Жалал-Абад мамлекеттик университетинде кытайлык манасчысы Жусуп Мамайдын элесине арналган  үчүнчү Эл аралык илимий тажрыйбалык жыйын болуп өттү. Бул тууралуу ЖАМУнун басма сөз катчысы Айганат Каримова билдирди.

Анын берген маалыматына караганда, жыйында манасчы Жусуп Мамайдын тарыхый жана маданий мурасын сактоо ишине кошкон салымы жөнүндө, манасчынын эмгектерин терең иликтөө, талдоо жана кеңири таануу жөнүндө баяндама макалалар окулду.

Жыйынга манасчы Жусуп Мамайдын үч урпагы (баласы, небереси, чебереси), кыргыз жана кытайдагы  кыргыз тарыхчылары: Т.К. Чоротегин, А.Акунов, А.Асанканов, Ж.Кадыр, М.А.Карыбаева, Т.Кененсариев жана  “Мурас” фонду, “Кыргыз тарых коому”  ЖАМУнун профессордук-окутуучулары жана студенттери катышты.