Жалал-Абадда шаар мэринин милдетин аткаруучу Турдали Темирбаевдин буйругу менен Эл аралык балдарды коргоо күнүнө карата “Биздин балдар – планетанын келечеги!” аттуу бир айлык жарыяланды. Ал эл аралык майрамга карата уюштурулуп жаткан иш-чаралардын алкагында жүрмөкчү.

Бир ай ичинде шаардагы муниципалдык ишканалар балдар мекемелерине, жардамга муктаж үй-бүлөлөрдөгү балдарга, ден соолугунан мүмкүнчүлүгү чектелген балдарга, балдар үйлөрүнө бекитилип, аларга практикалык колдоо чараларын көрсөтүшөт.

- Биз мындай чараларды жыл сайын уюштуруп келебиз. Быйылкы жылы шаардагы балдарды социалдык, маданий жактан колдоонун комплекстүү чаралары иштелип чыккан. Аны ишке ашыруу менен биз балдардын жайкы эс алуусун да, социалдык-маданий мүдөөлөрүн да камсыз кылабыз, - дейт Т. Темирбаев.

Бир айлык 25-майдан 25-июнга чейин өтөт.