KELECHEK

ЖАЛАЛ-АБАД: “ДЕН СООЛУК – 2018” СПАРТАКИАДАСЫНЫН ЖЫЙЫНТЫГЫ ЧЫГАРЫЛДЫ (ФОТО)

ЖАЛАЛ-АБАД: “ДЕН СООЛУК – 2018”  СПАРТАКИАДАСЫНЫН ЖЫЙЫНТЫГЫ ЧЫГАРЫЛДЫ (ФОТО)

Жалал-Абад мамлекеттик университетинин профессордук-окутуучулары жана кызматкерлери арасында өткөрүлгөн “Ден-соолук – 2018” аталышындагы кышкы спартакиадасынын жыйынтыгы чыгарылды. Жеңүүчүлөргө окуу жайынын ректораты сыйлыктарды тапшырды. Мыктылар Ысык-Көл облусунда болуучу “Ден соолук – 2018” спартакиадасына катышуучулар жолдомо алышты. Бул тууралуу ЖАМУнун ректоратынан билдиришти.

Спартакиадага окуу жайдын 360дан ашуун кызматкерлери катышып, спорттун алты түрү боюнча 9 команданын ортосунда таймаш жүрдү: алар - кичи футбол, стол үстүндөгү теннис, тогуз коргоол, шахмат, аркан тартыш жана волейбол оюндары.

Оюндун жыйынтыгы чыгарылып, жалпы командалык биринчи орунду Жалал-Абад колледжи ээлеп, 10000 (он миң) сом акчалай сыйлыкка ээ  болду. Ошондой эле экинчи орунду Медициналык колледж багындырып, 9000 (тогуз миң) сом ыйгарылды. Ал эми үчүнчү орунду ректорат багындырып, 8000 (сегиз миң) сом алса, төртүнчү орун Педагогикалык факультетине берилип, 7000 (жети миң) сом  акчалай сыйлык алышты. Андан сырткары, калган катышуучу командаларга 2000 (эки миң) сомдон кызыктыруучу сыйлыктар тапшырылды.

ЖАМУнун ректору Кеңешбек Үсенов оюнчуларды спорттук майрамы менен куттуктап, аларга ден соолук каалап өттү.

- “Ден соолук – 2018” спартакиадасы университеттин жалпы жамаатынын ортосундагы биримдикти, ынтымактуулукту чыңдайт. Биримдикке жараша ийгиликтер, жетишкендиктер жаралат. Ушул жылы окуу жайдын 25 жылдык мааракеси болот. Юбилейде да спорттук оюндар уюштурулат, иш-чарага башка жогорку окуу жайлардан келген катышуучулар менен таймаш өткөрүп, ийгиликтерге жетебиз, – деген оюн билдирди окуу жайдын ректору.

Ал эми бул мелдештердин жыйынтыгы менен мыктылардын мыктысы тандалып, 2018-жылдын июнь айында Ысык-Көл облусунда болуучу “Ден соолук – 2018” спартакиадасына катышуучулар жолдомо алышты.

 

Null

Досторуң менен бөлүш


Коментарии FACEBOOK:

Тектеш жаңылыктар

Бокс 2020-жылкы Олимп оюндарынын программасынан чыгарылышы мүмкүн

Бокс 2020-жылкы Олимп оюндарынын программасынан чыгарылышы мүмкүн

30-ноябрда Эл аралык олимпиадалык комитеттин Токиодо өткөн...

СПОРТ 2018-12-04  05:23

Казакстанда футболчулардын орточо айлыгы 148 миң долларды түзөт

Казакстанда футболчулардын орточо айлыгы 148 миң долларды түзөт

Sporting Intelligence сайты 2018-жылга карата дүйнө футболундагы орточо...

СПОРТ 2018-11-29  04:33

Кыргызстандык балбандар дүйнөлүк рейтингде үчүнчү орунга чыгышты

СПОРТ 2018-11-09  04:45

СПОРТ ЖАНА ДЕН СООЛУК ЧЫҢДООЧУ КОМПЛЕКСТИН АЧЫЛЫШ АЗЕМИ БОЛУП ӨТТҮ

СПОРТ ЖАНА ДЕН СООЛУК ЧЫҢДООЧУ КОМПЛЕКСТИН АЧЫЛЫШ АЗЕМИ БОЛУП ӨТТҮ

Жалал-Абад шаарында "Газпром" компаниясы тарабынан "Газпром - балдарга" долбоорунун...

СПОРТ 2018-11-03  21:45

Оштун “Алай” командасы “Кара-Балта” командасын 9:0 эсебинде утту

Оштун “Алай” командасы “Кара-Балта” командасын 9:0 эсебинде утту

22-сентябрда Оштогу А.Сүйүмбаев атындагы стадиондо Ош шаарынын “Алай” командасы өз үйүндө...

СПОРТ 2018-09-24  13:29

Футбол федерациясы “Алай” клубуна кичи автобус белек кылды

Футбол федерациясы “Алай” клубуна кичи автобус белек кылды

22-сентябрда Кыргызстан чемпиондугунун алкагында Ош шаарынын “Алай” командасы өз үйүндө...

СПОРТ 2018-09-22  13:24