары тар чөйрөдө жолукту

Кыргыз-өзбек өкмөт башчылары тар чөйрөдө жолукту

Кыргызстан менен Өзбекстандын чектеш облус жетекчилеринин...

КООМ 2018-12-18  16:02

Ташкентте Аяз Аталардын жүрүшү өттү

Ташкентте Аяз Аталардын жүрүшү өттү

Быйыл Ташкенттеги 505 мааленин активисттери Аяз Атанын кийимин кийип алып, Жаңы...

КООМ 2018-12-17  15:33

Өзбекстанда арзан ун сатып алуу үчүн кезекте тургандар мушташууда

Өзбекстанда арзан ун сатып алуу үчүн кезекте тургандар мушташууда

Өзбекстандын айрым аймактарында арзан ун сатып алуу...

КООМ 2018-12-06  12:02

БУУнун өкүлчүлүгүнүн алдында Кытайдагы кыргыздарды колдогон акция...

БУУнун өкүлчүлүгүнүн алдында Кытайдагы кыргыздарды колдогон акция...

Бириккен Улуттар Уюмунун (БУУ) Бишкектеги кеңсесинин алдында Кытайдагы “кайра...

КООМ 2018-12-05  11:09